ချဲလ်ဆီးအသင်းလို ကစားသမားတွေအမြောက်အမြားခေါ်ယူပြီး ငွေကြေးသုံးစွဲနိုင်ခဲ့တာမျိုး အရင်က မမြင်ခဲ့ဖူးကြောင်း နောက်ခံလူ သီယာဂိုဆေးလ်ဗားက ပြောပါတယ်။
ချဲလ်ဆီးအသင်းဟာ အခုနှစ် ဇန်နဝါရီအပြောင်းအရွှေ့တစ်ခုတည်းမှာပဲ ပေါင် ၃၂၃ သန်းအထိ အသုံးပြုပြီး ကစားသမား ၈ ယောက် ဝယ်ယူခဲ့တာပါ။
နွေရာသီအပြောင်းအရွှေ့ပါ ပေါင်းမယ်ဆိုရင် ပေါင်သန်း ၆၀၀ ကျော်တဲ့အထိ တစ်ရာသီအတွင်းမှာ ငွေကြေးသုံးစွဲခဲ့တာပါ။
ဒီလိုငွေကြေးသုံးစွဲမှုကို ကစားသမားဘဝတစ်လျှောက် မမြင်ခဲ့ဖူးကြောင်း၊ ဒါက အသင်းရဲ့ ရည်မှန်းချက် ဘယ်လောက်မြင့်မားသလဲဆိုတာ ပြသရာရောက် ကြောင်း သီယာဂိုဆေးလ်ဗားက ပြောပါတယ်။
ဒါ့အပြင် ကစားသမားသစ်တွေအများကြီးရောက်လာတာကြောင့် အချိန်အနည်းငယ်ပေးရနိုင်ပြီး အကောင်းဆုံးခြေစွမ်းမရနိုင်သေးကြောင်း၊ ရာသီကုန်ဆုံးချိန်မှာတော့ ပိုမိုမြင့်မားတဲ့ အဆင့်ရပ်တည်မှုတစ်ခုရဖို့ ယုံကြည်ကြောင်း ဆေးလ်ဗားက သုံသပ်ခဲ့ပါတယ်။
ချဲလ်ဆီးအသင်းရဲ့ငွေကြေးသုံးစွဲမှုအပေါ် ဝေဖန်သူတွေဟာ မနာလိုတဲ့စိတ်ကြောင့်ဖြစ်တယ်လို့ နည်းပြ ဂရေဟမ်ပေါ်တာက ပြောပါတယ်။
ချဲလ်ဆီးအသင်းဟာ အခုနှစ်ရာသီမှာ ကစားသမား ခေါ်ယူမှုတွေအတွက် ပေါင်သန်း ၃၀၀ ကျော်အသုံးပြုခဲ့တာပါ။
ဘောလုံးကျွမ်းကျင်သူတွေရဲ့ ဝေဖန်မှုတွေရှိသလို တချို့နည်းပြတွေရဲ့ ပြောဆိုချက်တွေလည်းရှိချိန်မှာ မနာလိုတဲ့စိတ်ကြောင့်ဖြစ်တယ်လို့ ဂရေဟမ်ပေါ်တာက ပြန်လည်ဝေဖန်ခဲ့တာပါ။
“မနာလိုစိတ်က ကောင်းမွန်တဲ့ အရည်အချင်းတစ်ခုမဟုတ်ပါဘူး။ ကျနော်ကိုယ်တိုင်လည်း ဘယ်သူ့ကိုမှ အဲဒီလိုစိတ်မထားဖူးဘူး။ ငွေကြေး သုံးစွဲတာတွေများလို့ဆိုပြီး ဝေဖန် မှုတွေရှိပေမယ့်လည်း စိုးရိမ်စရာတော့မရှိပါဘူး။ နည်းပြအများစုကတော့ ကျနော်တို့နေရာကို သဘောကျ ကြပါလိမ့်မယ်” လို့ ဂရေဟမ်ပေါ်တာကပြောပါတယ်။
ချဲလ်ဆီးအသင်းဟာ ဘင်ဖီကာအသင်းက အာဂျင်တီးနားကွင်းလယ်လူ အန်ဇိုဖာနန်ဒက်ဇ်ကို ဗြိတိန် စံချိန်တင်ပြောင်းရွှေ့ကြေးအဖြစ် ပေါင် ၁၀၇ သန်းပေးပြီးခေါ်ယူခဲ့သလို တခြားကစားသမားတွေ အတွက် လည်း ပေါင်သန်း ၃၀၀ ကျော်တဲ့အထိ စံချိန်တင်ငွေကြေးသုံးစွဲခဲ့တာဖြစ်ပါတယ်။
