အမေရိကန်နိုင်ငံ၊ ဗာဂျီးနီးယားပြည်နယ်အလယ်ပိုင်း၊ ပီတာစဘတ်မြို့ရှိ ဗဟိုပြည်နယ် စိတ်ကျန်းမာရေးဆေးရုံမှ ဝန်ထမ်းဟောင်း သုံးယောက်ကို အခုလအစောပိုင်းက အကျဉ်းထောင်မှ လူမည်းတစ်ဦး သေဆုံးမှုနဲ့ပတ်သက်ပြီး မတ် ၁၆ ရက်က ဖမ်းဆီးခဲ့ကြောင်း အစိုးရရှေ့နေက ပြောပါတယ်။ 

အသက် ၂၈ နှစ်အရွယ် အီရ်ဗိုတီယန်နိုဟာ ပီတာစဘတ်မြို့ရှိ ဗဟိုပြည်နယ်ဆေးရုံမှာ တက်ရောက်ကုသနေတုန်း မတ် ၆ ရက်မှာ သေဆုံးသွားခဲ့ကြောင်း ဒင်းန်ဝစ်ဒီ ကောင်တီ ဓနသဟာယရှေ့နေ အန်းန် ကာဘဲလ် ဘတ်စ်ကာဗီးလ် က ပြောပါတယ်။

အိုတီယန်နို သေဆုံးမှုအတွက် ရဲမှူးရဲ့ လက်ထောက်တွေ အပါအဝင် စွဲချက်တင်ခံရသူ အရေအတွက်ကို ၁၀ ဦးအထိ ရှိလာပါတယ်။ 

လူသတ်မှုစွဲချက်တင်ပြီး ၁ ရက် အကြာ မတ် ၁၆ ရက်မှာ အသက် ၂၃ နှစ်ရှိ ဒါရီယန် ဘလက်ဝဲလ်၊ အသက် ၃၄ နှစ်ရှိ ဝေဗီဂျုံးန်စ်နဲ့ အသက် ၂၇ နှစ်အရွယ် ဆဒါရီးယပ်စ်ဝီလျံမ်စ်တို့ကို ဖမ်းဆီး ထိန်းသိမ်းခဲ့ပါတယ်။

ဗာဂျီးနီးယားပြည်နယ် ဟန်ရီကိုကောင်တီမှ ရဲအရာရှိ ၇ ဦးကိုလည်း အိုတီယန်နို သေဆုံးမှုနဲ့ ပတ်သက်ပြီး ဒုတိယအဆင့် လူသတ်မှုနဲ့ ဖမ်းဆီးတရားစွဲဆိုခဲ့ပါတယ်။ 

အာဏာပိုင်တွေဟာ နောက်ထပ် စွဲချက်တင်ခြင်း သို့မဟုတ် ဖမ်းဆီးခြင်း မပြုဖို့ ငြင်းဆိုထားပါတယ်။ 

သံသယရှိသူတွေကို အိမ်နီးချင်း ဘရွန်စ်ဝစ် ကောင်တီရှိ အကျဉ်းထောင်မှာ အာမခံ မပေးပဲ ထိန်းသိမ်းထားကြောင်း အစိုးရရှေ့နေတွေက ပြောပါတယ်။ 

သူတို့အမှုတွေကို လာမယ့်သီတင်းပတ်မှာ ပုံမှန်အားဖြင့် လူ ၂၃ ယောက် ပါဝင်တဲ့ ဒင်းန်ဝစ်ဒီရှိ မဟာဂျူရီအဖွဲ့ကို တင်သွင်းမှာဖြစ်ပြီး တရားရုံး စာရွက်စာတမ်းတွေမှာတော့ တရားခံရှေ့နေတွေ စာရင်း မရှိသေးပါဘူး။ 

မိသားစုဟာ မတ် ၁၆ ရက်က စိတ်ကျန်းမာရေးဌာနမှာ မှတ်တမ်းတင်ထားပြီး အိုတီယန်နို သေဆုံးမှုကို ရိုက်ကူးထားတဲ့ စောင့်ကြည့်ကင်မရာမှ ဗီဒီယိုကို ကြည့်ရှုခဲ့ပါတယ်။

ဒီအဖြစ်အပျက်မှာ စိတ်ကျန်းမာရေးဌာနရှိ ရဲအရာရှိ ၇ ဦးက အိုတီယန်နို ကို လက်ထိတ်ခတ် ထားပြီး ၁၂ မိနစ်ကြာ လောက် သေသွားတဲ့အထိ ရိုက်နှက်ခဲ့ကြောင်း Otieno မိသားစုကို ကိုယ်စားပြုတဲ့ ပြည်သူ့အခွင့်အရေး ရှေ့နေ ဘန်ခရမ့်ပ်က ပြောပါတယ်။ 

အသက် ၄ နှစ် အရွယ်မှာ ကင်ညာကနေ အမေရိကန်ကို ပြောင်းရွှေ့လာသူ အိုတီယန်နိုဟာ အသက်ရှုကြပ်ကာ သေဆုံးသွားကြောင်း ဆေးစစ်ချက် ပဏာမအစီရင်ခံစာမှာ ဖော်ပြထားပါတယ်။

အစိုးရရှေ့နေတွေကတော့ သူတို့ဟာ  သက်သေ အထောက်အထားတွေကို စုဆောင်း ရရှိထားကြောင်း ပြောပါတယ်။ 

အိုတီယန်နိုကို ဘာ့ကြောင့် အချုပ်ထဲဖမ်းထားသလဲ ဒါမှမဟုတ် ဘာ့ကြောင့် စိတ်ကျန်းမာရေး ဆေးခန်းကို ပြောင်းရွှေ့ရသလဲ ဆိုတာကို အာဏာပိုင်တွေက ပြောကြားခြင်း မရှိပါဘူး။

လက်ထောက်တွေကိုလည်း အုပ်ချုပ်ရေးပိုင်းဆိုင်ရာ ခွင့်ရက်ပေးထားပြီး အဲဒီဖြစ်ရပ်နဲ့ ပတ်သက်ပြီး ရဲမှူးရုံးက သီးခြားလွတ်လပ်တဲ့ စုံစမ်းစစ်ဆေးမှုတွေကို ပြုလုပ်နေပါတယ်။