တူရကီနိုင်ငံအတွင်း ငလျင်ပြန်လည်ထူထောင်ရေး လုပ်ငန်းတွေကို ကူညီဖို့ လူသားချင်းစာနာမှု အကူအညီအဖြစ် ထိုင်းနိုင်ငံက တူရကီအစိုးရကို ဘတ်ငွေ ၅ သန်း ကူညီဖို့ ကတိပြုလိုက်တယ်လို့ ဝန်ကြီးချုပ် ပရာယွတ်သ် ချန်အိုချာက ဖေဖော်ဝါရီ ၉ ရက်မှာ ကြေညာပါတယ်။

ပရာယွတ်ဟာ တခြားအစိုးရအရာရှိတွေနဲ့အတူ ထိုင်းနိုင်ငံဆိုင်ရာ တူရကီသံအမတ်ကြီး ဆီရတ်ပ် အာစွိုင်နဲ့ ကြာသပတေးနေ့မှာ တွေ့ဆုံပြီး စာနာကြောင်း ပြောခဲ့တာပါ။

ကယ်ဆယ်ရေး အားထုတ်မှုတွေနဲ့ ဆေးဘက်အထောက်အပံ့တွေပေးဖို့ ကယ်ဆယ်ရေးသမား ၄၂ ယောက်ပါတဲ့ အဖွဲ့နဲ့ အကူအညီတွေကို တူရကီနိုင်ငံဆီ စေလွှတ်ဖို့ ထိုင်းအစိုးရက စီစဉ်ထားပါတယ်။

တူရကီတောင်ပိုင်း ဆိပ်ကမ်းမြို့ အစ်ကံဒေရွန်မှာ အဆောက်အဦ ပြိုကျတဲ့အတွက် ထိုင်းအမျိုးသမီးတယောက် သေဆုံးတယ်လို့ ထိုင်းအရာရှိတွေက ဖေဖော်ဝါရီ ၈ ရက်မှာ အတည်ပြုခဲ့ပါတယ်။

တူရကီနဲ့ ဆီးရီးယားနယ်စပ်မှာ လှုပ်ခတ်ခဲ့တဲ့ အင်အားပြင်းမြေငလျင်ကြောင့် သေဆုံးသူ ပေါင်း ၁၅၀၀၀ ကျော်ရှိသွားပြီဖြစ်ပါတယ်။