စစ်ကိုင်းတိုင်း ယင်းမာပင်ခရိုင် ယင်းမာပင်မြို့နယ် စစ်​ရှောင်ပြည်သူ​တွေရှိတဲ့ ဘုန်းကြီး​ကျောင်းကို စစ်​ကောင်စီတပ်က ဧပြီ ၅ ရက် ည​နေ ၃ နာရီလောက် ဗုံးကြဲတိုက်ခိုက်ခဲ့တယ်လို့ ​ဒေသခံ​တွေက ​ပြောပါတယ်။

ဘန့်​ဘွေး-ထန်းဇင်​တောပြင် ​(​ဒေသ​ခေါ် ​-မယ်​​စောတောတိုက်) မှာရှိတဲ့ ဘုန်း​ကြီး​ကျောင်းဝင်း​​အတွင်းကို ဒရုန်းယာဥ်နဲ့ ဗုံးချတိုက်ခိုက်ခဲ့တာလို့ ဆိုပါတယ်။

အဲဒီဘုန်းကြီး​ကျောင်းဝင်းအတွင်းမှာ အနီးနား​ရှိ ကျေးရွာ​​နေပြည်သူ​​တွေ စစ်​ဘေး​ရှောင်​တည်းခိုနေကြတာဖြစ်ပြီး စစ်​ကောင်စီတပ်ရဲ့ ဗုံးကြဲတိုက်ခိုက်မှု​ကြောင့် စစ်​ဘေး​ရှောင်ပြည်သူ ၁ ဦး ဒဏ်ရာရရှိသွားခဲ့တယ်လို့ ​ဒေသခံတဦးက ​ပြောပါတယ်။

ထိခိုက်ဒဏ်ရာရရှိသွားသူဟာ အသက် ၅၀ ဝန်းကျင် ဦးစန်းယု ဆိုသူဖြစ်ပြီး ထန်းဇင်​ကျေးရွာဇာတိဖြစ်ကာ မယ်​​စောတောတိုက်မှာ ​နေထိုင်သူဖြစ်တယ်လို့ ဆိုပါတယ်။

စစ်​ကောင်စီတပ်ဖွဲ့ရဲ့ ဒရုန်းယာဥ်ဟာ အဲဒီဘုန်း​တော်ကြီး​ကျောင်းဝင်းအပြင် ဘန့်​ဘွေးရွာမ​တောပြင်ရှိ ​နေအိမ်တလုံးကိုလည်း ထပ်မံ ဗုံးကြဲခဲ့ပြီး ထိခိုက်မှုအ​ခြေအ​နေက​တော့ မသိရ​သေးဘူးလို့ ဒေသခံက ပြောပါတယ်။

ဗုံးကြဲတိုက်ခိုက်ခဲ့တဲ့တပ်ဖွဲ့ဟာ ဘန့်​ဘွေးရွာမအတွင်းမှာ​နေတဲ့ စစ်​ကောင်စီတပ်ဖွဲ့က လုပ်​ဆောင်ခဲ့တယ်လို့ ယူဆရပြီး  ဒီနေ့ မနက် ၄ နာရီလောက်ကလည်း အဲဒီစစ်​ကောင်စီတပ်ဖွဲ့ကို PDF အဖွဲ့​တွေက အ​​ဝေးပစ်လက်နက်ကြီးတွေနဲ့ ပစ်ခတ်တိုက်ခိုက်တယ်လို့ ဒေသခံ​တွေက​ ပြောပါတယ်။

ဒါ့အပြင် ​ဒီ​နေ့မနက်ပိုင် ၁၀ နာရီလောက်မှာလည်း အောင်​ဇေကွက်သစ်(​ဒေသ​ခေါ် ​ရွှေ​တောင်ဦးကုန်း) က​နေ ဘန့်​ဘွေးရွာမ​ကျေးရွာဘက်ကိုလာတဲ့ စစ်​ကောင်စီတပ်ဖွဲ့ကိုလည်း PDF အဖွဲ့​တွေက မိုင်းဆွဲတိုက်ခိုက်ခဲ့ကြ​​တယ်လို့ သိရပါတယ်။

စစ်​ကောင်စီတပ်ဖွဲ့ဟာ ဘန့်​ဘွေးရွာမ​ကျေးရွာအတွင်းကို ဝင်​ရောက်တပ်စွဲ​နေထိုင်တာ အချိန် ၁ လကျော်ရှိ​လာပြီဖြစ်သလို နေအိမ်​တွေကို မီးရှို့ဖျက်ဆီးနေတာကြောင့် ပြည်သူ​တွေ တိမ်း​ရှောင်​ထွက်​ပြေးနေကြရပြီး စားဝတ်​နေ​ရေးအပြင် ​နေထိုင်စား​သောက်​ရေး​​​​ အခက်အခဲဖြစ်​နေကြတယ်လို့ ဒေသခံတွေက ပြောပါတယ်။

စစ်ကိုင်းတိုင်း ယင်းမာပင်မြို့နယ်မှာ မတ် ၁၅ ရက် မနက်ပိုင်းက စစ်​ရှောင်​နေတဲ့ အပြစ်မဲ့ပြည်သူ ၂ ယောက်ကို စစ်​ကောင်စီတပ်က  ဖ်မးဆီးပြီး ပစ်သတ်သွားခဲ့တယ်လို့ ဒေသခံ​တွေက ​ပြောပါတယ်။

ပစ်သတ်ခံရသူတွေဟာ ​ကွေ့​ချောင်း​ကျေးရွာက ဦးသိန်းလင်းနဲ့ လက်ပန်ကျေးရွာက ဦးသိန်းနိုင် တို့ဖြစ်ပါတယ်။

ဦးသိန်းလင်းကို​ မုံရွာယာကြီး က​လေးဝလမ်းပိုင်း ၅ မိုင်တိုးဂိတ်အနီးက ​ချောင်းရိုးထဲမှာ ပစ်သတ်ခဲ့တာဖြစ်ပြီး ဦးသိန်းနိုင်ကိုတော့  လက်ပန်​ရေကန်ရဲ့အထက်မှာ ဦး​ခေါင်းကိုပစ်ခတ်ခဲ့လို့ ဦး​နှောက်တွေထွက်ကျ​သေဆုံးနေတာတွေ့ရတာလို့ ​​ဒေသခံ​တွေက ပြောပါတယ်။

ဒါ့အပြင် အမျိုးသမီး ၁၂ ဦးနဲ့ အမျိုးသား ၂ ဦးလည်း ဖမ်းဆီးသွားခဲ့ပြီး လက်ပန်ဘုန်းကြီး​ကျောင်းအ​ရောက်မှာ ​ကျောင်းထိုင်ဆရာ​တော်ရဲ့ ​မေတ္တာရပ်ခံချက်​ကြောင့် ပြန်လည်လွတ်​မြောက်လာခဲ့တယ်လို့ ​ဒေသခံတစ်ဦးက​ပြောပါတယ်။

စစ်ကောင်စီတပ်တွေဟာ လမ်းခုလပ်တစ်​နေရာမှာတွေ့တဲ့ အမျိုးသား လူငယ် ၂ ဦးဖမ်း ခေါ်​ဆောင်သွားတယ်လို့ ဆိုပါတယ်။

စစ်​ကောင်စီတပ်ဖွဲ့တွေဟာ မတ် ၁၄ ရက် ညပိုင်းက ​အောင်​ဇေယျကွက်သစ်(​​ဒေသ​ခေါ် ​ရွှေ​တောင်ဦးကုန်း)မှာ ရောက်ရှိလာခဲ့တာဖြစ်ပြီး ဒီမနက် ၇ နာရီလောက်မှာ နဘူး​တော​ကျေးရွာနဲ့ လက်ပန်​ကျေးရွာကြားအ​ရောက်မှာ ​သေနတ်နဲ့ပစ်ခတ်ခဲ့တယ်လို့ ​ဒေသခံ​တွေက ​ပြောပါတယ်

စစ်​ကောင်စီတပ်ဖွဲ့ ချီတက်လာတာ​ကြောင့် ​အနီးနားမှာရှိတဲ့ ​ကျေးရွာ​တွေက ဒေသခံပြည်သူ​တွေဟာလည်း အိုးအိမ်စွန့်ခွာထွက်​ပြေးတိမ်း​ရှောင်ခဲ့ကြရပါတယ်။

မတ် ၁၄ ရက် ညပိုင်းက ဘန့်​ဘွေး​ရွာမကျေးရွာအတွင်းမှာ တပ်စွဲ​နေထိုင်​တဲ့ စစ်​ကောင်စီတပ်ဖွဲ့ကို PDF အဖွဲ့​တွေက တိုက်ခိုက်ခဲ့တာ​တွေရှိခဲ့သလို ဒီနေ့မနက် ဘန့်​ဘွေးရွာမ​ကျေးရွာဘက်ကို ချီတက်လာတဲ့ စစ်​ကောင်စီတပ်ဖွဲ့​တွေကိုလည်း PDF အဖွဲ့​တွေက မိုင်းဆွဲတိုက်ခိုက်ခဲ့ပါတယ်။