မွန်ပြည်နယ် ရေးမြို့နယ် မြို့နယ်ပြန်ဆက်ရုံးဘေးလမ်းသွယ်နေရာမှာ ဇွန် ၂၈ ရက် မနက်က ဗုံးပေါက်ကွဲမှု ဖြစ်ပွားခဲ့တယ်လို့ ဒေသခံတွေက ပြောပါတယ်။
ဗုံးပေါက်ကွဲမှုကြောင့် လူထိခိုက်မှုမရှိပေမဲ့ ဌာနဆိုင်ရာရုံးတွေဖြစ်တဲ့ လ၀က ပြန်ဆက်ရုံးနဲ့ ပညာရေးမှူးရုံး စာသင်ကျောင်းရှိတဲ့အပြင် လူနေအိမ်တွေလည်း ရှိတာကြောင့် စိုးရိမ် ထိတ်လန့်ခဲ့ရတယ်လို့ ကျောင်းသားမိဘတဦးက ပြောပါတယ်။
ဗုံးပေါက်ကွဲအပြီးမှာ လုံခြုံရေးယူနေတဲ့စစ်ကောင်စီတွေက အသေးစိတ်စုံစမ်းစစ်ဆေးနေပြီး လူတွေလည်း နာရီအနည်းငယ်ကြာ အသွားလာမလုပ်ရဲကြဘူးလို့ ဆိုပါတယ်။
အဆိုပါ ဗုံးပေါက်ကွဲမှုနဲ့ ပက်သက်ပြီး ဘယ်သူ့လက်ချက်ဆိုတာ ဘယ်အဖွဲ့စည်းကမှ သတင်းထုတ်ပြန်တာမျိုး မရှိသေးပါဘူး။
ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ခရေပင်လမ်းရှိ ကြံ့ခိုင်ရေးပါတီရုံးနဲ့ ပြန်ကြားရေးနဲ့ ပြည်သူ့ဆက်ဆံရေးရုံးမှာ ဖေဖော်ဝါရီ ၂၈ ရက် မနက် အစောပိုင်းက ဗုံးပေါက်ကွဲမှုတွေ ဖြစ်ပွားခဲ့တယ်လို့ ဒေသခံတွေက ပြောပါတယ်။
“မနက်အစောကြီး ၅ နာရီ လောက်က ပေါက်ကွဲသံ ကြားတာ။မိုးလင်းမှ ကြံ့ခိုင်ရေး ရေးရုံးနဲ့ ပြန်/ဆက်ရုံး ဗုံးခွဲခံရတယ် သိရတာ။ လူအသေ အပျောက်တော့ မကြားမိဘူး” လို့ ဒေသခံက ပြောပါတယ်။
မင်္ဂလာဒုံမြို့နယ် ကြံ့ခိုင်ရေးရုံးနဲ့ ပြန်/ဆက် ရုံးကို ဒီနေ့မနက် ၅ နာရီလောက်က ညီနောင်အဖွဲ့ဖြစ်တဲ့ Human Right Defender (HRD)နဲ့ ပူးပေါင်းပြီး အဝေးထိန်းဗုံးနဲ့ ဖောက်ခွဲခဲ့တာလို့ Generation Z Defence Force (GZDF) အဖွဲ့က ထုတ်ပြန်ထားပါတယ်။
