တရုတ်ဘဏ္ဍာရေးဝန်ကြီးဌာနဟာ အမေရိကန်ဒေါ်လာ ၃ ဒသမ ၄၅ ဘီလီယံတန် ငွေတိုက်စာချုပ်တွေကို ဟောင်ကောင် အထူးအုပ်ချုပ်ရေး ဒေသအတွင်း ဒီနှစ်ထဲမှာ ထုတ်ဝေသွားမယ်လို့ ဝန်ကြီးဌာနက ဇွန် ၇ ရက်မှာ ကြေညာပါတယ်။
အမေရိကန်ဒေါ်လာ ၁ ဒသမ ၁၃ ဘီလီယံဖိုးနဲ့ ညီမျှတဲ့ တရုတ်ယွမ်ငွေ ၇ ဒသမ ၅ ဘီလီယံဖိုး ငွေတိုက်စာချုပ်တွေကို ပထမအသုတ်အနေနဲ့ ဇွန် ၁၅ ရက်မှာ ထုတ်ဝေမှာဖြစ်ပါတယ်။
ငွေတိုက်စာချုပ်တွေကို အသုတ်လေးသုတ်ခွဲပြီး ထုတ်ဝေသွားမှာဖြစ်ပြီး ဒါဟာ ဟောင်ကောင်က တရုတ်ပြည်မကြီးလက်အောက်ကို ပြန်ရောက်လာတဲ့ ၂၅ နှစ်မြောက် နှစ်ပတ်လည်နေ့ အထိမ်းအမှတ်လည်း ဖြစ်ပါတယ်။
ပထမအသုတ်ထုတ်မယ့် ငွေတိုက်စာချုပ်တွေထဲမှာ ၂ နှစ်၊ ၃ နှစ်နဲ့ ၅ နှစ်သက်တမ်း ငွေတိုက်စာချုပ်က တရုတ်ယွမ်ငွေ ၂ ဒသမ ၅ ဘီလီယံဖိုးစီ အသီးသီး ထုတ်ဝေသွားမယ်လို့ ကြေညာချက်မှာ ဖော်ပါတယ်။
တောင်ကိုရီးယားနိုင်ငံမှာကျင်းပတဲ့ ရန်ပုံငွေ ဘောလုံးပြိုင်ပွဲမှာ အမျိုးသားညီညွတ်ရေးအစိုးရ (NUG) ရဲ့ ငွေတိုက်စာချုပ်၊ စစ်ခေါင်းဆောင်ရဲ့ အင်းယားလမ်းနေအိမ်အစုရှယ်ယာရောင်းချမှုနဲ့ One Day Challenge ကမ်ပိန်းပြုလုပ်ခဲ့ရာမှာ စုစုပေါင်းကိုရီးယား ဝမ်ငွေ ၂၁,၁၅၀,၀၀၀ ရောင်းချရရှိခဲ့တယ်လို့ ပွဲစီစဉ်သူတွေထံက သိရပါတယ်။
နွေဦးတော်လှန်ရေးအတွက် ရန်ပုံငွေဖလားဘောလုံးပြိုင်ပွဲကို တောင်ကိုရီးယားနိုင်ငံ၊ ဂယောင်းနမ်းပြည်နယ်၊ ဂင်မဲမြို့မှာ မေလ ၁၅ ရက် မနက်က ဂင်မဲနွေဦးတော်လှန်ရေးအဖွဲ့က ဦးဆောင်ကျင်းပခဲ့တာပါ။
ဘောလုံးပြိုင်ပွဲမှာတော့ ကိုရီးယားနိုင်ငံရောက်မြန်မာလူငယ် အသင်း ၆ သင်း ပါဝင်ယှဉ်ပြိုင်ခဲ့ပြီး တသင်းကို ကိုရီးယားဝမ်ငွေ ၅ သိန်း သတ်မှတ်ထားတယ်လို့ အဆိုပါပွဲမှာ ပူးပေါင်းပါဝင်ခဲ့တဲ့ မဝတ်ရည်က ပြောပါတယ်။
ဒီပွဲမှဦ NUG အစိုးရကိုယ်စားလှယ်ရုံးရဲ့ အထောက်ကူပြု အဖွဲ့ဝင်တွေက အခွန်ထမ်းသူရဲကောင်းတွေရွေးချယ်တာ၊ စစ်အာဏာသိမ်းမှုဆန့်ကျင်ရေးကော်မတီ ကိုရီးယားအဖွဲ့က ONE DAY CHALLENGE ကမ်ပိန်းလုပ်တာ ၊ NUG ကိုယ်စားလှယ်ရုံးက ငွေတိုက်စာချုပ် Bonds ရောင်းချတာတွေပြုလုပ်ခဲ့သလို NUG ရဲ့ ကိုရီးယားသမ္မတနိုင်ငံဆိုင်ရာ ကိုယ်စားလှယ် ဦးရန်နိုင်ထွန်းက ပွဲကိုဖွင့်လှစ်ပေးပြီး အမှာစကား ပြောကြားခဲ့ပါတယ်။
