စက်တင်ဘာ ၂၄ ရက်မနက်အစောပိုင်းက ယှဉ်ပြိုင်ကစားခဲ့တဲ့ နေးရှင်းလိဂ်ပွဲစဉ်မှာ အင်္ဂလန်အသင်းက အီတလီကို တစ်ဂိုး ဂိုးမရှိနဲ့ ရှုံးနိမ့်ခဲ့လို့ လိဂ်ကနေ တန်းဆင်းသွားခဲ့ရပါတယ်။
အင်္ဂလန်အသင်းဟာ မီလန်မှာ အဓိကကစားသမားတွေဖြစ်တဲ့ ဟာရီကိန်း၊ စတာလင်၊ ဝေါ်ကာ၊ မက်ဂွဲယား၊ ဒက်ကလန်ရိုက် အစရှိသူတွေနဲ့ ပွဲထွက်ကစားခဲ့တာပါ။
အီတလီအတွက် အနိုင်ဂိုးကို ရက်စ်ပါဒိုရီက ပွဲချိန် ၆၈ မိနစ်မှာသွင်းယူခဲ့ပါတယ်။ အင်္ဂလန်နည်းပြဆောက်ဂိတ်ဟာ ဂိုးပေးလိုက်ရပြီးနောက် ဂျက်ဂရေးလစ်ရှ်နဲ့ လုခ်ရှောတို့ ၂ ဦးကိုပဲ လူစားလဲထည့်သွင်းခဲ့ပြီး ချေပဂိုး ပြန်မရတော့ဘဲ ရှုံးပွဲထပ်တွေ့ခဲ့ရတာပါ။
ဒီရလဒ်ကြောင့် လက်ကျန် တစ်ပွဲရှိသေးပေမဲ့ အင်္ဂလန်အသင်းဟာ ရမှတ်၂ မှတ် သာရရှိထားလို့ နေးရှင်းလိဂ်ကနေ လိဂ် B ကို တန်းဆင်း ကစားရတော့မှာပါ။ တချိန်တည်းကစားခဲ့တဲ့ ဂျာမနီအသင်းကလည်း ဟန်ဂေရီကို ၁ ဂိုး ဂိုးမရှိနဲ့ရှုံးနိမ့်ခဲ့ပြီး ချန်ပီယံပလေးအော့ဖ်အဆင့်ကို လွဲချော်ခဲ့ပါတယ်။
နောက်ဆုံးပွဲစဉ်မှာ အီတလီနဲ့ ဟန်ဂေရီထိပ်တိုက်တွေ့နေပြီး အုပ်စုပထမနေရာအတွက် ယှဉ်ပြိုင်သွားရမှာဖြစ်ပေမဲ့ အင်္ဂလန်နဲ့ ဂျာမနီပွဲကတော့ အရေးမပါတော့တဲ့ ပွဲစဉ်ဖြစ်လာခဲ့ပါတယ်။
ဒီနေ့မနက်အစောပိုင်း ကစားခဲ့တဲ့ ဂျာမနီအသင်းနဲ့ပွဲစဉ်မှာ ပင်နယ်တီကနေတဆင့် နောက်ကျချေပဂိုး သွင်းယူခဲ့တဲ့ ဟာရီကိန်းဟာ အင်္ဂလန်အသင်းနဲ့အတူ သွင်းဂိုး ၅၀ ပြည့်မြောက်ခဲ့ပြီး ဒုတိယဂိုးသွင်းအများဆုံး ကစားသမား ဖြစ်လာပါတယ်။
အင်္ဂလန်အသင်းသမိုင်းမှာ သွင်းဂိုးအများဆုံး ကစားသမားအဖြစ် ဝိန်းရွန်းနီက ၅၃ ဂိုးနဲ့ စံချိန်တင်ထားတာပါ။
လက်ရှိအချိန်မှာတော့ ဂိုး ၅၀ ပြည့်ခဲ့တဲ့ ဟာရီကိန်းဟာ ဘော်ဘီချာတန်ရဲ့ ၄၉ ဂိုး မှတ်တမ်းကို ကျော်ဖြတ်နိုင်ခဲ့ပြီး ဝိန်းရွန်းနီကိုမီဖို့ ၃ ဂိုးသာ လိုအပ်တော့တာ ဖြစ်ပါတယ်။
မန်ယူတိုက်စစ်မှူးဟောင်း ရွန်းနီဟာ အင်္ဂလန်အတွက် ပွဲ ၁၂၀ ကစားပြီးချိန်မှာ ၅၃ ဂိုး သွင်းယူခဲ့ပြီး ဟာရီကိန်းက ပွဲ ၇၀ အတွင်းမှာပဲ သွင်းဂိုး ၅၀ ရရှိလာခဲ့တာပါ။
အသင်းခေါင်းဆောင် ဟာရီကိန်းရဲ့ သွင်းဂိုးအရေအတွက်ဟာ လက်ရှိ အင်္ဂလန်ကစားသမားတွေအားလုံးရဲ့ စုစုပေါင်းသွင်းဂိုးနဲ့လည်း တူညီနေပါတယ်။
အင်္ဂလန်ဟာ ဂျာမနီကို မြူးနစ်မှာ သရေကစားနိုင်ခဲ့တဲ့အတွက် နောက်ဆုံး ၃ ပွဲဆက်တိုက် ဂျာမနီကို မရှုံးနိမ့်အောင် ကစားနိုင်ခဲ့ပါတယ်။
အင်္ဂလန်အသင်းဟာ ဇွန် ၁၂ ရက်မှာ အီတလီ၊ ဇွန် ၁၅ ရက်မှာ ဟန်ဂေရီအသင်းတွေနဲ့ နေးရှင်းလိဂ်ပွဲစဉ်တွေ ဆက်လက်ယှဉ်ပြိုင်သွားရမှာ ဖြစ်ပါတယ်။
