လက်ရှိ ချဲလ်ဆီးအသင်းရဲ့အခြေအနေနဲ့ ပတ်သက်ပြီး ဝမ်းနည်းမိတယ်လို့ ရီးရဲလ်မက်ဒရစ်နည်းပြ ကားလို့စ်အန်စလော့တီက ပြောပါတယ်။
အန်စလော့တီဟာ ချန်ပီယံလိဂ်ကွာတားဖိုင်နယ်မှာ အသင်းဟောင်း ချဲလ်ဆီးနဲ့ ပြန်လည်ရင်ဆိုင်ရမှာပါ။
ချဲလ်ဆီးအသင်းဟာ ပရီးမီးယားလိဂ်မှာအဆင့် ၁၁ မှာရပ်တည်နေသလို အက်ဖ်အေဖလားနဲ့ လိဒ်ဖလားတွေကနေလည်း စောစောစီးစီးထွက်ခဲ့ရပြီး အသင်းဟောင်းရဲ့ အခြေအနေအပေါ် ဝမ်းနည်းစိတ်မကောင်းဖြစ်ကြောင်း အန်စလော့တီကဆိုခဲ့တာပါ။
“အသင်းရဲ့ အခြေအနေက ဝမ်းနည်းစရာကောင်းတယ်ဆိုတာ အမှန်ပါပဲ။ ချဲလ်ဆီးအသင်းမှာ နှစ်သက်စရာ အမှတ်တရတွေရှိခဲ့ပြီး အဲဒီအချိန်ကတာဝန်ရှိသူတွေဟာလည်း ခုထိ ရှိနေကြတဲ့သူတွေရှိပါတယ်။ အမှန်တကယ်ကောင်းမွန်တဲ့ ဘောလုံးရာသီနှစ်ရာသီကိုင်တွယ်ခဲ့ဖူးတဲ့ အတွက် ကျနော်က ချဲလ်ဆီးအသင်းရဲ့ပရိသတ်တစ်ဦးဆိုရင်လည်း မှန်ပါတယ်” လို့ အန်စလော့တီကပြောပါတယ်။
ဒါ့အပြင် နည်းပြသစ်လမ်းပတ်ဟာ မကြာသေးခင်ကမှ အသင်းကိုရောက်ရှိလာတာဖြစ်ပေမဲ့ ကစားသမားတွေအကြောင်းကိုသိရှိပြီးသားဖြစ်လို့ အကောင်းဆုံးလုပ်ဆောင်နိုင်မယ်လို့ မျှော်လင့် ကြောင်းလည်း အန်စလော့တီကမှတ်ချက်ပေးသွားပါတယ်။
ဘာစီလိုနာအသင်းနည်းပြ ဘယ်တော့မှဖြစ်လာနိုင်မှာမဟုတ်ကြောင်း ပြိုင်ဘက်ရီးရီဂလ်မက်ဒရစ် နည်းပြ ကားလို့စ်အန်စလော့တီက ပြောပါတယ်။
ရီးရဲလ်မက်ဒရစ်အသင်းမှာ အရာအားလုံး အဆင်ပြေနေပြီး တခြားအပြောင်းအလဲတစ်ခုလုပ်ဖို့ မလိုအပ်ကြောင်း၊ ဘာစီလိုနာအသင်းကို နည်းပြဖို့ဆိုတာ ဘယ်တော့မှဖြစ်မလာနိုင်ကြောင်းနဲ့ မက်ဒရစ်အသင်းက ကမ္ဘာ့အကောင်းဆုံး အသင်းဖြစ်ကြောင်း အန်စလော့တီက ပြောပါတယ်။
မနှစ်ကရာသီနဲ့စာရင် ဒီနှစ်ရာသီနဲ့ ၄ မှတ်သာ ကွာခြားပြီး မက်ဒရစ်အသင်း ခြေစွမ်းကျဆင်းသွားတာမဟုတ်ဘဲ ဘာစီလိုနာအသင်းက အများကြီး တိုးတက်လာတာဖြစ်ကြောင်း အန်စလော့တီကပြောပါတယ်။
အခုနှစ်လာလီဂါမှာ ဘာစီလိုနာက ရီးရဲလ်မက်ဒရစ်ကို ၁၂ မှတ်ဖြတ်ထားပေမဲ့ ကိုပါဒယ်ရေးဖလားမှာတော့ ရီးရဲလ်မက်ဒရစ်က ၄ ဂိုး ဂိုးမရှိနဲ့ အနိုင်ရခဲ့ပါတယ်။
