ရာထူးတာဝန်ကနေ အငြိမ်းစားယူတော့မယ့် တရုတ်ဝန်ကြီးချုပ် လီကီချန်းရဲ့ နေရာမှာ  လီချန်ကို အစားထိုးခန့်အပ်ဖို့ မတ် ၅ ရက်မှာစတဲ့ တရုတ်အမျိုးသားပြည်သူ့ကွန်ဂရက်အတွင်း ပြင်ဆင်နေပြီး အတည်ပြုဖို့ အဆင်သင့်ဖြစ်နေပါပြီ။

သမ္မတ ရှီကျင့်ဖျင်နဲ့ လီချန်ရဲ့ နီးစပ်မှုဟာ အားသာချက်ရော အားနည်းချက်ပါ နှစ်ခုလုံး ဖြစ်စေတယ်လို့ တရုတ်ခေါင်းဆောင်မှုကို စောင့်ကြည့်သူတွေက သုံးသပ်ပြောကြပြီး လီချန်ဟာ ရှီရဲ့ ယုံကြည်မှုကိုရပေမဲ့ ကာလကြာရှည် ကူညီထောက်ပံ့သူအဖြစ်သာ သတ်မှတ်ခံထားရပါတယ်။

ဗျူရိုကရက်တဦးဖြစ်သူ လီချန်ဟာ ဝန်ကြီးချုပ်အဖြစ် အတည်ပြုခန့်အပ်ခံရရင်တော့ ကမ္ဘာ့ဒုတိယ စီးပွားရေးအင်အားကြီးနိုင်ငံဖြစ်တဲ့ တရုတ်နိုင်ငံရဲ့ နံပါတ် ၂ ခေါင်းဆောင်အဖြစ် တာဝန်ယူ ဆောင်ရွက်ရမှာဖြစ်ပါတယ်။

လီချန်ဟာ ရှန်ဟိုင်းဒေသခံပြည်သူ ၂၅ သန်းကို ကိုဗစ်-၁၉ ကပ်ရောဂါကူးစက်မှု ဟန့်တားနိုင်ရေး ပိတ်ဆို့တားမြစ်မှုတွေ ဆောင်ရွက်ရာမှာ ကြီးကြပ်ခဲ့လို့ လူသိများခဲ့ပါတယ်။

သူ့ရဲ့လုပ်ဆောင်ချက်ကြောင့် တရုတ်ဘဏ္ဍာရေးမြို့တော် ရှန်ဟိုင်းရဲ့ စီးပွားရေးကို ထိခိုက်စေလို့ စိတ်ပိုင်းဆိုင်ရာ ဒဏ်ရာဒဏ်ချက်တွေ ကျန်ရစ်ခဲ့ပေမဲ့ ရာထူးတိုးတာကို နှောင့်နှေးထိခိုက်တာ မရှိခဲ့ပါဘူး။

ကျဲ့ကျန်းပြည်နယ်ဇာတိဖြစ်တဲ့ အသက် ၆၃ နှစ်အရွယ် လီချန်ဟာ ၂၀၀၄ ခုနှစ်ကနေ ၂၀၀၇ ခုနှစ်အထိ ရှီကျင့်ဖျင် တရုတ်ကွန်မြူနစ်ပါတီရဲ့ အကြီးအကဲဖြစ်ချိန် ရှီရဲ့ အယုံကြည်ရဆုံးသော လူယုံတွေသာ တာဝန်ယူရတဲ့ စစ်ဦးစီးအရာရှိချုပ် ဖြစ်ခဲ့ဖူးပါတယ်။

ပေကျင်းမြို့မှာ ၇ ရက်တာ ကျင်းပတဲ့ တရုတ် အမျိုးသားပြည်သူ့ကွန်ဂရက် (NPC) ညီလာခံကို မတ် ၁၁ ရက် နံနက်က နောက်ဆုံးနေ့ ပိတ်ပွဲကျင်းပခဲ့ပါတယ်။ 

အများမျှော်လင့်ထားသလိုပဲ သမ္မတရှီကျင့်ဖျင်က တတိယအကြိမ်သမ္မတသက်တမ်းကို ဆက်လက် ထမ်းဆောင်မှာ ဖြစ်ပါတယ်။ 

အံ့အားသင့်စရာက ဝန်ကြီးချုပ်လီခဲ့ချန် က ယခုနှစ် နောက်ဆုံးရာထူးထမ်းဆောင်မှာ ဖြစ်ပြီး လာမယ့်နှစ် မတ်လမှာ ရာထူးက နုတ်ထွက်မယ်ဆိုတာပါ။ 

လီခဲ့ချန်က နှစ်စဉ် စီးပွားရေးအစီရင်ခံစာ တင်ပြရာမှာ “တရုတ်စီးပွားရေးကို အလယ်အလတ် အဆင့်ကနေ အမြင့်ဆုံးတိုးတက်နှုန်းထိ တည်တည်ငြိမ်ငြိမ်နဲ့ သွားဖို့ လုပ်ရတာ မလွယ်ကူလှ ကြောင်း၊ ယခုနှစ် စီးပွားရေး ပုံမှန်တည်ငြိမ်ဖို့အတွက် တိုးတက်မှုနှုန်း ၅ ဒသမ ၅ ရာခိုင်နှုန်း သတ်မှတ်ထားကြောင်း၊ ယခုနှစ် မက်ခရိုစီးပွားရေး မူဝါဒက ရေတိုဖိအားတွေကို ခံနိုင်ရည်ရှိဖို့ သာမကဘဲ ရေရှည် တရုတ်စီးပွားရေး တည်ငြိမ်စေဖို့ ရည်ရွယ်ကြောင်း ပြောပါတယ်။

အခုနှစ် ကိုရိုနာဗိုင်းရပ်စ် ထိန်းချုပ်မှုတွေကြောင့် ပြည်သူ့ညီလာခံကို ၆ ရက်ခွဲနဲ့အပြီး ကျင်းပခဲ့ပါတယ်။