မန်ယူအသင်းဟာ ပရီးမီးယားလိဂ်လူစာရင်းမှာ နောက်ခံလူ ဖေးဂျုံးစ်ကို ထပ်မံချန်လှပ်ခဲ့ပါတယ်။ နည်းပြအဲရစ်တန်ဟတ်ဂ်ဟာ အသင်းရဲ့ နောက်ဆုံး ၂၅ ဦးစာရင်းကို ပရီးမီးယားလိဂ်ဆီ မှတ်ပုံတင်ရာမှာ ဖေးဂျုံးစ်ကို ချန်လှပ်ခဲ့တာပါ။

အင်္ဂလန်နောက်ခံလူဟာ ယူရိုပါလိဂ်လူစာရင်းမှာလည်း ချန်လှပ်ခံခဲ့ရသူဖြစ်ပြီး ရာသီဝက်ကာလအထိ အသင်းကြီးမှာ ပွဲကစားခွင့်ရရှိတော့မှာ မဟုတ်ပါဘူး။

ဂျုံးစ်ဟာ ယူနိုက်တက်နဲ့ ရာသီကုန်အထိပဲ စာချုပ်သက်တမ်း ကျန်ရှိတော့တာပါ။ ဒဏ်ရာပြဿနာတွေနဲ့အတူ ခြေစွမ်းပြသနိုင်ခြင်း မရှိခဲ့တဲ့ ဖေးဂျုံးစ်ဟာ ပြီးခဲ့တဲ့ ၂ နှစ်အတွင်းမှာ ၂ ပွဲသာကစားခွင့်ရခဲ့ပါတယ်။

လူငယ်ကစားသမား ဂရင်းဝုဒ်ကိုတော့ အသင်းက ပွဲပယ်ထားပေမဲ့ ယူ-၂၁ လူစာရင်းမှာ ထည့်သွင်းထားလို့ ပရီးမီးယားလိဂ်မှာ ကစားခွင့်ရှိနေဆဲပါ။

နည်းပြတန်ဟတ်ဂ် တင်သွင်းခဲ့တဲ့ လူစာရင်းမှာ ဖေးဂျုံးစ် မပါဝင်ပေမဲ့ ဗဟိုနောက်ခံလူ ၅ ‌ေယာက်ပါဝင်ပြီး သူတို့ကတော့ မက်ဂွဲယား၊ ဗာရန်း၊ မာတီနက်ဇ်၊ လင်ဒီလော့ဖ်နဲ့ တွန်ဇန်ဘီတို့ ဖြစ်ပါတယ်။

ယူရိုပါလိဂ်ပြိုင်ပွဲကစားမယ့် မန်ယူအသင်းလူစာရင်းမှာ အသင်းရဲ့ဝါရင့်နောက်ခံလူ ဖေးဂျုံးစ်ကို နည်းပြတန်ဟတ်ဂ်က ချန်လှပ်ခဲ့ပါတယ်။

အင်္ဂလန်နောက်ခံလူဟာ ယူနိုက်တက်အသင်းနဲ့ ၂ နှစ်တာ ကာလ အတွင်းမှာ ပွဲစဉ် ၂ ပွဲသာကစားခွင့်ရခဲ့သူပါ။

ယူရိုပါလိဂ်အုပ်စုပွဲစဉ်တွေအတွက် ကစားသမား ၂၅ ဦး စာရင်း မှတ်ပုံတင်ခဲ့တာဖြစ်ပြီး ဖေးဂျုံးစ်နဲ့အတူ လူငယ်ဘယ်နောက်ခံကစားသမား ဘရန်ဒန်ဝီလီယံလည်း ချန်လှပ်ခံခဲ့ရပါတယ်။

နောက်ခံလူ ဖေးဂျုံးစ်ဟာ  ဗာရန်း၊ မာတီနက်ဇ်၊ မက်ဂွဲယား၊ လင်ဒီ လော့ဖ်၊ တွန်ဇန်ဘီနဲ့ တက်ဒင်မန်ဂီတို့ရဲ့နောက် အရန်ကစားသမားအဖြစ်သာသတ်မှတ်ခံခဲ့ရပြီး လိဂ်ပွဲစဉ်တွေမှာလည်း ကစားခွင့်မရခဲ့သူပါ။

နည်းပြတန်ဟတ်ဂ်ကတော့ တချို့ကစားသမားတွေ အနေနဲ့အပြောင်း အရွှေ့ကာလမှ ဒဏ်ရာတွေရှိနေတာကြောင့် အသင်းပြောင်းဖို့ အဆင်မပြေခဲ့တာလို့ အသိပေးထားပါတယ်။

မန်ယူအသင်းဟာ ယူရိုပါလိဂ်ပြိုင်ပွဲအုပ်စုအဆင့်မှာ စပိန်ကလပ်ဆိုစီဒက်၊ မော်ဒိုဗာ ကလပ် အက်ဖ်စီရှရစ်၊ ဆိုပရက်စ်ကလပ် အိုမိုနီယာနီကိုရှား အသင်းတွေနဲ့ တွေ့ဆုံနေပါတယ်။