ပြင်သစ်နိုင်ငံရှိ မြို့အများအပြားမှာ ကုန်စျေးနှုန်းမြင့်တက်တာနဲ့ ငွေကြေးဖောင်းပွတာတွေကို ဆန့်ကျင်ကန့်ကွက်တဲ့ လူထုဆန္ဒပြပွဲတွေ စက်တင်ဘာ ၂၉ ရက်က ပြုလုပ်ခဲ့ပြီး လုပ်ငန်းအများအပြားမှာလည်း ဝန်ထမ်းတွေက လုပ်ခလစာ တိုးမြင့်တောင်းဆိုတာတွေ ရှိခဲ့ပါတယ်။

ပြင်သစ်နိုင်ငံရှိ စွမ်းအင်၊ သယ်ယူပို့ဆောင်ရေး၊ ပညာရေး၊ ကျန်းမာရေး အပါအဝင် အလုပ်သမားသမဂ္ဂ အများအပြားက စတင်ခဲ့တဲ့ ဆန္ဒပြပွဲတွေဟာ ပါရီ၊ လိုင်ယွန်၊ ဘော်ဒိုး၊ လိုင်လီနဲ့ တခြားမြို့ကြီးတွေမှာ ဖြစ်ပွားခဲ့ပြီး လူထောင်ပေါင်းများစွာ တက်ရောက်ခဲ့ကြပါတယ်။

တနေ့တာအတွင်း ဆန္ဒပြပွဲပေါင်း ၁၀၀ ကျော်ရှိမယ်လို့ သမဂ္ဂတွေက ခန့်မှန်းထားပြီး ပါရီမှာတော့ လူပေါင်း ၄ သောင်းလောက် လမ်းပေါ်ထွက်ခဲ့ကြပါတယ်။

ငွေကြေးဖောင်းပွမှု ဖိအားတွေကို ရင်ဆိုင်နေရချိန်မှာ လက်ရှိ ပြင်သစ်အစိုးရရဲ့ တုံ့ပြန်ဆောင်ရွက်မှုတွေဟာ နိုင်ငံသားတွေရဲ့ တောင်းဆိုချက်တွေကို မဖြည့်ဆည်းပေးနိုင်ကြောင်း သမဂ္ဂက ပြောကြားခဲ့ပါတယ်။

၂၀၂၁ နှစ်ကုန်ပိုင်းကစပြီး ဥရောပရှိ ရေနံနဲ့ သဘာဝဓာတ်ငွေ့ဈေးနှုန်းတွေ မြင့်တက်လာတာကြောင့် ငွေကြေးဖောင်းပွမှုကို တွန်းအားပေးခဲ့ပြီး ဆက်လက် ဖောင်းပွနေမှုကြောင့် ပြင်သစ်ပြည်သူတွေ စိုးရိမ်ပူပန်ခဲ့ရပါတယ်။

လက်ရှိအခြေအနေ ယိုယွင်းလာမှုဟာ ရုရှားအပေါ် အမေရိကန်ရဲ့ ပိတ်ဆို့အရေးယူမှုတွေ ပြုလုပ်ပြီးနောက် ဥရောပရဲ့ မျက်စိစုံမှိတ်ထားမှုနဲ့ နီးနီးကပ်ကပ် ဆက်စပ်နေကြောင်း ချီတက်ပွဲအတွင်း ပါဝင်သူအများအပြားက ထောက်ပြကြပါတယ်။

ရုရှားအပေါ် ပိတ်ဆို့အရေးယူမှုဟာ ရုရှားနဲ့ ယူကရိန်းကြား ပဋိပက္ခကို ဖြေရှင်းဖို့ ထိရောက်တဲ့ နည်းလမ်းမဟုတ်ကြောင်း ပြင်သစ်လူမျိုးတွေက သဘောပေါက်လာကြတယ်လို့လည်း ဆိုပါတယ်။

ဆန့်ကျင်ဘက်အနေနဲ့ အဲဒါကြောင့်ပဲ သာမန်လူတွေမှာ မြင့်မားတဲ့ စျေးနှုန်းတွေနဲ့ လူနေမှုစရိတ်တွေကို ထမ်းထားရပါတယ်။

ပြင်သစ်အစိုးရ ကြုံတွေ့ရမယ့် ပြဿနာတွေထဲမှာ အရေးအကြီးဆုံးအချက်က စွမ်းအင်ဝယ်ယူမှုကို ကာကွယ်ပေးခြင်းနဲ့ ငွေကြေးဖောင်းပွမှုကို တားဆီးပေးခြင်းအပြင် လာမယ့် ဆောင်းရာသီမှာ ပုံမှန်အပူဓာတ် ရရှိစေဖို့ ဖြစ်ပါတယ်။

ဒီအပတ်အတွင်း မတ် ၁၁ ရက်အထိ ကမ္ဘာ့စီးပွားရေးကတော့ နေရာတိုင်းမှာ ကုန်ဈေးနှုန်းကြီးမှု ငွေကြေးဖောင်းပွမှု သတင်းတွေက လွှမ်းမိုးနေတာပါ။ 

ရေနံ၊ သတ္တု၊ အရာအားလုံး ဈေးမြင့်တက်နေတာပါ။ မတ် ၇ ရက်နေ့က ရေနံတစည်ကို ၁၃၉ ဒေါ်လာထိ စံချိန်တင် အမြင့်ဆုံးတက်ခဲ့ပြီး နိုင်ငံအများစုရဲ့ အထွေတွေ ကုန်ဈေးနှုန်းတွေကို ရိုက်ခတ်ခဲ့ပါတယ်။

ရုရှားရဲ့ တင်ပို့မှုကို ဒဏ်ခတ်ဖို့ရှိတာကြောင့် နီကယ်ဈေးနှုန်းက ၁ တန်ကို ဒေါ်လာ ၁ သိန်းအထိ တက်သွားပါတယ်။

နှစ်စဉ်ငွေကြေးဖောင်းပွမှုနှုန်း ၂ ဒသမ ၅ ရာခိုင်နှုန်းလျာထားတဲ့ အမေရိကန်နိုင်ငံမှာ ငွေကြေး ဖောင်းပွမှု ၇ ဒသမ ၉ ရာခိုင်နှုန်းထိ မြင့်တက်နေပြီး နှစ်ပေါင်း ၄၀ အတွင်း စံချိန်တင် မြင့်တက်နေတာပါ။ 

စားသုံးသူတွေအနေနဲ့ မရပ်တန်းတက်နေတဲ့ အိမ်ငှားခ၊ အစားအစာနဲ့ ဓာတ်ဆီဈေးတွေကို ညည်းညူနေပါတယ်။

အမေရိကန်လွှတ်တော်က ပြည်ထောင်စုအစိုးရကို ဒေါ်လာ ၁ ဒသမ ၅ ထရီလီယံ ရန်ပုံငွေပေးဖို့ မတ် ၁၀ ရက်နေ့ အတည်ပြုခဲ့ပါတယ်။ 

အဲဒီအထဲမှာ ယူကရိန်းကို အရေးပေါ်  ဒေါ်လာ ၁၃ ဒသမ ၆ ဘီလီယံ ကူညီဖို့လည်း ပါဝင်ပါတယ်။

လွှတ်တော်က အစိုးရဘတ်ဂျက်ပိတ်ပင်မှု ဖြစ်ရပ်ကို ရှောင်ရှားဖို့ ပါတီကြီးနှစ်ခုက လပေါင်းများ စွာ ဆွေးနွေး ညှိနှိုင်းနိုင်ခဲ့ပါတယ်။

Amazone အွန်လိုင်းအရောင်းကုမ္ပဏီကြီးကတော့ ကြာသာပတေးနေ့က ရှယ်ယာ ၅ ရာခိုင်နှုန်း တက်သွားပါတယ်။ 

ကုမ္ပဏီက အသေးစား ရင်းနှီးမြှုပ်တွေကို ပိုမိုစွဲဆောင်ဖို့ ဈေးချိုတဲ့ စတော့ ၂၀ လောက်ကို ထပ်ခွဲ ထုတ်ပေးမယ်လို့ ကြေညာပါတယ်။