အစ္စရေးသမ္မတ အိုင်းဇက် ဟာဇော့ဂ်ဟာ အစ္စရေးနိုင်ငံရဲ့ ၂၅ ကြိမ်မြောက် လွှတ်တော်အစည်းအဝေးကို နိုဝင်ဘာ ၁၅ ရက်မှာ တရားဝင်ဖွင့်လှစ်ခဲ့ပြီး လွှတ်တော်အမတ် ၁၂၀ က ကျမ်းသစ္စာ ကျိန်ဆိုခဲ့ပါတယ်။

အနားယူတော့မယ့် လွှတ်တော်ဥက္ကဋ္ဌ မစ်ကီ လယ်ဗီ၊ သူ့လက်ထောက်တွေနဲ့အတူ သမ္မတ ဟာဇော့ဂ်ဟာ ကော်ဇောနီပေါ်ကဆင်းပြီး အခမ်းအနားကျင်းပရာ လွှတ်တော် အစည်းအဝေး ခန်းမဆီ ချီတက်ခဲ့ပြီး တံပိုးခရာမှုတ်သံတွေနဲ့ အခမ်းအနားကို စတင်ခဲ့ပါတယ်။

နိုဝင်ဘာ ၁ ရက် ရွေးကောက်ပွဲမှာ သူ့ရဲ့ ကွန်ဆာဗေးတစ် လစ်ကတ်ပါတီက မဲအများဆုံးရခဲ့တဲ့ အတိုက်အခံ ဘန်ဂျမင် နေတန်ယာဟုကို အစိုးရဖွဲ့ဖို့ လုပ်ပိုင်ခွင့် ပေးအပ်ပြီးတဲ့နောက် အခမ်းအနား ကျင်းပခဲ့တာပါ။

သူနဲ့ ဖြစ်နိုင်ခြေရှိတဲ့ မဟာမိတ်တွေဟာ လေးနှစ်အတွင်း ရွေးကောက်ပွဲ လေးကြိမ် ကျင်းပအပြီးမှာ အများစုဖြစ်တဲ့ လွှတ်တော်အမတ်နေရာ ၆၄ နေရာကို ထိန်းချုပ်ဖို့ အလားအလာရှိနေတယ်လို့ ရိုက်တာသတင်းဌာနက သုံးသပ်ထားပါတယ်။