လီဗာပူးအသင်းကို အလုံးစုံရောင်းချနိုင်ရန် ပိုင်ရှင်သစ်များ ဖိတ်ခေါ်
လီဗာပူးအသင်းကိုပိုင်ဆိုင်တဲ့ FSG အဖွဲ့ဟာ အသင်းကို အလုံးစုံရောင်းချနိုင်ဖို့အတွက် ပိုင်ရှင်သစ်တွေ ဖိတ်ခေါ်ထားပါတယ်။
Fenway Sports Group ဟာ လီဗာပူးကို ၂၀၁၀ ပြည့်နှစ်က ပေါင်သန်း ၃၀၀ နဲ့ဝယ်ယူခဲ့တာဖြစ်ပြီး ၁၂ နှစ်အကြာမှာ ပြန်လည်ရောင်းချဖို့ ဆုံးဖြတ်ခဲ့တာပါ။
FSG ရဲ့ထုတ်ပြန်ချက်အရ အသင်းရဲ့အကျိုးစီးပွားအတွက် ဆုံးဖြတ်ရတာဖြစ်ပြီး ဝယ်ယူလိုတဲ့ပိုင်ရှင်သစ်တွေကို ဖိတ်ခေါ်ကြောင်း သိရပါတယ်။
၂၀၂၂ ခုနှစ်မေလက နာမည်ကျော် Forbes မဂ္ဂဇင်းရဲ့ သတ်မှတ်ချက်အရ လီဗာပူးက ပေါင် ၃ ဒသ ၈၉ ဘီလီယံတန်ကြေးသတ်မှတ်ခဲ့ပါတယ်။
ချဲလ်ဆီးအသင်းကို ရောင်းချစဉ်က ပေါင် ၄ ဒသမ ၂၅ ဘီလီယံရရှိခဲ့တာကြောင့် အဲဒီပမာဏလောက် အထိရရှိဖို့ ချဲလ်ဆီးအသင်းက မျှော်လင့်ထားပါတယ်။
FSG ဟာ ၂၀၁၅ ခုနှစ်တုန်းက ဂျာမန်နည်းပြ ယာဂန်ကလော့ပ်ကို ခန့်အပ်လိုက်တာက အမြင့်မားဆုံး အောင်မြင်မှုတွေရယူနိုင်ခဲ့ပြီး ချန်ပီယံလိဂ်နဲ့ ပရီးမီးယားလိဂ် ဆုဖလားတွေပါ ရယူနိုင်ခဲ့ပါတယ်။
