ဂျပန်နိုင်ငံ တိုကျိုမြို့မှာ သြဂုတ် ၁၅ ရက်က ရာနဲ့ချီတဲ့ စစ်ဆန့်ကျင်ရေး ဆန္ဒပြပွဲ ပြုလုပ်ခဲ့ပြီး နိုင်ငံရဲ့ ငြိမ်းချမ်းနေတဲ့ ဖွဲ့စည်းပုံအခြေခံဥပဒေကို ပြန်လည်ပြင်ဆင်မှုကို ကန့်ကွက်ကြောင်း ထုတ်ဖော်ခဲ့ကြပါတယ်။
ဂျပန်နိုင်ငံတဝန်းက ဆန္ဒပြသူတွေဟာ တိုကျိုမြို့လယ်မှာ စုရုံးခဲ့ကြပြီး ဒုတိယကမ္ဘာစစ်အတွင်း ဂျပန်လက်နက်ချခြင်း ၇၇ နှစ်မြောက် ငြိမ်းချမ်းရေးအတွက် ချီတက်ဆန္ဒပြခဲ့ကြတာပါ။
ဆန္ဒပြသူတွေဟာ နာမည်ဆိုးနဲ့ကျော်ကြားတဲ့ ယာဆုကုနီနတ်ကွန်းကို လာရောက် လည်ပတ် ကြတာတွေကို ရှုတ်ချတဲ့ ကြွေးကြော်သံဆိုင်းဘုတ်တွေ ကိုင်ဆောင်ပြီး သူတို့သွားရာ လမ်းတလျှောက်မှာ ယာဆုကုနီ ဘုရားကျောင်းကို ဖျက်သိမ်းပစ်ဖို့လည်း ကြွေးကြော်ခဲ့ကြပါတယ်။
ရာနဲ့ချီတဲ့ ရဲတပ်ဖွဲ့ဝင်တွေဟာ ချီတက်ဆန္ဒပြမှုကို လိုက်ပါစောင့်ကြပ်နေပြီး လက်ယာဝါဒီသမားတွေက ချီတက်ဆန္ဒပြမှုကို ဖြိုခွင်းဖို့ ကြိုးစားနေကြတာကြောင့် သတိကြီးကြီးထားပြီး စောင့်ကြည့်နေပါတယ်။
တိုကျိုမြို့လယ်ရှိ ချီယိုဒါရပ်ကွက်မှာရှိတဲ့ ယာဆုကုနီ နတ်ကွန်းဟာ ဒုတိယကမ္ဘာစစ်တုန်းက ပြစ်ဒဏ်သင့် အေ အဆင့် ဂျပန်စစ်ရာဇဝတ်ကောင် ၁၄ ဦးကို ဂုဏ်ပြုတဲ့အနေနဲ့ ဆောက်လုပ်ထားတာပါ။
ယာဆုကုနီ နတ်ကွန်းဟာ ဂျပန်ရဲ့ သမိုင်းဝင် ရန်လိုမှုနဲ့ စစ်အာဏာရှင်ဝါဒကို ကိုယ်စားပြုတယ် ဆိုပြီး နိုင်ငံရေးသမားတွေ သို့မဟုတ် တခြားအုပ်စုတွေ နတ်ကွန်းကို လာရောက်မှုအပေါ် ဂျပန်လူမျိုး အများအပြားက ကန့်ကွက်နေကြတာ ဖြစ်ပါတယ်။
ကမ္ဘာ့အကြီးဆုံး ရုပ်ရှင်ပွဲတော်ဖြစ်တဲ့ ဒီနှစ် ကိန်းရုပ်ရှင်ပွဲတော်ကို မေ ၁၇ ရက်က စတင်ကျင်းပခဲ့ပြီး ယူကရိန်းသမ္မတ ဇလန်းစကီး အဖွင့်မိန့်ခွန်း ပြောကြားခဲ့ပါတယ်။
ရုပ်ရှင်လောကသားတွေကတဆင့် စစ်ဆန့်ကျင်တဲ့အသံတွေ ကျယ်လောင်လာဖို့ လိုတယ်လို့ ပြောပါတယ်။ သူတို့အတွက် ခေတ်သစ် ချာလီ ချက်ပလင် လိုပြီး ရုပ်ရှင်လောကဟာ နှုတ်ဆိတ်မနေဘူးဆိုတာကို သက်သေပြဖို့လိုကြောင်း ပြောသွားပါတယ်။
ချာလီ ချက်ပလင်ဟာ ၁၉၃၉ ခုနှစ်၊ ဒုတိယကမ္ဘာစစ် စစ်ကြိုကာလကတည်းက အဒေ့ါဖ် ဟစ်တလာကို သရော်ခဲ့တဲ့ အနုပညာရှင် ဖြစ်ပါတယ်။
ဒီလို ဇာတ်သိမ်းမျိုးဖြစ်ဖို့ ရုပ်ရှင်လောကဟာ အရေးကြီးပြီး ရုပ်ရှင်လောကဟာ ဘယ်အချိန်မှာမဆို လွတ်မြောက်ရေးအတွက် တိုက်ပွဲဝင်တဲ့ဘက်က ရပ်တည်ပေးကြဖို့ လိုတယ်လို့ ပြောပါတယ်။
ကိန်းရုပ်ရှင်ပွဲတော်ကို မေ ၁၇ ရက်က စတင်ပြီး ရုပ်ရှင်လောကသားတွေ၊ ထင်ရှားကျော်ကြားသူတွေ တက်ရောက်နေကြပါတယ်။
ကိန်းရုပ်ရှင်ပွဲတော်ကို မေ ၁၇ ရက်ကနေ ၂၈ ရက်အထိ ကျင်းပသွားမှာဖြစ်ပြီး ဒီနှစ်ဟာ ၅၇ ကြိမ်မြောက် စိန်ရတုပွဲတော်ဖြစ်လို့ အရင်နှစ်တွေကထက် ခမ်းနားပါတယ်။ တွန်ခရုစ်ရဲ့ Top Gun: Maverick ရုပ်ရှင်၊ သြစတြေးလျ ဒါရိုက်တာ Baz Luhrmann ရဲ့ မြူးဇစ်ဒရမ်မာရုပ်ရှင် "Elvis" တို့ကိုလည်း ပြသတဲ့ အစီအစဉ်တွေ ပါဝင်ပါတယ်။
