ယူကေနိုင်ငံမှာ နှင်းမုန်တိုင်းကျဆင်းမှုတွေကြောင့် ဒီတစ်ပတ်ပရီးမီးယားလိဂ် ပွဲစဉ်တချို့မှာ သက်ရောက်မှုရှိနိုင်လို့ ပွဲရွှေ့ဆိုင်းရတာမျိုးရှိလာနိုင်ပါတယ်။

ဒီရက်ပိုင်းအတွင်းမှာ ပြင်းထန်တဲ့ နှင်းမုန်တိုင်ဒဏ်ကို ယူကေနိုင်ငံအနှံ့အပြားမှာ ဖြစ်ပေါ်နေတာပါ။ လိဂ်၂ က မက်စ်ဖီးလ်နဲ့ လေတန်အိုရီးယန့် အသင်းတို့ရဲ့ပွဲစဉ်ကိုတော့ နှင်းကျဆင်းမှုတွေကြောင့် ပွဲရွှေ့ဆိုင်းခဲ့ရ ပါတယ်။ 

မြက်ခင်းပြင်တွေမှာ ဆီနှင်းတွေမကျဆင်းအောင် ဖုံးအုပ်ထားလို့ရပေမဲ့ ဆီးနှင်းကျဆင်းမှုက ပြင်းထန်တာကြောင့် ပွဲကျင်းပဖို့ မဖြစ်နိုင်တာလို့ မန်စ်ဖီးလ်အသင်းက သတင်းထုတ်ပြန်ပါတယ်။

ပရီးမီးယားလိဂ်အသင်းတွေဟာလည်း သူတို့ရဲ့ အိမ်ကွင်းမှာ အပူပေးစနစ်တပ်ဆင်တာမျိုး၊ မြက်ခင်း ပြင်ကို ကြီးမားတဲ့အကာတွေနဲ့ ဖုံးအုပ်ထားတာမျိုးတွေကို ကြိုတင်လုပ်ဆောင်နေကြပါတယ်။ ဒါပေမဲ့ နှစ်စဉ်ဖြစ်နေကျအတိုင်း ပရီးမီးယားလိဂ်ပွဲစဉ်တချို့ကတော့ ရွှေ့ဆိုင်းရဖို့ရှိနေပါတယ်။