တရုတ်နဲ့ အမေရိကန်တို့ အပြန်အလှန် နားလည်မှုတိုးမြှင့်ဖို့နဲ့  နှစ်နိုင်ငံ ဆက်ဆံရေးကောင်းမွန်ပြီး တည်ငြိမ်တဲ့ ဖွံ့ဖြိုးတိုးတက်မှု လမ်းကြောင်းပေါ်သို့ ပြန်လည်ရောက်ရှိစေရေး အတူတကွလုပ်ဆောင်ကြဖို့ မျှော်လင့်တယ်လို့ တရုတ်သမ္မတ ရှီကျင့်ဖျင်က ထိုင်းနိုင်ငံ၊ ဘန်ကောက်မြို့မှာ နိုဝင်ဘာ ၁၉ ရက်က ပြောလိုက်ပါတယ်။

အမေရိကန် ဒုသမ္မတ ကမ်မလာဟားရစ်အနေနဲ့ ဒီကိစ္စမှာ အပြုသဘောဆောင်တဲ့ အခန်းကဏ္ဍကနေ ပါဝင်လာမယ်လို့ မျှော်လင့်တယ်လို့လည်း ရှီက ပြောပါတယ်။ 

၂၉ ကြိမ်မြောက် အာရှ-ပစိဖိတ် စီးပွားရေး ပူးပေါင်းဆောင်ရွက်ရေး အဖွဲ့ (APEC)ရဲ့ စီးပွားရေး ခေါင်းဆောင်များ အစည်းအဝေးရဲ့ ဆက်စပ် ဆွေးနွေးပွဲမှာ ရှီကျင့်ဖျင်က ဟားရစ်နဲ့ တွေဆုံ အမြင်ဖလှယ်ခဲ့တာပါ။

ဘာလီကျွန်းမှာ အမေရိကန် သမ္မတ ဂျိုးဘိုင်ဒန်နဲ့ တွေ့ဆုံမှုဟာ ဗျူဟာမြောက် အပြုသဘောဆောင်ပြီး တရုတ်-အမေရိကန် ဆက်ဆံရေး ရှေ့ဆက်ဖို့ လမ်းညွှန်တဲ့ နေရာမှာ အရေးကြီးတဲ့ အရေးပါမှုဖြစ်တယ်လို့လည်း ရှီက ပြောပါတယ်။ အစည်းအဝေးက အောင်မြင်တယ်လို့ အမေရိကန် ဒုသမ္မတ ဟားရစ်ကလည်း ပြောပါတယ်။

အမေရိကန်ပြည်ထောင်စုဟာ တရုတ်နိုင်ငံနဲ့ ထိပ်တိုက်ရင်ဆိုင်ဖို့ ဒါမှမဟုတ် ပဋိပက္ခဖြစ်ဖို့ နည်းလမ်းကို မရှာဖွေဘူး၊ နှစ်ဘက်စလုံးဟာ ကမ္ဘာ့အရေးကိစ္စ တွေမှာ အတူတကွ ပူးပေါင်း လုပ်ဆောင်ဖို့နဲ့  ဆက်သွယ်ရေး လမ်းကြောင်းတွေ ပွင့်နေအောင် လုပ်ဖို့ လိုအပ်တယ်လို့ ဟာရစ် က အလေးပေးပြောကြားခဲ့ပါတယ်။ 

အမေရိကန်သမ္မတဘိုင်ဒင်နဲ့ တရုတ်သမ္မတ ရှီကျင့်ဖျင်တို့ နှစ်ဦးဟာ ဘာလီကျွန်းမှာကျင်းပတဲ့ ၁၇ ကြိမ်မြောက် G20 ထိပ်သီးအစည်းအဝေးကို တက်ရောက်ခဲ့ပြီး ကမ္ဘာလုံးဆိုင်ရာနဲ့ ဒေသဆိုင်ရာ အကြီးစား ကိစ္စရပ် တွေ၊ တရုတ်နဲ့အမေရိကန် ဆက်ဆံရေးရဲ့ မဟာဗျူဟာမြောက် အရေးပါတဲ့ ကိစ္စရပ်တွေနဲ့ ပတ်သက်လို့  ပွင့်ပွင့်လင်းလင်း နက်နက်ရှိုင်းရှိုင်း အမြင်ချင်းဖလှယ်ခဲ့ ကြပါတယ်။