မကွေးတိုင်း၊ ဂန်ဂေါမြို့မှာ ဖေဖော်ဝါရီ ၁၄ ရက် မနက် ၇ နာရီလောက်က ခရီးသွားပြည်သူ ၂ ယောက်ကို PDF ထောက်ပံ့သူလို့ စွပ်စွဲပြီး စစ်ကောင်စီတပ်က ဖမ်းဆီးသွားတယ်လို့ ဒေသခံတွေဆီကနေ သိရပါတယ်။

ဂန့်ဂေါမြို့၊ အမှတ် ၁ ရပ်ကွက်က စစ်ကောင်စီရဲ့ ပူးပေါင်းစစ်ဆေးရေးဂိတ်မှာ မနေ့မနက်က မန္တလေးမြို့ဘက်ကနေ ဂန့်ဂေါမြို့ဘက်ကို မောင်းနှင်လာတဲ့ ကားတစီးကို စစ်အုပ်စုတွေက တားစီးစစ်ဆေးကာ ကားပေါ်မှာပါလာတဲ့ ကိုကောင်းမင်းနိုင်နဲ့ ကိုအောင်မျိုးထွန်းတို့ကို PDF ထောက်ပံ့သူလို့ စွပ်စွဲပြီး ဖမ်းဆီးသွားကြတာလို့ ဂန့်ဂေါမြို့ ဒေသခံတယောက်က ဒီဗွီဘီကို ပြောပါတယ်။

သူတို့ ၂ ယောက်ရဲ့ လက်ကိုင်ဖုန်းတွေကိုလည်း စစ်အုပ်စုက သိမ်းဆည်းပြီး ဂန့်ဂေါမြို့မရဲစခန်း စစ်ကြောရေးကို ခေါ်ဆောင်သွားကြတယ်လို့ ဆိုပါတယ်။

ဂန့်ဂေါမြို့ အမှတ် ၁ ရပ်ကွက်မှာ စစ်အုပ်စုတွေက စစ်ဆေးရေးဂိတ်ဖွင့်လှစ်ပြီး ခရီးသွားပြည်သူတွေနဲ့ ဒေသခံတွေကို နေ့စဥ် စစ်ဆေးနေကာ မတရား ဖမ်းဆီးတာတွေ၊ ငွေညှစ်တာတွေ ပြုလုပ်ပြီး နည်းလမ်းပေါင်းစုံနဲ့ ဒုက္ခပေးနေကြတယ်လို့ ပြောပါတယ်။

စစ်ကောင်စီက နိုင်ငံတော်အာဏာကို မတရားသိမ်းပိုက်တဲ့ ၂၀၂၁ ခုနှစ် ဖေဖော်ဝါရီ ၁ ရက်ကနေ အခုနှစ် ဖေဖော်ဝါရီ ၁၄ ရက်အထိ နိုင်ငံတဝန်း မတရား ဖမ်းဆီးချုပ်နှောင်ခံထားရသူ ၁၅,၆၈၀ ယောက်ရှိပြီး အဲဒီထဲက ၄,၁၇၉ ယောက်ဟာ ထောင်ဒဏ်ချမှတ်ခံထားရတယ်လို့ နိုင်ငံရေးအကျဥ်းသားများ ကူညီစောင့်ရှောက်ရေးအသင်း (AAPP) က ဖေဖော်ဝါရီ ၁၄ ရက်မှာ 

စစ်ကိုင်းတိုင်း၊ ကလေးမြို့၊ အောင်သစ္စာရပ်ကွက်မှာ ဖမ်းဆီးခံလိုက်ရတဲ့ ကလေး PDF တပ်ဖွဲ့ဝင် ကိုအောင်ဖြိုးဝေကို စစ်ကောင်စီလက်အောက်ခံ တရားရုံးက ထောင်ဒဏ် ၅ နှစ် ချမှတ်လိုက်တယ်လို့ မိသားစုဝင်နဲ့ နီးစပ်တဲ့သူ‌တွေဆီက သိရပါတယ်။

ဖေဖော်ဝါရီ ၁၃ ရက်က ကိုအောင်ဖြိုးဝေကို စစ်ကောင်စီလက်အောက်ခံ တရားရုံးက အကြမ်းဖက်သင်တန်း တက်ရောက်ပြီး အကြမ်းဖက်လုပ်ငန်းတွေမှာ‌ ကိုယ်တိုင်ပါဝင်ခဲ့တာကြောင့် အကြမ်းဖက်ဥပဒေပုဒ်မ ၅၂(က) အရ အလုပ်နဲ့ထောင်ဒဏ် ၅ နှစ် ချမှတ်ခဲ့တာလို့ ဆိုပါတယ်။

ကိုအောင်ဖြိုးဝေ ထောင်ဒဏ်ချမှတ်ခံရတာနဲ့ပတ်သက်ပြီး ကလေး PDF ရဲဘော်တဦးက “စစ်ကြောရေးထက်စာရင်တော့ ထောင်ထဲနေရတာကမှ တော်ပါဦးမယ်။ စစ်ကြောရေးကတော့ သူတို့ရိုက်တာ ခံနေရတာကို။ ကိုယ့်ရဲ့ရဲဘော်တွေ အဖမ်းခံရပေမဲ့ တော်လှန်ရေးကို ဆက်လက်လုပ်ဆောင် တိုက်ပွဲဝင်နေမှာပါ” လို့ ပြောပါတယ်။

ကိုအောင်ဖြိုးဝေကို စစ်ကောင်စီတပ်သားတွေက မနှစ် နိုဝင်ဘာ ၁၄ ရက်က သူ့ရဲ့‌နေအိမ်မှာ ဖမ်းဆီးသွားတာဖြစ်ပြီး တာဝန်သိပြည်သူရဲ့ သတင်းပေးချက်အရ ဖမ်းဆီးခဲ့တာဖြစ်တယ်လို့ စစ်ကောင်စီဘက်က ထုတ်ပြန်ခဲ့ပါတယ်။

ကလေးမြို့မှာ စစ်ကောင်စီရဲ့ ဖမ်းဆီးခံထားရသူ ၁,၀၀၀ ဝန်းကျင်ရှိတယ်လို့ ဒေသခံတွေရဲ့ ခန့်မှန်းချက်အရ သိရပါတယ်။

၂၀၂၁ ခုနှစ် စစ်အာဏာသိမ်းပြီးတဲ့နောက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့‌ လေ့လာပြုစုချက်အရ နိုင်ငံတဝန်း စစ်ကောင်စီရဲ့ ဖမ်းဆီးထိန်းသိမ်းခံထားရသူ ၁၅,၆၈၀ ဦးအနက် ၄,၁၇၉ ဦးမှာ ထောင်ဒဏ်ချမှတ်ခံထားရတယ်လို့ သိရပါတယ်။

စစ်ကိုင်းတိုင်း၊ ကလေးမြို့မှာ ကလေး PDF အဖွဲ့‌ဝင်တွေ ဖမ်းဆီး ပစ်ခတ်သတ်ဖြတ်ခံရတာတွေ ရှိနေတယ်လို့ ကလေးပြည်သူ့ကာကွယ်ရေးအဖွဲ့ဝင်တွေက ဒီဗွီဘီကို ပြောပါတယ်။

ဇန်နဝါရီ ၂၄ ရက် ညနေပိုင်းက တာဟန်းရပ်ကွက် စစ်ကောင်စီစစ်ဆေးရေးဂိတ်မှာ ကလေး PDF အဖွဲ့ဝင် လာလ်ပန့်ဆန်းငါကို စစ်ကောင်စီတပ်က ဖမ်းဆီးသွားခဲ့သလို ဇန်နဝါရီ ၂၀ ရက်ကလည်း ချမ်းမြေ့အောင်စည်ရပ်ကွက်မှာ ကလေး PDF အဖွဲ့ဝင် ကိုစိုင်းညီညီအောင်လည်း စစ်ကောင်စီတပ်ရဲ့ ဖမ်းဆီးတာကို ခံခဲ့ရပါတယ်။

ဇန်နဝါရီ ၂၄ ရက်ညက စစ်ကောင်စီတပ်စွဲထားရာ တာဟန်းရပ်ကွက်အုပ်ရေးမှူးရုံးကို မိုင်းသွားထောင်းတဲ့ ကလေး PDF အဖွဲ့ဝင် ၂ ဦးလည်း စစ်ကောင်စီရဲ့ ပစ်ခတ်သတ်ဖြတ်မှုကြောင့် ကျဆုံးခဲ့ရပါသေးတယ်။

“ကျဆုံးသွားတဲ့ အဖွဲ့ဝင်ရဲဘော်တွေအတွက် ဂုဏ်ယူပါတယ်။ ဖမ်းဆီးခံရတဲ့ ရဲဘော်တွေအတွက်လည်း ကျနော့်အနေနဲ့ စိတ်မကောင်းဖြစ်မိပါတယ်။ မြိုပေါ်မှာလှုပ်ရှားတဲ့ အဖွဲ့တွေဆိုတော့ ကျနော်တို့လို တောမှာ စစ်ရေးလှုပ်ရှားတဲ့အဖွဲ့တွေထက် အန္တရာယ်ပိုများတယ်” လို့ ကလေး PDF အမှတ်-၁ တပ်ရင်းမှူး ရဲဘော်ဝေနိုင်ဦးက ဒီဗွီဘီကို ပြောပါတယ်။

ဖမ်းဆီးခံရတဲ့ ရဲဘော် ၂ ဦးကိုတော့ စစ်ကောင်စီတပ်ဖွဲ့က ကလေးမြို့ ဒေသကွပ်ကဲမှု စစ်‌ဌာနချုပ်အတွင်း ခေါ်ဆောင်သွားတယ်လို့ သိရပါတယ်။

ကလေး PDF အဖွဲ့ဝင်တွေ ဖမ်းဆီးခံရမှု အခြေအနေနဲ့ ပတ်သက်ပြီး စစ်ကောင်စီဝါဒဖြန့် တယ်လီဂရမ်ချန်နယ်တွေမှာ လုံခြုံရေးအဖွဲ့ဝင်တွေအနေနဲ့ ဉပဒေနဲ့အညီ အရေးယူ ဆောင်ရွက်သွားမယ်လို့ သတင်းထုတ်ပြန်ထားပါတယ်။

လတ်တ‌လော ကလေးမြို့မှာလည်း စစ်ကောင်စီတပ်သားတွေနဲ့ Non CDM ဝန်ထမ်းတချို့က မြို့‌ပေါ်ရပ်ကွက်တွေမှာ ရွေးကောက်ပွဲကျင်းပနိုင်ရေးအတွက် လူဦးရေစာရင်း ကောက်ခံတာတွေ လုပ်ဆောင်နေပါတယ်။