မန်ယူအသင်းကနေ ထွက်ခွာခွင့်တောင်းထားဆိုတဲ့သတင်းတွေနဲ့ ပတ်သက်ပြီး စီရော်နယ်ဒိုက ပထမဆုံးအကြိမ် ငြင်းဆိုသွားပါတယ်။

အင်စတာဂရမ်မှာ ပရိသတ်တစ်ဦးရေးသားထားတာကို ရော်နယ်ဒိုက မဟုတ်မှန်ကြောင်း ရှင်းလင်းသွားခဲ့ပြီး မှန်ကန်တဲ့သတင်းတစ်ခုကို  တစ်နေ့မှာ သိရလိမ့်မယ်လို့ ရော်နယ်ဒိုက ထည့်သွင်းရေးသားထားပါတယ်။

ရော်နယ်ဒိုရဲ့အနာဂတ်နဲ့ ပတ်သက်ပြီး သူဟာ မန်ယူအသင်းကနေ ထွက်ခွါခွင့်တောင်းဆိုထားသလို အေးဂျင့်မန်ဒက်စ်ကလည်း အသင်းသစ်ရှာဖွေပေးနေတယ်လို့ မီဒီယာတွေက ရေးသားခဲ့ကြတာပါ။

ရော်နယ်ဒိုကတော့  မီဒီယာတွေဟာ ငွေကြေးအတွက် လူတွေရဲ့အာရုံစိုက်မှုရရှိအောင် ရေးသားနေကြတယ်လို့ဝေဖန်ပါ တယ်။

တစ်နေ့မှာတော့ မှန်ကန်တဲ့သတင်းတချို့ကို ရေးသားနိုင်မယ်လို့ မျှော်လင့်ကြောင်းလည်း ရော်နယ်ဒိုကဟာသလုပ်ပြီး ပြန်လည် ဝေဖန်သွားခဲ့ပါတယ်။

ရော်နယ်ဒိုဟာ အသင်းနဲ့အတူ လေ့ကျင့်ခန်းပြင်ဆင်းဖို့ရှိနေပြီး နည်းပြဟောင်းဖြစ်သူ ဖာဂူဆန်နဲ့လည်း ဆွေးနွေးခဲ့တယ်လို့သတင်းထွက်ပေါ်နေပါတယ်။ 

မန်ချက်စတာယူနိုက်တက် တိုက်စစ်မှူး စီရော်နယ်ဒိုဟာ သူ့အတွက် သင့်လျော်တဲ့ ကမ်းလှမ်းမှုရှိလာမယ်ဆိုရင် အသင်းကနေ ထွက်ခွာခွင့်ပေးဖို့ တောင်းဆိုထားပါတယ်။

အသက် ၃၇ နှစ်ရှိ တိုက်စစ်မှူး စီရော်နယ်ဒိုဟာ လာမယ့်ရာသီမှာ ဥရောပချန်ပီယံလိဂ်ပြိုင်ပွဲ ကစားခွင့်ရရှိမှာမဟုတ်တာကြောင့် သင့်လျော်တဲ့ ကမ်းလှမ်းမှုရှိလာရင် အသင်းပြောင်းရွှေ့ဖို့ စီစဉ်ထားတာပါ။

ရော်နယ်ဒိုရဲ့အေးဂျင့်ဖြစ်သူ ဂျော့မန်ဒက်စ်ဟာလည်း ဘိုင်ယန်မြူးနစ်၊ ချဲလ်ဆီးနဲ့ နာပိုလီအသင်းတွေနဲ့ ဆွေးနွေးထားခဲ့တယ်လို့သိရပါတယ်။

ရော်နယ်ဒိုအနေနဲ့ နောက်ထပ် ၃ နှစ်လောက် ထိပ်တန်းအဆင့် ခြေစွမ်းပြသနိုင်ဦးမယ်လို့ ယုံကြည်နေပြီး အဓိကဆုဖလားတွေရယူနိုင်ဖို့လည်း ဆန္ဒရှိနေတာပါ။

ဒါပေမဲ့ မန်ယူအသင်းမှာဆက်ကစားမယ်ဆိုရင် ဆုဖလားတွေရရှိဖို့ အခွင့်အရေးနည်းပါးတာကြောင့် ထိပ်တန်းအသင်းတစ်သင်းစီကိုပြောင်းရွှေ့လိုနေတာပါ။

ပြီးခဲ့တဲ့ရာသီက သွင်းဂိုး ၂၄ ဂိုးနဲ့ အသင်းရဲ့ ဂိုးအများဆုံးသွင်းယူသူဖြစ်ခဲ့တဲ့ စီရော်နယ်ဒိုကို နည်ပြတန်ဟတ်ဂ်ဘက်ကတော့ဆက်ထိန်းထားဖို့ စီစဉ်ထားပါတယ်။

ရော်နယ်ဒိုကိုခေါ်ယူဖို့ ချဲလ်အသင်းပိုင်ရှင် ဘိုလီကိုယ်တိုင် စုံစမ်းမေးမြန်းမှုတွေ ပြုလုပ်ခဲ့ဖူးပါတယ်။