မန်ချက်စတာယူနိုက်တက်အသင်းဟာ လာမယ့်နွေရာသီခြေစမ်းခရီးစဉ်မှာ အမေရိကန်နိုင်ငံကိုသွားရောက်မှာ ဖြစ်ပြီး ဒေါ့မွန်အသင်းနဲ့ ခြေစမ်းပွဲကစားမယ်လို့ သတင်းထုတ်ပြန်ပါတယ်။

ယူနိုက်တက်အသင်းဟာ လာမယ့် ဇူလိုင် ၃၀ ရက်မှာ အမေရိကန်နိုင်ငံ လစ်ဗီးဂတ်မြို့မှာ ဒေါ့မွန်အသင်းနဲ့ ခြေစမ်းမှာပါ။ 

၂၀၁၆ ခုနှစ်က တရုတ်နိုင်ငံမှာ ဒေါ့မွန်နဲ့ ခြေစမ်းကစားပြီးနောက်ပိုင်း ရာသီကြိုခြေစမ်းပွဲမှာ ဒေါ့မွန်နဲ့ ပြန်လည်တွေ့ဆုံတာပါ။ 

ဒါ့အပြင် ဝေးလ်ကလပ် ဝရတ်ဆမ်အသင်းအပြင် နောက်ထပ် အတည်မပြုနိုင်သေး တဲ့အသင်းတစ်သင်းနဲ့လည်း အမေရိကန်ခရီးစဉ်မှာခြေစမ်းမှာပါ။

မန်ယူအသင်းဟာ နည်းပြမော်ရင်ညို လက်ထက် ၂၀၁၈ ခုနှစ်က အမေရိကန်နိုင်ငံကို ရာသီကြိုခြေစမ်းခရီးစဉ်အဖြစ် နောက်ဆုံးအကြိမ်သွားရောက်ခဲ့ဖူးပြီး အဲဒီနောက်ပိုင်း ၅ နှစ်အကြာမှာ နောက်တစ်ကြိမ်ပြန်လည်သွားရောက်တာ ဖြစ်ပါတယ်။ 

^{မေ ၇ ရက်နေ့ညက ယှဉ်ပြိုင်သွားတဲ့ ဘွန်ဒတ်လီဂါပွဲစဉ်မှာ ဒေါ့မွန်အသင်းက ဂွါတာဖို့သ် အသင်းကို ၃ ဂိုး ၁ ဂိုးနဲ့ အနိုင်ရသွားပါတယ်။} 

^{ဒီပွဲမှာ ဘယ်တောင်ပံ ကစားသမား ဂျူလီယံ ဘရန့်က အသင်းအတွက် ၂ ဂိုး သွင်းပေးခဲ့ပါတယ်။  ဒီပွဲရလဒ်ကြောင့် ဒေါ့မွန်အသင်းဟာ ဘွန်ဒက်လီဂါ အမှတ်ပေးဇယားမှာ ၆၆ မှတ်နဲ့  ဒုတိယနေရာမှာ ဆက်လက် ရပ်တည်နေပါတယ်။} 

^{ဒေါ့မွန်အသင်းအတွက် နောက်ထပ်တပွဲပဲ ကစားဖို့ ကျန်နေသေးပေမယ့် အမှတ်ပေးဇယား ထိပ်ဆုံးက ဘိုင်ယန်မြူနစ်က ၇၇ မှတ်နဲ့ ချန်ပီယံ ဖလားကို စောစောစီးစီး သိမ်းပိုက်ထားလိုက်ပြီး ဖြစ်ပါတယ်။} 

^{ဘိုင်ယန်ဟာ ဒီနေ့ည စတုဂတ်အသင်းနဲ့ ယှဉ်ပြိုင်ဖို့ ရှိပါတယ်။}