ဒီနေ့ည အစောဆုံး ယှဉ်ပြိုင်တဲ့ ကမ္ဘာ့ဖလား အုပ်စု (အီး) ပွဲစဉ်မှာ ဂျပန်အသင်းကို ကော်စတာရီကာက ၁ ဂိုးတည်းနဲ့ အနိုင်ရသွားပါတယ်။ 

ကော်စတာရီကာအတွက် တလုံးတည်းသော အနိုင်ဂိုးကို ပွဲချိန် ၈၁ မိနစ်လောက်မှာ နောက်တန်းသမား ဖူလာက သွင်းယူခဲ့တာပါ။ 

ဒီပွဲမှာ ဂျပန်အသင်းဟာ ဘောလုံးအသာစီးနဲ့ ဂိုးပေါက် ကန်သွင်းခွင့် ၃ ကြိမ်အထိ ရခဲ့ပေမယ့် ဂိုးအဖြစ် မပြောင်းလဲနိုင်ခဲ့ပါဘူး။ ကော်စတာရီကာအသင်းက ရတဲ့ အခွင့်အရေးကို အသုံးချနိုင်လို့ ၃ မှတ်ရသွားပါတယ်။ 

ဂျပန်အသင်းဟာ အုပ်စုတွင်းမှာ နာမည်ကြီး ဂျာမဏီကို အနိုင်ရခဲ့ပေမယ့် ကော်စတာရီကာနဲ့ အုပ်စု ဒုတိယပွဲစဉ်မှာ ရှုံးတဲ့အတွက် နောက်တဆင့်တက်ရေး မျှော်လင့်ချက်တွေ ထိခိုက်ခဲ့ရပါတယ်။ 

ဂျပန်ဟာ အုပ်စု နောက်ဆုံးပွဲစဉ်မှာ နာမည်ကြီး စပိန်အသင်းနဲ့ ယှဉ်ပြိုင်ကစားရမှာ ဖြစ်ပါတယ်။ 

အုပ်စု (အီး) ဒုတိယပွဲစဉ်အဖြစ် စပိန်နဲ့ ဂျာမဏီတို့ နိုဝင်ဘာ ၂၈ ရက် မနက်အစောပိုင်း ယှဉ်ပြိုင်ရမှာ ဖြစ်ပါတယ်။