လီဗာပူးအသင်းဟာ အခုနှစ်ဇန်နဝါရီ အပြောင်းအရွှေ့ မပိတ်သိမ်းခင်မှာ ကွင်းလယ်လူတဦး ခေါ်ယူဖို့ ကြိုးပမ်းနေပါတယ်။
အသင်းရှိ နောက်ခံလူ နတ်ဖိလစ်ကို အရင်ဆုံး ရောင်းချဖို့ လုပ်ဆောင်နေပြီး ကွင်းလယ်လူတဦးကို အငှား သို့မဟုတ် အပြီးသတ်ခေါ်ယူဖို့ လီဗာပူးအသင်းက စီစဉ်နေတာပါ။
လီဗာပူးဟာ ဂျူဗင်တပ်အသင်း ကွင်းလယ်လူ အာသာမယ်လိုကို ခေါ်ယူထားပေမယ့် ဒဏ်ရာပြဿနာတွေကြောင့် လက်ရှိအချိန်အထိ ပွဲထွက်ကစားနိုင်ခြင်း မရှိသေးပါဘူး။
ဒီအခြေအနေမှာ ကွင်းလယ်လူတဦး ခေါ်ယူဖို့ ရှာဖွေနေတာဖြစ်ပြီး ဝုဗ်အသင်းက ပေါ်တူဂီ ကွင်းလယ်လူ နူနက်ဇ်နဲ့ ဒေါ့မွန်ကွင်းလယ်လူ ဘာလင်ဂမ်တို့ကို ပစ်မှတ်ထားနေတယ်လို့ သိရပါတယ်။
လီဗာပူးအသင်းမှာ တခြားကွင်းလယ်လူတွေဖြစ်ကြတဲ့ မီလ်နာ၊ နာဘီကီတာနဲ့ ချိန်ဘာလိန်တို့က ရာသီအကုန်မှာ စာချုပ်သက်တမ်းကုန်ဆုံးမှာ ဖြစ်ပါတယ်။
ရှုံးနိမ့်မှုတိုင်း နာကျင်ခံစားရကြောင်း ဘရာဇီးကွင်းလယ်လူ ကတ်စမီရိုက ပြောကြားလိုက်ပါတယ်။
ဘရာဇီးအသင်းဟာ ခရိုအေးရှာနဲ့ ကစားခဲ့တဲ့ ကွာတားဖိုင်နယ်ပွဲစဉ်မှာ ပင်နယ်တီ အဆုံးဖြတ်နဲ့ရှုံးခဲ့ပြီး ပြိုင်ပွဲကနေထွက်ခွါခဲ့ရတာပါ။
ပွဲချိန်အတွင်းဂိုးမရှိသရေကျနေလို့ အချိန်ပိုဆက်လက်ကစားခဲ့ရာမှာ နေမာက ဦးဆောင်ဂိုးသွင်းခဲ့ပေမယ့် ပွဲပြီးခါနီးမှာ ချေပဂိုးပြန်ပေးခဲ့ရတာပါ။
ရှုံးနိမ့်မှုတိုင်းက နာကျင်ခံစားရပြီး အထူးသဖြင့် ဦးဆောင်ဂိုးရပြီးချိန်၊ အိပ်မက်တစ်ခုရှိလာချိန်တွေမှာ ရှုံးနိမ့်ခဲ့ရတာက ပိုပြီးထိခိုက်ခံစားရကြောင်း ကတ်စမီရိုက ပွဲအပြီးမှာပြောပါတယ်။
ပြိုင်ပွဲကနေ ထွက်ခဲ့ရတဲ့အပေါ် စကားလုံးရှာဖွေဖို့ ခက်ခဲပြီး တစ်သင်းစလုံးဝမ်းနည်းရပေမယ့် အကောင်းဆုံးကြိုးစားခဲ့ပြီးဖြစ်လို့ ခေါင်းကိုမော့ပြီး ရှေ့ဆက်လျှောက်ဖို့သာ ပြင်ဆင်ရမယ်လို့ ကတ်စမဲရိုးက ပြောသွားပါတယ်။
