တရုတ်နိုင်ငံအနေနဲ့ တောင်ကိုးရီးယားနိုင်ငံသားတွေအတွက် နိုင်ငံတွင်းဝင်ရောက်ခွင့် ဗီဇာ ပြန်ထုတ်ပေးဖို့ စဉ်းစားပေးသွားမယ်လို့ ဖေဖော်ဝါရီ ၁၀ ရက်မှာ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မော်နင်က ပုံမှန်သတင်းစာရှင်းလင်းပွဲမှာ ပြောပါတယ်။
တရုတ်နိုင်ငံမှာ ကိုဗစ်-၁၉ ရောဂါအခြေအနေ တိုးတက်မှုရှိလာတာကြောင့် တရုတ်ခရီးသွားတွေအတွက် ကာလတိုဗီဇာ ပြန်ထုတ်ပေးဖို့ တောင်ကိုရီးယားနိုင်ငံဘက်က စီစဉ်နေတယ်လို့ ဆိုးလ်တာဝန်ရှိသူတွေက ပြောပါတယ်။
ဒီလို ဗီဇာကန့်သတ်မှုရုပ်သိမ်းလိုက်တာဟာ "လမ်းကြောင်းမှန်ပေါ်က ခြေလှမ်းတစ်ရပ်" ဖြစ်တယ် လို့ မော်နင်းက တုံ့ပြန်ပြောဆိုပါတယ်။
တရုတ်နိုင်ငံက "ကိုဗစ်ကင်းစင်ရေး" မူဝါဒကို ရုတ်တရက် အဆုံးသတ်ခဲ့ပြီးနောက် တရုတ်ခရီးသွားအတွက် ကာလတိုဗီဇာထုတ်ပေးမှုကို တောင်ကိုရီးယားနိုင်ငံဘက်က ပြီးခဲ့တဲ့လမှာ ဆိုင်းငံ့ထားခဲ့ပါတယ်။
အဲဒီအတွက် ပေကျင်းက တောင်ကိုရီးယားခရီးသွားတွေအပေါ် ကာလတိုဗီဇာထုတ်ပေးမှုကို ရပ်ဆိုင်းထားပြီး တုံ့ပြန်ခဲ့တာ ဖြစ်ပါတယ်။
တောင်ကိုရီးယားနိုင်ငံသားတယောက် ဇန်နဝါရီ ၁ ရက် ည ၉ နာရီခွဲဝန်းကျင်မှာ ကိုရီးယားနှစ်နိုင်ငံ ပိုင်းခြားထားတဲ့ စစ်ကင်းမဲ့ဇုန် (DMZ) ကို ဖြတ်ပြီး မြောက်ကိုရီးယားဘက်ကို ဝင်ရောက်သွားပါတယ်။
ဒါဟာ ဖြစ်တောင့်ဖြစ်ခဲ ရှားရှားပါးပါး မြောက်ကိုရီးယားဘက်ကို ခိုလှုံဝင်ရောက်သွားမှုပါ။
“လုံခြုံရေးတင်းတင်းကျပ်ကျပ် ချထားတဲ့ စစ်မဲ့ဇုန်ရဲ့ အရှေ့ဘက်ခြမ်းကနေ မြောက်ကိုရီးယားကို ဝင်သွားတာ၊ ဘယ်သူလဲဆိုတာ အတည်မပြုနိုင်သေးပါဘူး၊ အရေးပေါ် ရှာဖွေမှုတွေ လုပ်နေတယ်” လို့ တောင်ကိုရီးယားစစ်ဦးစီးချုပ် ကင်မ်ဂျွန်းပတ်ခ်က ပြောပါတယ်။
ဒါ့အပြင် အဲဒီလူဟာ မြောက်ကိုရီးယားဘက် ကူးပြောင်းသွားပုံရပြီး အသက်ရှင်သေးလားဆိုတာ မပြောနိုင်ဘူးလို့ ဆိုပါတယ်။
သူ့ကို ကာကွယ်စောင့်ရှောက်ပေးဖို့ အရေးပေါ်ဆက်သွယ်ရေးလိုင်းကနေ မြောက်ကိုရီးယားကို အကြောင်းကြားထားတယ်လို့ ပြောပါတယ်။
တရားမဝင်နယ်စပ်ဖြတ်ကျော်တာဟာ တောင်ကိုရီးယားမှာ ကြီးမားတဲ့ပြစ်မှုမြောက်ပါတယ်။
မြောက်ကိုရီးယားက ၂၀၂၀ ခုနှစ် အစောပိုင်းကတည်းက ကိုရိုနာဗိုင်းရပ်စ် ကူးစက်မှုမဖြစ်အောင် နယ်စပ်တွေ တင်းတင်းကြပ်ကြပ် ပိတ်ထားတာပါ။
အခု တောင်ကိုရီးယားနိုင်ငံသား စွန့်စားဝင်ရောက်သွားတာ အလွန်အံ့အားသင့်ဖွယ် ဖြစ်နေပါတယ်။
