လက်စတာနည်ပြသစ်ဒိန်းစမစ်ဟာ အင်္ဂလန်နဲ့ ချဲလ်ဆီးနောက်ခံလူဟောင်း ဂျွန်တယ်ရီကို လက်ထောက်နည်းပြအနေနဲ့ ခေါ်ယူသွားမယ်လို့သိရပါတယ်။

သူတို့နှစ်ဦးဟာ အက်စ်တွန်ဗီလာအသင်းမှာ အတူလက်တွဲခဲ့ဖူးပြီး လက်စတာနည်းပြ ဒိန်းစမစ်ဖြစ်လာချိန်မှာလည်း တယ်ရီကို ပြန်ခေါ်ဖို့ စီစဉ်ခဲ့တာပါ။

နည်းပြချုပ်ဒိန်းစမစ်ဟာ လက်စတာအသင်းပရီးမီးယားလိဂ်ချန်ပီယံဖြစ်ချိန်က လက်ထောက်နည်းပြအဖြစ် တာဝန်ယူခဲ့တဲ့ ရှိတ်စ်ပီယာကိုလည်း ပြန်လည်ခေါ်ယူမှာဖြစ်ပါတယ်။

နည်းပြသစ်ဒိန်းစမစ်ဟာ ဘရန့်ဖို့ဒ်၊ ဗီလာအသင်းတွေမှာ ၆ နှစ်ကြာတာဝန်ယူခဲ့ပြီး ၂၀၂၁ ခုနှစ်ကနေ  ၂၀၂၂ ခုနှစ် ဒီဇင်ဘာလအထိ နောဝှစ်ချ်အသင်းကို တာဝန်ယူခဲ့တာပါ။

လက်စတာအသင်းရဲ့ ရာသီသိမ်းပွဲစဉ်တွေကို တာဝန်ယူခွင့်ရလို့ ကျေနပ်မိပြီး တန်းမဆင်းရရေး အကောင်းဆုံး ကြိုးပမ်းသွားမယ်လို့ ဒိန်းစမစ်ကပြောသွားပါတယ်။  လက်စတာဟာလာမယ့်သီတင်းပတ်မှာ  မန်စီးတီးနဲ့ ယှဉ်ပြိုင်ကစားရမှာ ဖြစ်ပါတယ်။

အာဆင်နယ်အသင်းဟာ ပရီးမီးယားလိဂ်မှာ ဖျော်ဖြေမှု အပေးနိုင်ဆုံးအသင်း မဟုတ်ကြောင်း ချဲလ်ဆီး ဂန္ထဝင်နောက်ခံလူ ဂျွန်တယ်ရီက သုံးသပ်သွားပါတယ်။

SPORTbible တွစ်တာစာမျက်နှာကနေ အာဆင်နယ်ဟာ ပရီးမီးယားလိဂ်မှာ စောင့်ကြည့်ချင်စရာကောင်းတဲ့ ဖျော်ဖြေမှုအပေးနိုင်ဆုံး အသင်းလားဆိုတဲ့ စစ်တမ်းတစ်ခုအပေါ် မဟုတ်ကြောင်း No ဆိုပြီး ဂျွန်တယ်ရီက ပြန်လည်ဝေမျှခဲ့ပါတယ်။

နောက်ထပ်ပို့စ်တစ်ခုမှာတော့ အာဆင်နယ် ရလဒ်ကောင်းနေတာ မှန်ပေမယ့် ၃ ပွဲပဲ ရှိသေးလို့ စောင့်ကြည့်ဖို့လိုသေးပြီး ဖျော်ဖြေမှု အပေးနိုင်ဆုံးအသင်းလည်း မဟုတ်ကြောင်း ရှင်းပြသွားပါတယ်။

ချဲလ်ဆီးအသင်းခေါင်းဆောင်ဟောင်းက ဂျွန်တယ်ရီက“ဒီရာသီမှာ သူတို့ပိုကောင်းလာတာက မှန်ပါတယ်။ ဂျေဆုရဲ့ ကစားပုံကို သဘောကျပြီး သူတို့က အသင်းကောင်း တစ်သင်းပါပဲ။ ဒါပေမဲ့ ဖျော်ဖြေမှုအပေးနိုင်းဆုံးအသင်းတော့မဟုတ်ဘူး”လို့ တွစ်တာမှာရေးသားခဲ့ပါ။

အာဆင်နယ်နည်းပြ အာတေတာကလည်း သုံးပွဲ ပဲကစားရသေးတာဖြစ်လို့ ဘာမှ သတ်မှတ်လို့မရနိုင်သေးကြောင်း လက်စတာကိုအနိုင်ရအပြီးမှာ မှတ်ချက်ပေးခဲ့ပါတယ်။