ဂျာမနီနိုင်ငံ ဘာလင်မြို့ရှိ ယူကေသံရုံးမှာ အလုပ်လုပ်နေတဲ့ ဗြိတိန်လုံခြုံရေးဝန်ထမ်းဟာ ရုရှားနိုင်ငံအတွက် အသုံးဝင်တဲ့ သတင်းအချက်အလက်တွေ ပေးပို့ခြင်းနဲ့ပတ်သက်ပြီး နိုင်ငံတော်လျှို့ဝှက်ချက် အက်ဥပဒေအရ ပြစ်မှု ၈ ခုအတွက် အပြစ်ရှိကြောင်း ဝန်ခံခဲ့ပါတယ်။

ပို့စ်ဒမ်မြို့မှာ နေထိုင်ပြီး သံရုံးလုံခြုံရေးအစောင့်အဖြစ် တာဝန်ထမ်းဆောင်နေတဲ့ ဒေးဗစ် ဘော်လန်တိုင်းန် စမစ်သ်ကို ၂၀၂၁ ခုနှစ် သြဂုတ်လမှာ ဂျာမန်ရဲတွေက ဖမ်းဆီးပြီးနောက် ဂျာမနီကနေ ဗြိတိန်ကို လွှဲပြောင်းခဲ့ပါတယ်။

အသက် ၅၈ နှစ်အရွယ် စမစ်သ်ဟာ ပြစ်မှု ၈ ခု အတွက် အပြစ်ရှိကြောင်း  နိုဝင်ဘာ ၄ ရက်မှာ ၀န်ခံခဲ့ပါတယ်။ 

စမစ်သ်က ၉ ခုမြောက်စွဲချက်ကို မကျူးလွန်ကြောင်း ဝန်ခံထားတာကြောင့် အဲဒီအတွက် ရုံးတင်စစ်ဆေးမှု မလုပ်တော့ပါဘူး။

အဲဒီနောက် တရားသူကြီး မာ့ခ်ဝေါလ်ဟာ နိုဝင်ဘာ ၁၁ ရက်မှာ စမစ်သ်ရဲ့ အသနားခံစာကို ကန့်သတ်ချက်တွေ ရုပ်သိမ်းခဲ့ပါတယ်။ 

စမစ်သ်ဟာ ပြီးခဲ့တဲ့သီတင်းပတ်က လန်ဒန်ရှိ ဗဟိုမှုခင်းတရားရုံး Old Bailey မှာ ပေါ်လာခဲ့ပြီး သူဟာ  ၂၀၂၀ ခုနှစ် အောက်တိုဘာလကနေ ဒီဇင်ဘာလအတွင်း ဘာလင်ဆိုင်ရာ ရုရှားစစ်သံမှူး ဖြစ်တဲ့ ဗိုလ်ချုပ်ကြီး ဆာဂေ ချူခရော့ဗ်ဆီကို ဗြိတိသျှအစိုးရဝန်ထမ်းတွေနဲ့ ပတ်သက်တဲ့ သတင်းအချက်အလက်တွေကို ပေးပို့ခြင်းအတွက် အပြစ်ရှိကြောင်း ၀န်ခံခဲ့ပါတယ်။ 

ဒါ့အပြင် စမစ်သ်ဟာ ဘာလင်မြို့ရှိ ဗြိတိန်သံရုံးရဲ့လုပ်ငန်းလည်ပတ်ပုံနဲ့ သံရုံးအခင်းအကျင်းနဲ့ ပတ်သက်တဲ့ အကြောင်းအရာတွေ အပါအဝင် ရန်သူ ရုရှားနိုင်ငံအတွက် အကျိုးရှိနိုင်တဲ့ သတင်းအချက်အလက် စုဆောင်းခြင်းနဲ့ပတ်သက်တဲ့ တခြားစွဲချက် ၇ ခုကိုလည်း ၀န်ခံခဲ့ပါတယ်။

စမစ်သ်ကို စီရင်ချက် ချမယ့်အပေါ် အခြေခံဆုံးဖြတ်မယ့် ကြားနာမှုကို ၂၀၂၃ ခုနှစ် ဖေဖော်ဝါရီလမှာ ပြုလုပ်ဖို့ မျှော်လင့်ထားပါတယ်။