ရုရှားကိုတိုက်ခိုက်မည်ဟု ကြုံးဝါးခဲ့သည့် ယူကရိန်းနည်းပြကို အရေးယူရန် ရုရှားတိုင်ကြား
ရုရှားနိုင်ငံကို တိုက်ခိုက်မယ်လို့ ကြုံးဝါးခဲ့တဲ့ ယူကရိန်းလက်ရွေးစင်အသင်းနည်းပြကို အရေးယူဖို့ ရုရှားဘောလုံးအဖွဲ့ချုပ်က ယူအီးအက်ဖ်အေထံ တိုင်ကြားထားပါတယ်။
ယူကရိန်းအသင်းနည်းပြ ပတ်ထရာကော့ဗ်ဟာ ရုရှားရန်သူတွေအနေနဲ့ ကိယက်ဗ်မြို့ကို လာမယ်ဆိုရင် လက်နက်ကိုင်တိုက်ပွဲဝင်ပြီး မြို့တော်ကိုကာကွယ်သွားမယ်လို့ ပြီးခဲ့တဲ့ ဧပြီလတုန်းက ကြုံးဝါးပြော ဆိုခဲ့တာပါ။
အဲဒီလိုပြောဆိုခဲ့တာဟာ နိုင်ငံ့လက်ရွေးစင်နည်းပြတစ်ဦးအနေနဲ့ မသင့်တော်တဲ့ အပြုအမူလို့ ရုရှားဘောလုံး အဖွဲ့ချုပ်ဘက်က စွပ်ခဲ့ပြီး ပွဲပယ်ပြစ်ဒဏ်ချမှတ်ပြီးအရေးယူဖို့ ယူအီးအက်ဖ်အေကို တိုင်ကြားခဲ့တာပါ။
ယူကရိန်းအသင်းနည်းပြ ပတ်ထရာကော့ဗ်ဟာ ရုရှားနဲ့ စစ်ဖြစ်ပွားချိန်စတင်ကတည်းက ယူကရိန်းစစ်တပ်ထဲဝင်ဖို့ စာရင်းပေးခဲ့ပေမယ့် အသက်အရွယ်ကြီးမြင့်မှုနဲ့ စစ်ရေးအတွေ့အကြုံမရှိ တာကြောင့် ဝင်ခွင့်မရခဲ့ပါဘူး။
သူဟာ ယူကရိန်းကို ကမ္ဘာ့ဖလားဆီ ပို့ဆောင်ပေးဖို့ ကြိုးပမ်းခဲ့ပေမဲ့ နောက်ဆုံး ပလေးအော့ဖ်အဆင့်မှာ ဝေးလ်အသင်းကိုရူံးနိမ့်ခဲ့လို့ ကမ္ဘာ့ဖလားနဲ့လွဲချော်ခဲ့ရပါတယ်။
