ကမ္ဘာ့ဖလားချန်ပီယံ အာဂျင်တီးနားအသင်းဟာ ဖီဖာကမ္ဘာ့အဆင့်သတ်မှတ်ချက်ရဲ့  ထိပ်ဆုံးနေရာကို ၆ နှစ်အကြာ ဧပြီ ၆ ရက်မှာ ဘရာဇီးလ်အသင်းဆီကနေ လွှဲပြောင်းရယူနိုင်ခဲ့ပါတယ်။

မနှစ်က ကာတာနိုင်ငံမှာ ကျင်းပခဲ့တဲ့ ကမ္ဘာ့ဖလားနောက်ဆုံးဗိုလ်လုပွဲမှာ ပြင်သစ်အသင်းကို အာဂျင်တီးနားအသင်းက အနိုင်ယူခဲ့တာဖြစ်ပြီး နှစ်ပေါင်း ၃၀ ကျော်အကြာမှာ ကမ္ဘာ့ဖလား အောင်မြင်မှု ရရှိခဲ့ပါတယ်။

နည်းပြ လီယွန်နယ်စကယ်လိုနီရဲ့ အာဂျင်တီးနားအသင်းဟာ နောက်ဆုံးခြေစမ်းပွဲစဉ်တွေမှာလည်း ပနားမားအသင်းကို ၂ ဂိုး ဂိုးမရှိ၊ ကူရာဆောင်အသင်းကို ၇ ဂိုးပြတ် ရလဒ်နဲ့ အနိုင်ယူခဲ့ပြီးနောက် ကမ္ဘာ့အဆင့် ၁ နေရာကို ပြန်သိမ်းပိုက်နိုင်ခဲ့ပါတယ်။

ပြင်သစ်အသင်းအနေနဲ့လည်း ယူရို ၂၀၂၄ ခြေစစ်ပွဲစဉ်တွေအဖြစ် နယ်သာလန်အသင်းကို ၄ ဂိုး ဂိုးမရှိ အပြင် အိုင်ယာလန်အသင်းကိုပါ ၁ ဂိုး ဂိုးမရှိ ရလဒ်တွေနဲ့ အနိုင်ရရှိခဲ့တာကြောင့် ကမ္ဘာ့အဆင့်ရပ်တည်ချက်မှာ ဒုတိယနေရာကို တက်လှမ်းလာနိုင်ခဲ့ပါတယ်။

ဘရာဇီးလ်အသင်းကတော့ မော်ရိုကိုအသင်းနဲ့ ခြေစမ်းပွဲစဉ်မှာ ၂ ဂိုး ၁ ဂိုး ရလဒ်နဲ့ ရှုံးနိမ့်ခဲ့တဲ့အတွက် ကမ္ဘာ့အဆင့် ရပ်တည်ချက်မှာ တတိယနေရာကို ကျဆင်းသွားပါတယ်။

ကမ္ဘာ့အဆင့်သတ်မှတ်ချက်အတွင်း ဘယ်လ်ဂျီယံအသင်းက အဆင့် ၄ နေရာမှာ အရင်အတိုင်း ဆက်ရှိနေပြီး အင်္ဂလန်အသင်းက အဆင့် ၅၊ နယ်သာလန်အသင်းက အဆင့် ၆၊  ခရိုအေးရှားအသင်းက အဆင့် ၇၊ အီတလီအသင်းက အဆင့် ၈၊ ပေါ်တူဂီအသင်းနဲ့ စပိန်အသင်းတို့က အဆင့် ၉ နဲ့ အဆင့် ၁၀ နေရာတွေမှာ အသီးသီး ရပ်တည်နေကြပါတယ်။

ဗဟိုအာဖရိကသမ္မတနိုင်ငံကတော့ နောက်ဆုံး ကမ္ဘာ့အဆင့်သတ်မှတ်ချက်အတွင်း အကြီးမားဆုံး တိုးတက်မှုရှိခဲ့ပြီး ၁၀ နေရာအထိ ကျော်လွှားကာ ကမ္ဘာ့အဆင့် ၁၂၂ နေရာမှာ ရပ်တည်နိုင်ခဲ့ပါတယ်။

လက်ရွေးစင်ဘောလုံးအသင်းတွေရဲ့ ကမ္ဘာ့အဆင့်သတ်မှတ်ချက်တွေကို နိုဝင်ဘာ ၁၉ ရက်က ဖီဖာက ထုတ်ပြန်ခဲ့ရာမှာ မြန်မာဘောလုံးအသင်းက ပြီးခဲ့တဲ့လကထက် အဆင့် ၃ ဆင့် ကျဆင်းသွားပါတယ်။

အောက်တိုဘာလက အဆင့်သတ်မှတ်ချက် ၁၄၅ မှာ ရပ်တည်ခဲ့တဲ့ မြန်မာဘောလုံးအသင်းဟာ နိုဝင်ဘာလ သတ်မှတ်ချက်မှာတော့ ၃ ဆင့်ကျဆင်းပြီး ကမ္ဘာ့အဆင့် ၁၄၈ မှာ ရပ်တည်နေပါတယ်။ 

မြန်မာအသင်းဟာ အခုလအတွင်းမှာ နိုင်ငံတကာခြေစမ်းပွဲအဖြစ် အာဖရိကကလပ် ဘူရွန်ဒီနဲ့ တူရကီနိုင်ငံမှာ ခြေစမ်းခဲ့ပြီး ၂ ဂိုး ၁ ဂိုးနဲ့ ရှုံးနိမ့်ခဲ့ပါတယ်။ 

အာဆီယံဒေသတွင်းမှာတော့ ဗီယက်နမ်က ကမ္ဘာ့အဆင့် ၉၉ နဲ့ အာဆီယံနံပါတ်တစ်အသင်းအဖြစ် ဆက်လက်ရပ်တည်နေပြီး ကမ္ဘာ့အဆင့် ၁၁၈ ရှိ ထိုင်း၊ ကမ္ဘာ့အဆင့် ၁၂၆ ရှိ ဖိလစ်ပိုင်အသင်းတွေက မြန်မာအသင်းရဲ့အထက်မှာ ရပ်တည်နေပါတယ်။

ဝါရင့်ကစားသမားတချို့ CDM ပြုလုပ်ထားတဲ့ မြန်မာအသင်းဟာ လက်ရှိအချိန်မှာ တူရကီနိုင်ငံမှာ လေ့ကျင့်ခန်းဆင်းနေပြီး အပျော်တမ်း ကလပ်တချို့နဲ့လည်း ခြေစမ်းပွဲကစားခဲ့သလို နိုဝင်ဘာ ၂၅ ရက်မှာ အင်ဒိုနီးရှားနဲ့ ခြေစမ်းဖို့လည်းရှိပါတယ်။ 

ကမ္ဘာ့အဆင့် ၁ နေရာမှာ ဘယ်လ်ဂျီယံက ဆက်လက်ရပ်တည်ခဲ့ပြီး ဘရာဇီး၊ ပြင်သစ်၊ အင်္ဂလန်၊ အာဂျင်တီးနား၊ အီတလီ၊စပိန်၊ ပေါ်တူဂီတို့က အစဉ်လိုက်ရပ်တည်နေပါတယ်။