၂၀၂၂ ခုနှစ်အတွက် ငြိမ်းချမ်းရေးနိုဘယ်လ်ဆုကို ရခဲ့တဲ့ ယူကရိန်းပြည်သူ့လွတ်လပ်ရေးဗဟိုဌာန (CCL) ရဲ့  အကြီးအကဲ အိုလက်စန်ဒရာ မတ်ဗီချက်ခ်က ဒီဆုဟာ လွတ်လပ်ရေးအတွက် တိုက်ပွဲဝင်နေတဲ့ ယူကရိန်းနိုင်ငံသားတိုင်းအတွက်ပဲလို့ အောက်တိုဘာ ၈ ရက်က ပြောလိုက်ပါတယ်။

ယူကရိန်းနဲ့ အိမ်နီးချင်း ရုရှားတို့ကြား ပဋိပက္ခဖြစ်အပြီး ခုနစ်လကျော်ကြာချိန်မှာ လက်ရှိ နိုင်ငံတကာ လုံခြုံရေးစနစ်ကို ပြုပြင်ပြောင်းလဲဖို့ လိုတယ်လို့ ကိယက်ဗ်မြို့ သတင်းစာ ရှင်းလင်းပွဲမှာ သူက ပြောပါတယ်။

နိုဘယ်လ်ငြိမ်းချမ်းရေးဆုကို ယူကရိန်းအဖွဲ့ CCL နဲ့အတူ ဘဲလာရုစ်နိုင်ငံက အကျဉ်းကျခံနေရဆဲ တက်ကြွလှုပ်ရှားသူ အာလက်စ် ဘီယာလက်စ်ကီနဲ့ ရုရှားလူ့အခွင့်အရေးအဖွဲ့ မဲမိုရီယယ်တို့ ပူးတွဲ ရရှိခဲ့လို့ ဒီဆုံးဖြတ်ချက်အတွက် ယူကရိန်း သမ္မတအကြံပေး မီခေးလို ပိုဒိုလျက်ခ်က မေးခွန်းထုတ်ခဲ့ပါတယ်။ 

ဒီအချက်ကို တုံ့ပြန်တဲ့အနေနဲ့ မတ်ဗီချက်ခ်က "ငါတို့နဲ့ မင်းရဲ့လွတ်လပ်ခွင့်အတွက်" ဆိုတဲ့ ဆိုင်းဘုတ်ကို လွှင့်ထူထားခဲ့ပါတယ်။ 

ဆွီဒင်ငွေကြေး ခရောင်း ၁၀ သန်း (ဒါမှမဟုတ်) အမေရိကန် ဒေါ်လာ ၉ သိန်း တန်ကြေးရှိသော ငြိမ်းချမ်းရေးနိုဘယ်လ်ဆုကို အော်စလိုမြို့တော်မှာ ဒီဇင်ဘာ ၁၀ ရက်နေ့ ပေးအပ်မှာပါ။

၁၈၉၅ ခုနှစ်မှာ ဆွီဒင်စက်မှုလုပ်ငန်းရှင် အဲလ်ဖရက်နိုဘယ်လ် ကွယ်လွန်ခြင်းနှစ်ပတ်လည်နေ့မှာ ဆုချီးမြှင့် ပေးအပ်မှာလည်း ဖြစ်ပါတယ်။

ငြိမ်းချမ်းရေး နိုဘယ်လ်ဆုရရှိခဲ့တဲ့ ဖိလစ်ပိုင်ဂျာနယ်လစ် မာရီရာရစ်ဆာနဲ့နဲ့ ရုရှားဂျာနယ်လစ် ဒီမစ်ထရီ မူရာတော့ဗ်တို့ကို ကုလသမဂ္ဂလူ့အခွင့်အရေးရုံးက အောက်တိုဘာ ၈ ရက်က ဂုဏ်ပြုကြိုဆိုလိုက်ပြီး ဒါဟာ အခက်ခဲဆုံးအခြေအနေတွေမှာ သတင်းထောက်တွေရဲ့ အလုပ်ရဲ့ အရေးပါမှုကို အသိအမှတ်ပြုခြင်းဖြစ်တယ်လို့လည်း ပြောကြားလိုက်ပါတယ်။ 

လူတွေကို သတင်းပေးဖို့နဲ့ နေရာတိုင်းက ဘေးကြုံနေတဲ့ သားကောင်တွေရဲ့အသံတွေကို ပိုကြားရအောင် သူတို့အလုပ် သူတို့လုပ်နေကြတဲ့ အပြင်မှာရှိတဲ့ သတင်းထောက်တွေအားလုံးကို ဂုဏ်ပြုပါတယ်လို့လည်း  ဆိုပါတယ်။ 

နော်ဝေနိုဘယ်လ်ဆုရွေးချယ်ရေးကော်မတီဥက္ကဋ္ဌ  ဘာရစ်ရီးစ်အန်ဒါဆင်က  ဖိလစ်ပိုင်နိုင်ငံမှ ရစ်ဆာနဲ့ ရုရှားက မူရာတော့ဗ်တို့ဟာ ဖိလစ်ပိုင်နဲ့ရုရှားတို့မှာ လွတ်လပ်စွာ ထုတ်ဖော်ပြောဆိုခွင့်အတွက် သူတို့ရဲ့ရဲရင့်စွာတိုက်ပွဲဝင်ခဲ့မှုအတွက် ဆုချီးမြှင့်ခံခဲ့ရတာဖြစ်တယ်လို့ သတင်းစာရှင်းလင်းပွဲမှာ ပြောကြားခဲ့ပါတယ်။ 

သတင်းသမားတွေအတွက် ပထမဆုံးနိုဘယ်လ်ဆုကို ၁၉၃၅ ခုနှစ်က ဂျာမန်လူမျိုး ကားလ်ဗွန်အော့စ်ဆက်ဇကီက ရရှိခဲ့ပြီး သူ့နိုင်ငံရဲ့ လျှို့ဝှက် စစ်ပြီးခေတ် လက်နက်တပ်ဆင်ရေးအစီအစဉ်ကို ထုတ်ဖော်ခဲ့တဲ့အတွက် ချီးမြှင့်ခံခဲ့ရတာဖြစ်ပါတယ်။ 

ငြိမ်းချမ်းရေးနိုဘယ်လ်ဆုကို ဒီဇင်ဘာ ၁၀ ရက်မှာ ပေးအပ်ချီးမြှင့်မှာဖြစ်ပြီး ၁၈၉၅ ခုနှစ်က ဒီဆုတွေကိုချီးမြှင့်ဖို့ သေတမ်းစာ ရေးသားခဲ့တဲ့ ဆွီဒင်စက်မှုလုပ်ငန်းရှင် အဲလ်ဖရက်ဒ်နိုဘယ်လ် ကွယ်လွန်ခြင်းနှစ်ပတ်လည်နေ့လည်း ဖြစ်ပါတယ်။