စပါးအသင်းဟာ အီတလီနည်းပြ ကွန်တီကို တစ်နှစ်လုပ်ခပေါင် ၁၃ သန်းပေးချေပြီး ခေါ်ယူဖို့ ကမ်းလှမ်းထားတယ်လို့ သိရပါတယ်။
ပေါ်တူဂီနည်းပြ နူနိုဆန်းတို့စ်ကို ရာထူးကနေ ထုတ်ပယ်လိုက်ပြီးနောက်မှာ ချဲလ်ဆီးနဲ့ အင်တာမီလန်နည်းပြဟောင်း ကွန်တီကိုခေါ်ယူဖို့ စပါးအသင်းက ကြိုးပမ်းနေတာပါ။
လက်ရှိအချိန်မှာ နောက်ဆုံးအဆင့်ဆွေးနွေးမှုတွေပြုလုပ်နေပြီး တစ်နှစ်လုပ်ခပေါင် ၁၃ သန်း ပေးချေမှာဖြစ်ကာ ၁၈ လစာချုပ်ချုပ်ဆိုဖို့ ဆွေးနွေးညှိနိူင်းနေတယ်လို့ သိရပါတယ်။
ကွန်တီနဲ့ အကြမ်းအားဖြင့် သဘောတူညီမှုရရှိထားပြီး လုပ်လစာ၊ စာချုပ်သက်တမ်းနဲ့ ကစားသမားခေါ်ယူမှု အပိုင်းတွေကို ဆက်လက်ဆွေးနွေးနေတယ်လို့ သိရပါတယ်။
စပါးအသင်းဟာ နည်းပြ နူနိုဆန်းတို့စ်ကို မခန့်အပ်ခင် ရာသီအစကတည်းက ကွန်တီကို ခေါ်ယူဖို့ ကမ်းလှမ်းခဲ့ဖူးပြီး အဆင်မပြေဖြစ်ခဲ့ရတာပါ။
လတ်တလောသတင်းတွေအရတော့ နည်းပြကွန်တီဟာ နိုဝင်ဘာ ၁ ရက်နေ့က လန်ဒန်ကိုရောက်ရှိ လာခဲ့ပြီး အသင်းတာဝန်ရှိသူတွေနဲ့ ဆွေးနွေးနေတယ်လို့ သိရပါတယ်။
တိုက်စစ်မှူးဟာရီကိန်းအနေနဲ့ စပါးအသင်းမှာ ဆက်ရှိနေလိမ့်မယ်လို့ နည်းပြ နူနိုဆန်းတို့စ်က ယုံကြည်နေပါတယ်။
ဟာရီကိန်းဟာ မနေ့က မန်စီးတီးကို အနိုင်ရခဲ့တဲ့ ပရီးမီးယားလိဂ်ပွဲစဉ်မှာ ပါဝင် နိုင်ခဲ့ခြင်းမရှိခဲ့တာဟာ ကြံ့ခိုင်မှု မပြည့်ဝသေးတာကြောင့်ဖြစ်တယ်လို့ ဆိုပါတယ်။
ဟာရီကိန်းဟာ အသင်းကို ကူညီနိုင်ဖို့အတွက် လေ့ကျင့်ပြင်ဆင်နေတာဖြစ်ပြီး အသင်း သားတွေနဲ့အတူ ရှိနေတယ်လို့ နည်းပြဆန်းတို့စ်က ပြောပါတယ်။
“ဟုတ်ပါတယ်။ ဟာရီက ဘရိုင်ယန်ဂီလ်၊ ခရစ္စတီယန်ရိုမဲရိုးတို့လိုပဲ နောက်ကျပြီးမှအသင်းနဲ့ ပူးပေါင်းခဲ့တာပါ။ ဟာရီက သူ့ကိုသူ လေ့ကျင့်ပြင်ဆင်နေပြီး အသင်းကို ကူညီဖို့ အဆင်သင့်ဖြစ်အောင် လုပ်ဆောင်နေပါတယ်။”
ဟာရီကိန်းအနေနဲ့ အသင်းနဲ့ ပူးပေါင်းမှုနောက်ကျခဲ့တာကြောင့် နောက်နေ့တွေမှာ ပိုပြီး လေ့ကျင့်ခန်း လုပ်ဆောင်သွားဖို့ လိုတယ်လို့ နည်းပြဆန်းတို့စ်က ပြောပါတယ်။
အင်္ဂလန်အသင်းခေါင်းဆောင်ဟာရီကိန်းကို မန်စီးတီးအသင်းက ပေါင်သန်း ၁၅ဝ နဲ့ ခေါ်ယူဖို့ အဆင်သင့်ဖြစ်နေပြီး စပါးအသင်းဘက်က ရောင်းချမလားဆိုတာတော့ မသိရှိရသေးပါဘူး။
