တရုတ်နိုင်ငံက သိပ္ပံပညာရှင်တွေဟာ COVID-19 ရဲ့ဇာစ်မြစ်ကို ဖော်ထုတ်ရေး တိုးတက်လာစေဖို့ ကမ္ဘာတဝန်းက ကြိုးပမ်းအားထုတ်ကြဖို့နဲ့ ပူးပေါင်းဆောင်ရွက်ကြဖို့ တောင်းဆိုခဲ့ပြီး တွေ့ရှိချက် အသစ်တွေကို အချိန်နဲ့ တပြေးညီ ပွင့်လင်းမြင်သာမှုရှိရှိ မျှဝေသွားမယ်လို့ ကတိပြုခဲ့ပါတယ်။

မကြာသေးမီက COVID-19 ရဲ့ဇာစ်မြစ်နဲ့ ပတ်သက်ပြီး အချေအတင် ဆက်ဆွေးနွေးနေလို့ မကြာသေးမီက အထောက်အထားအသစ်တွေ ထွက်ပေါ်လာခဲ့ပါတယ်။

တရုတ်ရောဂါထိန်းချုပ်ရေးနဲ့ ဟန့်တားရေးဌာန (CDC) က သုတေသီ ဝီလျံလျူဂျွန်က COVID-19 ကူးစက်ရောဂါ ဖြစ်ပွားမှု အစောပိုင်း  သီတင်းပတ်တွေ အတွင်း ဟွားနန် ပင်လယ်စာဈေးမှာ စုဆောင်းရရှိထားတဲ့ ပတ်ဝန်းကျင်နဲ့ တိရစ္ဆာန် နမူနာတွေအကြောင်း အလွန်မျှော်လင့်ထားတဲ့ ခွဲခြမ်းစိတ်ဖြာချက်ကို သူ့လုပ်ဖော်ကိုင်ဖက်တွေနဲ့အတူ နေးချားဂျာနယ်မှာ ဖော်ပြခဲ့ပါတယ်။

သုတေသနအရ ဟွားနန် ပင်လယ်စာဈေးဟာ နိုဗယ်ကိုရိုနာဗိုင်းရပ်ပြန့်ပွားဖို့ ဖြစ်နိုင်ခြေရှိတယ်ဆိုတဲ့အမြင်ကို ထောက်ခံတယ်လို့ သူက မှတ်ချက်ပြုခဲ့ပါတယ်။

ဒါပေမဲ့ ဒီနေရာကနေ ဗိုင်းရပ်စ် စတင်တယ်လို့ ဆိုလိုတာ မဟုတ်ဘူးလို့ စီစီတီဗီက ပြောပါတယ်။

သိပ္ပံပညာအသိုက်အဝန်းနဲ့  နိုင်ငံရေးသမားတချို့ရဲ့ ပြင်းထန်တဲ့ ဖိအားပေးမှုတွေကြားကနေ တရုတ်သိပ္ပံပညာရှင်တွေဟာ ဟွားနန်ပင်လယ်စာဈေးမှာ COVID-19 ဖြစ်ပွားမှုနဲ့  ပတ်သက်ပြီး အမြင်သစ်တွေကို ပေးစွမ်းနိုင်ခဲ့ ပါတယ်။