ကင်မရွန်း ယူ-၁၇ ဘောလုံးအသင်းက ကစားသမား ၂၁ ဦးမှာ သက်ကျော်ကစားသမားတွေအဖြစ် စစ်ဆေးတွေ့ရှိခဲ့ပြီးနောက် လူစာရင်းကနေ ထုတ်ပယ်ခဲ့ပါတယ်။

ကင်မရွန်းယူ ၁၇ အသင်းဟာ ဗဟိုအာဖရိကဖလားနဲ့ အာဖရိက ယူ-၁၇ ပြိုင်ပွဲအတွက် လေ့ကျင့်ပြင်ဆင်နေတာပါ။

ရွေးချယ်ထားတဲ့ ကစားသမား ၃၀ ဦးစာရင်းကို MRI Test ပြုလုပ်ခဲ့ရာမှာ ကစားသမား ၂၁ ဦးက အသက်ကျော်နေတဲ့ ကစားသမားတွေအဖြစ်တွေ့ရှိရပြီး လူစာရင်းကနေချက်ချင်း ထုတ်ပယ်ခဲ့ပါတယ်။ 

MRI Test ဆိုတာက ကစားသမားတွေရဲ့လက်ကောက်ဝတ်တွေကို Scan ဖတ်ပြီး အရိုးကြီးထွားမှုကိုစစ်ဆေး တိုင်းတာတာဖြစ်ပါတယ်။

ကင်မရွန်းဘောလုံးအဖွဲ့ချုပ်ဥက္ကဋ္ဌ အီတိုးကိုယ်တိုင် ကြပ်မတ်စစ်ဆေးခဲ့ပြီးနောက် အသက်ကျော်တဲ့ ကစားသမား ၂၁ ဦးကို ထုတ်ပယ်ပြီး နောက်ထပ်လူရွေးပွဲကျင်းပသွားမယ်လို့ သတင်းထုတ်ပြန်ခဲ့ပါတယ်။

ကင်မရွန်းယူ ၂၀ နဲ့ ယူ ၁၇ အသင်းတွေမှာ အရင်ကတည်းက အသက်မှန်ကန်မှုမရှိမရှိအပေါ် ဝေဖန်မှုတွေထွက်ပေါ်ခဲ့ဖူးပါတယ်။ 

အာရှထိပ်သီး တောင်ကိုရီးယားအသင်းဟာ မထင်မှတ်တဲ့အခြေအနေကနေ ပေါ်တူဂီကို (၂-၁) ဂိုးနဲ့ အနိုင်ယူခဲ့သလို ဂါနာဟာလည်း ဥရုဂွေးအသင်းကို ၂ ဂိုးပြတ်ရှုံးနိမ့်ခဲ့တာကြောင့် နောက်တဆင့် ရှုံးထွက် ၁၆ သင်းအဆင့်ကို တက်ရောက်နိုင်ခဲ့ပါတယ်။

ဒီမနက်အစောပိုင်းကန်သွားတဲ့ ပေါ်တူဂီနဲ့ တောင်ကိုရီးယားတို့ပွဲစဉ်မှာ အဖွင့်ဂိုးကို ပထမပိုင်းစပြီး မကြာခင် ပွဲချိန် ၅ မိနစ်မှာပဲ ရီကာဒိုဟောတာက ပေါ်တူဂီအတွက် ဗွေဇော်ဦး အဖွင့်ဂိုး သွင်းယူပေးခဲ့ပါတယ်။ ဒီနောက် တောင်ကိုရီးယားအတွက် ချေပဂိုးကို ပွဲချိန် ၂၇ မိနစ်မှာ ကင်ရွန်ဂွမ်းက သွင်းယူပေးခဲ့လို့ ပထမပိုင်းမှာ တဖက်တဂိုးစီ သရေကျသွားနေခဲ့ပါတယ်။ 

ဒီပွဲမှာ ပေါ်တူဂီက ဘောလုံးပိုင်ဆိုင်မှုပိုရခဲ့ပေမဲ့ ဒုတိယပိုင်းပုံမှန်ပွဲချိန် မိနစ် ၉၀ အထိ တဖက်နဲ့တဖက် ဂိုးထပ်မသွင်းနိုင်ကြဘဲ နာကျင်အချိန်ပို ၁ မိနစ်ကျမှ ဟွမ်ဟီချန်းက   တောင်ကိုရီးယားအတွက် အဖိုးတန် အနိုင်ဂိုးကိုသွင်းယူပေးသွားခဲ့ ပါတယ်။

တအုပ်စုထဲပြိုင်ဘက် ဂါနာနဲ့ ဥရုဂွေးတို့ပွဲစဉ်မှာတော့ ဥရုဂွေးအနေနဲ့  ၃ ဂိုးပြတ်အနိုင်ရမယ်ဆိုရင်တော့ နောက်တဆင့်တက်မှာဖြစ်လို့ ပွဲပြီးခါနီးမှာ အားကုန်ရုန်းသွားပေမဲ့ ဂါနာဂိုးသမားကောင်းခဲ့တာကြောင့် ၂ ဂိုးပြတ်နဲ့ပဲ အနိုင်ရခဲ့တယ်။

အုပ်စု (H) ပွဲစဉ်တွေအပြီးမှာ ပေါ်တူဂီက ရမှတ် ၆ မှတ်နဲ့ အုပ်စုဗိုလ်အဖြစ် နောက်ဆင့်ရှုံးထွက် ၁၆ သင်းအဆင့်ကိုတက်သွားသလို တောင်ကိုရီးယားကလည်း  ဥရုဂွေးနဲ့ ၄ မှတ်စီ ရမှတ်တူ၊ ဂိုးကွာခြားချက်တူခဲ့ပေမဲ့ ရဂိုးအရေအတွက်မှာအသာရခဲ့လို့ တောင်ကိုရီးယားအသင်း နောက်တဆင့်တက်ရောက်သွားခဲ့တယ်။

ဒီမနက်အစောပိုင်းကန်သွားတဲ့ အုပ်စု (G) ပွဲစဉ်မှာတော့ ကင်မရွန်းက ဘရာဇီးကို (၁-၀ )မရှိနဲ့ ရှုံးနိမ့်ခဲ့ပေမဲ့ ရမှတ် ၆ မှတ်နဲ့ အုပ်စုဗိုလ်အဖြစ် နောက်တဆင့်တက်သွားပါတယ်။ ကင်မရွန်းကတော့ အုပ်စုအဆင့်ကနေထွက်ခဲ့ရပေမဲ့  ဘရာဇီးအသင်းကို အနိုင်ရတဲ့ ပထမဆုံး အာဖရိကအသင်းအဖြစ် မှတ်တမ်းဝင်သွားပါတယ်။ 

ဒီပွဲမှာ ဘရာဇီးအသင်းက ဘောလုံးပိုင်ဆိုင်မှုရော ဂိုးပေါက်ကန်သွင်းခွင့်တွေပါ ကင်မရွန်းထက် ပိုမို ရှရှိခဲ့တာဖြစ်ပြီး ကင်မရွန်းအတွက် တလုံးတည်းသော အနိုင်ဂိုးကို အဘူဘာကာက ပွဲချိန် မိနစ် ၉၀ အပြီး နာကျင်အချိန်ပို ၂ မိနစ်မှာ သွင်းယူခဲ့တာဖြစ်ပါတယ်။ 

နောက်တဆင့် ၁၆ သင်းရှုံးထွက်ပွဲစဉ်တွေမှာတော့ ပေါ်တူဂီဟာ အုပ်စု (G)မှာ ဒုတိယရတဲ့ဆွစ်ဇာလန်အသင်းနဲ့ တွေ့ဆုံမှာဖြစ်ပြီး ဘရာဇီးကတော့  တဖက်အုပ်စု (H) က ဒုတိယရတဲ့ ​တောင်ကိုရီးယားအသင်းနဲ့ တွေ့ဆုံမှာဖြစ်ပါတယ်။