အီတလီနိုင်ငံ၊ ရောမမြို့မှာ ဧပြီလ ၂၂ ရက် စနေညပိုင်း ကျင်းပခဲ့တဲ့ ထိုင်းဖိုက်ရောမ ၂၀၂၃ မွေ့ထိုင်းပွဲစဉ်မှာ အီတလီ လက်ဝှေ့မယ် အက်စတာဗွိုင်အိုလာနဲ့ ကယန်းလက်ဝှေ့မယ် ဘရော်နီကာတို့ ထိုးသတ်ခဲ့ကြတဲ့ပွဲမှာ ဘရော်နီကာက အမှတ်နဲ့ အနိုင်ရရှိခဲ့တယ်လို့ Thai Fight ဆီက သိရပါတယ်။
အဲ့ဒီ မွေ့ထိုင်းပွဲစဉ်ကို ၅၃ ကီလိုတန်းနဲ့ သုံးချီ ထိုးသတ်ခဲ့ကြတာလို့ သိရပြီး ပွဲချိန်ပြည့်သွားတဲ့အချိန်မှာ ဒိုင်လူကြီးတွေရဲ့ ဆုံးဖြတ်ချက်အရ ကယန်းလက်ဝှေ့မယ် ဘရော်နီကာက အမှတ်အသာစီးနဲ့ အနိုင်ရရှိသွားတာပါ။
ရောမမြို့မှာ ကျင်းပခဲ့တဲ့ ပွဲစဉ်မှာ လက်ဝှေ့လက်အိတ်သုံး ယှဉ်ပြိုင်ခဲ့ရတဲ့အတွက် လေ့ကျင့်မှုတွေနဲ့ ပြင်ဆင်မှုတချို့ပြုလုပ်ခဲ့ရပြီး သူ့ရဲ့ ဥရောပပွဲစဉ် ပထမဆုံးဖြစ်တယ်လို့ သိရပါတယ်။
အသက် ၂၆ နှစ်အရွယ်ရှိ ဘရော်နီကာက ထိုင်းဘုရင်ဖလားပြိုင်ပွဲမှာ ချန်ပီယံဆု ရရှိထားသူဖြစ်ပြီး ပြီးခဲ့တဲ့ ၂၀၂၂ ဒီဇင်ဘာလက ကျင်းပခဲ့တဲ့ Thai Fight ပွဲစဉ်မှာပဲ ချန်ပီယံခါးပတ်ကို ရယူနိုင်ခဲ့တဲ့အပြင် မွေ့ထိုင်းပွဲစဉ်တွေမှာ ၁၁ ပွဲဆက်တိုက် အနိုင်ရထားတဲ့ စံချိန်ရရှိထားပါတယ်။
ကယန်းကျားသစ်မယ် ဘရော်နီကာဟာ လာမယ့် ဧပြီ ၂၂ ရက်နေ့မှာ သူ့ရဲ့ပထမဆုံး နိုင်ငံတကာပြိုင်ပွဲအနေနဲ့ အီတလီနိုင်ငံ ရောမမြို့မှာ ထိုင်းရိုးရာ မွေထိုင်းကို ယှဉ်ပြိုင်ထိုးသတ်ဖို့ ရှိနေပါတယ်။
လက်ဝှေ့ပြိုင်ပွဲအတွက် မနေ့ ဧပြီလ ၁၉ ရက်နေ့မှာ ထိုင်းနိုင်ငံကနေ အီတလီနိုင်ငံကို ထွက်ခွာသွားပြီ ဖြစ်ကြောင်း သူ့ရဲ့လူမှုကွန်ရက်မှာ ရေးသားထားပါတယ်။
ဘရော်နီကာဟာ ရောမမြို့မှာ ဧပြီလ ၂၂ ရက်မှာ ပြိုင်ဘက် အီတလီ လက်ဝှေ့မယ် အက်စတာဗီအိုလာနဲ့ ယှဥ်ပြိုင် ထိုးသတ်ရမှာ ဖြစ်ပါတယ်။
ဘရော်နီကာဟာ မြန်မာ့ရိုးရာလက်ဝှေ့မှာ ပထမဆုံး အမျိုးသမီးရွှေခါးပတ်ဆုရှင် ဖြစ်သလို ထိုင်းနိုင်ငံမှာ ကျင်းပတဲ့ Thai Fight မွေထိုင်းပြိုင်ပွဲတွေမှာလည်း အများစုမှာ အနိုင်ရယူထားပြီး ပရိသတ် အားပေးမှု အခိုင်အမာရထားတဲ့ လက်ရှိ မွေထိုင်းကမ္ဘာ့ချန်ပီယံ လက်ဝှေ့မယ်လည်း ဖြစ်ပါတယ်။
