ကိုရီးယားတွင် ကျင်းပသည့် တော်လှန်ရေးရန်ပုံငွေဘောလုံးပွဲတွင် ငွေတိုက်စာချုပ်နှင့် အစုရှယ်ယာ ဝမ်ငွေ ၂၁ သန်းကျော်ဖိုး ရောင်းရ









တောင်ကိုရီးယားနိုင်ငံမှာကျင်းပတဲ့ ရန်ပုံငွေ ဘောလုံးပြိုင်ပွဲမှာ အမျိုးသားညီညွတ်ရေးအစိုးရ (NUG) ရဲ့ ငွေတိုက်စာချုပ်၊ စစ်ခေါင်းဆောင်ရဲ့ အင်းယားလမ်းနေအိမ်အစုရှယ်ယာရောင်းချမှုနဲ့ One Day Challenge ကမ်ပိန်းပြုလုပ်ခဲ့ရာမှာ စုစုပေါင်းကိုရီးယား ဝမ်ငွေ ၂၁,၁၅၀,၀၀၀ ရောင်းချရရှိခဲ့တယ်လို့ ပွဲစီစဉ်သူတွေထံက သိရပါတယ်။
နွေဦးတော်လှန်ရေးအတွက် ရန်ပုံငွေဖလားဘောလုံးပြိုင်ပွဲကို တောင်ကိုရီးယားနိုင်ငံ၊ ဂယောင်းနမ်းပြည်နယ်၊ ဂင်မဲမြို့မှာ မေလ ၁၅ ရက် မနက်က ဂင်မဲနွေဦးတော်လှန်ရေးအဖွဲ့က ဦးဆောင်ကျင်းပခဲ့တာပါ။
ဘောလုံးပြိုင်ပွဲမှာတော့ ကိုရီးယားနိုင်ငံရောက်မြန်မာလူငယ် အသင်း ၆ သင်း ပါဝင်ယှဉ်ပြိုင်ခဲ့ပြီး တသင်းကို ကိုရီးယားဝမ်ငွေ ၅ သိန်း သတ်မှတ်ထားတယ်လို့ အဆိုပါပွဲမှာ ပူးပေါင်းပါဝင်ခဲ့တဲ့ မဝတ်ရည်က ပြောပါတယ်။
ဒီပွဲမှဦ NUG အစိုးရကိုယ်စားလှယ်ရုံးရဲ့ အထောက်ကူပြု အဖွဲ့ဝင်တွေက အခွန်ထမ်းသူရဲကောင်းတွေရွေးချယ်တာ၊ စစ်အာဏာသိမ်းမှုဆန့်ကျင်ရေးကော်မတီ ကိုရီးယားအဖွဲ့က ONE DAY CHALLENGE ကမ်ပိန်းလုပ်တာ ၊ NUG ကိုယ်စားလှယ်ရုံးက ငွေတိုက်စာချုပ် Bonds ရောင်းချတာတွေပြုလုပ်ခဲ့သလို NUG ရဲ့ ကိုရီးယားသမ္မတနိုင်ငံဆိုင်ရာ ကိုယ်စားလှယ် ဦးရန်နိုင်ထွန်းက ပွဲကိုဖွင့်လှစ်ပေးပြီး အမှာစကား ပြောကြားခဲ့ပါတယ်။