မန်ချက်စတာယူနိုက်တက်အသင်းကခေါ်ယူဖို့ ဆွေးနွေးခဲ့တဲ့  ကိုဒီဂတ်ပိုကို လီဗာပူးအသင်းက ကြားဖြတ်ခေါ်ယူသွားပါတယ်။

အသက် ၂၃ နှစ်ပဲအရွယ် ဟော်လန်တိုက်စစ်မှူးဟာ ပြီးခဲ့တဲ့ ကာတာကမ္ဘာ့ဖလားမှာ သွင်းဂိုး ၃ ဂိုးရခဲ့ပြီး ခြေစွမ်းပြခဲ့သလို အဲဒီမတိုင်ခင် ကလပ်အသင်းမှာလည်း ဂိုးပါဝင်ပတ်သက်မှု ၂၁ ကြိမ်ပြုလုပ်နိုင်ခဲ့ပါတယ်။

ဂတ်ပိုအတွက် လီဗာပူးအသင်းက ယူရိုသန်း ၅၀ နဲ့ သဘောတူညီမှုရခဲ့တာဖြစ်ပြီး ၅ နှစ် စာချုပ်ချုပ်ဆိုမယ်လို့ သိရပါတယ်။

ပီအက်စ်ဗွီအသင်းဘက်ကလည်း လီဗာပူးနဲ့ သဘောတူညီမူရခဲ့တယ်ဆိုတဲ့အကြောင်း တရားဝင်သတင်းထုတ်ပြန်ခဲ့ပြီး ဂတ်ပိုဟာ မကြာခင်မှာ လီဗာပူးအသင်းနဲ့ ဆေးစစ်ပြီးတဲ့အခါ  စာချုပ်ချုပ်ဆိုသွားမှာဖြစ်ပါတယ်။

မန်ယူအသင်းဘက်က ဂတ်ပိုကို ခေါ်ယူဖို့ ဆွေးနွေးခဲ့ပေမဲ့ ပြောင်းရွှေ့ကြေးပိုပေးခဲ့တဲ့ လီဗာပူးဆီကိုရောင်းချခဲ့တာဖြစ်ကြောင်း မီဒီယာတွေကဖော်ပြခဲ့ကြပါတယ်။