နိုင်ငံတကာအသိုက်အဝန်းဟာ မြန်မာနိုင်ငံအရေးကို ပျက်ကွက်ခဲ့တယ်လို့ ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်က နိုဝင်ဘာ ၁၂ ရက်က ပြောကြားခဲ့ပါတယ်။
“ကုလသမဂ္ဂကလည်း မြန်မာနိုင်ငံနဲ့ပတ်သက်ပြီး ပျက်ကွက်ခဲ့တဲ့ နိုင်ငံတကာအသိုက်အဝန်းရဲ့ တစိတ်တပိုင်းပဲဖြစ်ပြီး မြန်မာပြည်သူပြည်သားတွေရဲ့ ဆင်းရဲဒုက္ခ အလွန်ကြီးမားပါတယ်”လို့ ဂူတာရက်စ်က ကမ္ဘောဒီးယားနိုင်ငံ ဖနွမ်းပင်မြို့က အရှေ့တောင်အာရှ နိုင်ငံများအသင်း (အာဆီယံ) ထိပ်သီးအစည်းအဝေး တက်ရောက်လာခြင်းကို အဆုံးသတ်တဲ့ သတင်းစာရှင်းလင်းပွဲ မှာ ပြောသွားတာပါ။
“မြန်မာနိုင်ငံနဲ့စပ်လျဉ်းပြီး အင်ဒိုနီးရှားအစိုးရနဲ့ အလွန်ကို နီးနီးကပ်ကပ် ကျွန်ုပ်တို့အတူ ကော်ပိုရေးရှင်းတွေ လုပ်ဆောင်ခဲ့တဲ့ အင်ဒိုနီးရှားသမ္မတရုံးကို ယုံကြည်ထားပါတယ်” လို့ ဂူတားရက်စ်က ပြောပါတယ်။
အင်ဒိုနီးရှားအစိုးရအနေနဲ့ ဒီအစီအစဉ်ကို အပြုသဘောဆောင်တဲ့ နည်းလမ်းနဲ့ တင်ပြနိုင်မယ်လို့ ယုံကြည်ကြောင်းလည်း ပြောပါတယ်။
နိုင်ငံရေးအကျဉ်းသားတွေကို လွတ်လွတ်လပ်လပ် လွှတ်ပေးဖို့နဲ့ မြန်မာနိုင်ငံမှာ ဆိုးဆိုးရွားရွား လူ့အခွင့်အရေးချိုးဖောက်မှုတွေကို ရပ်တန့်ဖို့အတွက် ဒီမိုကရေစီ အသွင်ကူးပြောင်းရေးမှာ သူပြောထားသလို အခြေအနေကိုထူထောင်ဖို့ ဖန်တီးနိုင်ရေးအတွက် သူ့ရဲ့ ကုလအတွင်းရေးမှူးချုပ်ရဲ့ အထူးသံတမန်ဟာလည်း အာဆီယံသံတမန်နဲ့ အပြည့်အဝ ပူးပေါင်း ဆောင်ရွက်ဖို့ အဆင်သင့်ရှိနေပြီဖြစ်ကြောင်း ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်က ပြောပါတယ်။
တာလီဘန်တွေဟာ နိုင်ငံတကာအသိုက်အဝန်း သတ်မှတ်တဲ့ အခြေအနေတွေကို လက်ခံသင့်ပြီး ဒါမှသာ NGO တွေဟာ အစိုးရအရာရှိတွေရဲ့လစာတွေကို အထူးသဖြင့် ဆရာ၊ ဆရာမတွေအတွက် တိုက်ရိုက်ပေးနိုင်မှာဖြစ်တယ်လို့ ကဘူးလ်မြို့ခံတချို့က နိုဝင်ဘာ ၁၂ ရက်မှာ ပြောပါတယ်။
နိုင်ငံတကာအသိုက်အဝန်း တာလီဘန် ဦးဆောင်တဲ့ အစိုးရကို ရန်ပုံငွေထောက်ပံ့မှု ရပ်ဆိုင်းထားပြီးနောက် အာဖဂန်ကျောင်းဆရာတွေကို တိုက်ရိုက် ရန်ပုံငွေပေးမယ့် စနစ်တစ်ခုကို ထူထောင်ဖို့ စီစဉ်နေပါတယ်လို့ ကုလသမဂ္ဂ ကလေးသူငယ်များဆိုင်ရာအေဂျင်စီ (UNICEF) က ရိုက်တာသတင်းဌာနကို နိုဝင်ဘာ ၃ ရက်က ပြောပါတယ်။
“ကျနော်တို့ အစိုးရကို ကျေနပ်ပါတယ်။ ဒါပေမဲ့ နိုင်ငံတကာအသိုင်းအဝိုင်းနဲ့ ပြည်သူတွေရဲ့ တောင်းဆိုချက်၊ ရိုးရိုးရှင်းရှင်း တောင်းဆိုချက် သုံး လေးချက်လောက်ကို လက်ခံပေးရပါမယ်”လို့ ကဘူးလ်မြို့ခံ ဘာယာလီခန်းက ပြောပြီး လက်ခံရင် UNICEF နဲ့ တခြားနိုင်ငံတွေက အာဖဂန်နစ္စတန်ကို ဆရာတွေနဲ့ အစိုးရဝန်ထမ်းတွေရဲ့ လစာတွေအတွက် တိုက်ရိုက် ကူညီပေးမှာပါ လို့လည်း ဆိုပါတယ်။
တခြားမြို့ခံတဦးကတော့ အကူအညီပေးရေးရန်ပုံငွေကို တာလီဘန်အစိုးရဆီကနေတဆင့် သွားသင့်တယ်လို့ ပြောပါတယ်။
သြဂုတ် ၁၅ ရက်က အစ္စလာမ္မစ်တာလီဘန်တွေ နိုင်ငံကို သိမ်းပိုက်ပြီးကတည်းက အာဖဂန်နစ္စတန်ရဲ့ ပြည်သူ့ဝန်ဆောင်မှုတွေ အထူးသဖြင့် ကျန်းမာရေးနဲ့ ပညာရေးတို့ဟာ အကျပ်အတည်းကို ဆိုက်သွားခဲ့ပါတယ်။
နိုင်ငံခြားအစိုးရအများအပြားကလည်း နိုင်ငံစုံအေဂျင်စီတွေကနေတဆင့် လူသားချင်း စာနာထောက်ထားမှုဆိုင်ရာ အကူအညီတွေ ပံ့ပိုးပေးခြင်းကို တားမြစ်ထားပါတယ်။
