မက္ကဆီကိုနိုင်ငံမြို့တော် မက္ကဆီကိုစီးတီးမှာ မေ ၆ ရက်က ဆေးခြောက်အသုံးပြုမှုကို တရားဝင် ခွင့်ပြုဖို့အတွက် လူဒါဇင်ပေါင်းများစွာ ဆန္ဒပြမှုတောင်းဆိုခဲ့ကြပါတယ်။

ကမ္ဘာ့ဆေးခြောက် ချီတက်ပွဲ အထိမ်းအမှတ်အဖြစ် ကိုယ်တိုင်အသုံးပြုသူတွေနဲ့ တရားဝင်ဖြစ်ရေး အပေါ် ထောက်ခံသူတွေက မက္ကကိုစီးတီးရှိ ရီဖော်မာ ရိပ်သာလမ်းတလျှောက် ချီတက်ခဲ့ကြတာ ဖြစ်ပါတယ်။ 

ဆေးခြောက်အပေါ် တားမြစ်ချက်အားလုံးကို အဆုံးသတ်ပေးဖို့ အပါအဝင် ဒါကို ဘေးကင်းစွာ အသုံးပြုနိုင်ဖို့အတွက် တိကျရှင်းလင်းတဲ့ စည်းမျဉ်းစည်းကမ်းတွေ ချမှတ်ပေးဖို့ ဆန္ဒပြသူတွေက တောင်းဆိုခဲ့ကြတာပါ။ 

လမ်းတစ် လျှောက်မှာလည်း ဆန္ဒပြသူတွေက ဆေးခြောက်ကို သောက်သုံးရင်း ဆေးခြောက်နဲ့ သက်ဆိုင်တဲ့ အဝတ်အစားတွေကိုသာ ဝတ်ဆင်ခဲ့ကြပါတယ်။ 

၂၀၂၁ ခုနှစ်မှာ မက္ကဆီကိုနိုင်ငံရဲ့ တရားရုံးချုပ်က ဆေးခြောက် သုံးစွဲမှုကို လုံးဝ တားမြစ် ထားရာကနေ ပယ်ဖျက်ပေးခဲ့ပြီး အပန်းဖြေမှု နဲ့ ဆေးဘက်ဆိုင်ရာ ရည်ရွယ်ချက်တွေအတွက်သာ အသုံးပြုခွင့်ပေးဖို့ လွှတ်တော်ကို အမိန့်ပေးခဲ့ပါတယ်။ 

ကမ္ဘာ့ဆေးခြောက်ချီတက်ပွဲကို ၁၉၉၉ ခုနှစ်ကစလို့ မေလရဲ့ ပထမဆုံး စနေနေ့အတွင်း ကမ္ဘာ တဝန်းရှိ မြို့ကြီးအသီးသီးမှာ နှစ်စဉ် ကျင်းပလေ့ရှိပါတယ်။ 

ဟဲဗီးဝိတ်လက်ဝှေ့ချန်ပီယံဟောင်း ဒွန်တေးဝဲလ်ဒါကို မေလ ၂ ရက် မနက်အစောပိုင်းက ဆေးခြောက်နံ့ရတယ်ဆိုပြီး ကားပေါ်ကဆွဲချကာ ဖုံးကွယ်ထားတဲ့ လက်နက်ရှိတယ်ဆိုပြီး ရဲက ဖမ်းဆီးထောင်ချခဲ့ပါတယ်။

ကမ္ဘာ့ဟဲဗီးဝိတ် ချန်ပီယံဟောင်းဟာ ဒေါ်လာ ၃၅,၀၀၀ တန်စာချုပ် လက်မှတ်မထိုးခင် ဖမ်းဆီးထိန်းသိမ်းထားကြောင်း လော့စ်အိန်ဂျလိစ် ရဲဌာနက အတည်ပြုထားပါတယ်။

၄၆ ကြိမ် ထိုးသတ်ထားပြီး ၄၃ ကြိမ်အနိုင်ရ၊ ၂ ကြိမ်ရှုံးပြီး ၁ ပွဲသရေ စံချိန်ရှိတဲ့ ဝဲလ်ဒါဟာ မေလ ၂ ရက် မနက် ၁ နာရီ ၁၅ မိနစ်မှာ ဟောလိဝုဒ်ဧရိယာတဝိုက်ကို သူရဲ့ Rolls Royce ကားနဲ့ မောင်းနှင်ခဲ့တယ်လို့ TMZ အရ သိရပါတယ်။

ကားထဲမှာ ၉ မမ ပစ္စတိုတလက်ကို တွေ့ရှိခဲ့ပြီးနောက် တာဝန်ရှိသူတွေက ဝဲလ်ဒါကို ဖမ်းဝရမ်းထုတ်ခဲ့ပြီး ဝဲလ်ဒါဟာ လွတ်မြောက်ပြီး နာရီပိုင်းအကြာမှာပဲ “ကျနော် တောင်းပန်တာထက် လုံခြုံချင်တယ်၊ ဒါပါပဲ” လို့ တွစ်တာမှာ မျှဝေခဲ့ပါတယ်။

သူ့မှာ တရားမဝင် နံပါတ်ပြားတခုရှိကြောင်း သိရပြီး သူ့ရဲ့ကားပေါ်မှာ တွေ့ရတဲ့ လက်နက်ကိုလည်း ကိုင်‌ဆောင်ဖို့ လိုင်စင်ရှိမရှိ ရှင်းရှင်းလင်းလင်း မသိရသေးဘူးလို့ ရဲတွေက ပြောခဲ့ပြီး ဝဲလ်ဒါဟာ မေလ ၂၃ ရက်နေ့မှာ LA တရားရုံးကို သွားရောက်ရမှာ ဖြစ်ပါတယ်။