ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ခရေပင်လမ်းရှိ ကြံ့ခိုင်ရေးပါတီရုံးနဲ့  ပြန်ကြားရေးနဲ့ ပြည်သူ့ဆက်ဆံရေးရုံးမှာ ဖေဖော်ဝါရီ ၂၈ ရက် မနက် အစောပိုင်းက ဗုံးပေါက်ကွဲမှုတွေ ဖြစ်ပွားခဲ့တယ်လို့  ဒေသခံတွေက ပြောပါတယ်။

“မနက်အစောကြီး ၅ နာရီ လောက်က ပေါက်ကွဲသံ ကြားတာ။မိုးလင်းမှ ကြံ့ခိုင်ရေး ရေးရုံးနဲ့ ပြန်/ဆက်ရုံး ဗုံးခွဲခံရတယ် သိရတာ။ လူအသေ အပျောက်တော့ မကြားမိဘူး” လို့ ဒေသခံက ပြောပါတယ်။

မင်္ဂလာဒုံမြို့နယ် ကြံ့ခိုင်ရေးရုံးနဲ့ ပြန်/ဆက် ရုံးကို ဒီနေ့မနက် ၅ နာရီလောက်က ညီနောင်အဖွဲ့ဖြစ်တဲ့ Human Right Defender (HRD)နဲ့ ပူးပေါင်းပြီး အဝေးထိန်းဗုံးနဲ့ ဖောက်ခွဲခဲ့တာလို့ Generation  Z  Defence  Force (GZDF) အဖွဲ့က  ထုတ်ပြန်ထားပါတယ်။