မက္ကဆီကိုနိုင်ငံမြောက်ပိုင်းမှာ အုန်းသီးတွေထဲ ထည့်ဝှက်ထားတဲ့ ဖှန်တနိုင်းလ်လို မူးယစ်ဆေးတွေ ကီလို ၃၀၀ နီးပါးကို မက္ကဆီကို ရှေ့နေချုပ်ရုံးမှ တာဝန်ရှိသူတွေက ဒီဇင်ဘာ ၁ ရက်က သိမ်းဆည်းရမိခဲ့ပါတယ်။ 

အဖွဲ့အစည်းကနေ မျှဝေထားတဲ့ ပုံတွေမှာ အရာရှိတယောက်က အပြာရောင်အိတ်တွေထဲက အုန်းသီးတွေကို ဖွင့်ပြနေပြီးတော့ မြေကြီးကို ချထားတာ မြင်ရပါတယ်။ 

သိမ်းဆည်းရမိတဲ့ အုန်းသီးတွေကို ဆိုနိုရာမြို့မှာ ပြုလုပ်ခဲ့တာဖြစ်ပြီး ပစ္စည်းတွေကို သယ်လာတဲ့ လူ ၂ ယောက်ကို ဖမ်းဆီးခဲ့ပါတယ်။ 

လက်ရှိ ထိန်းသိမ်းခံထားရသူတွေကို စစ်ဆေးနေပါတယ်။ ဖှန်တနိုင်းလ်ဟာ ဘိန်းဖြူထက် အဆ ၅၀ အားကောင်းပြီး မော်ဖင်းထက် အဆ ၁၀၀ ပိုပြင်းထန်တဲ့ ဓာတုဒြပ်ပေါင်းတမျိုး ဖြစ်ပါတယ်။