ရီးရဲလ်မက်ဒရစ်အသင်းနဲ့ ရင်ဆိုင်ဖို့ အချိန်ကောင်းဖြစ်ကြောင်း လီဗာပူးနည်းပြ ယာဂန်ကလော့ပ်က ပြောပါတယ်။

လီဗာပူးအသင်းဟာ ဗုဒ္ဓဟူးနေ့ မနက် ၂ နာရီခွဲအချိန်မှာ ရီးရဲလ်မက်ဒရစ်နဲ့ ချန်ပီယံလိဂ်ရှုံးထွက်ပွဲ ပထမအကျော့ပွဲစဉ်အဖြစ် အမ်ဖီးလ်အိမ်ကွင်းမှာ လက်ခံကစားရမှာပါ။

လီဗာပူအသင်းဟာ ပြီးခဲ့တဲ့ရက်သတ္တပတ်တွေအတွင်းက ရလဒ်တွေဆိုးရွားခဲ့ပေမယ့် ရီးရဲလ်နဲ့ ပွဲမတိုင်ခင် နောက်ဆုံးနှစ်ပွဲမှာ နိုင်ပွဲဆက်တိုက်ရယူနိုင်ခဲ့တာပါ။

ဒီအခြေအနေဟာ ရီးရဲလ်အသင်းနဲ့ ယှဉ်ပြိုင်ဖို့ အကောင်းဆုံးအချိန်ဖြစ်ပြီး လွန်ခဲ့တဲ့ ၃-၄ ပတ်လောက်က ခြေစွမ်းနဲ့ လက်ရှိခြေစွမ်းက ကွဲပြားသွားပြီလို့ ကလော့ပ်ကပြောပါတယ်။ ဒါပေမဲ့ အကောင်းဆုံးခြေစွမ်းထုတ်ပြနိုင်မှသာ နိုင်ပွဲရယူဖို့ အခွင့်အရေးကောင်းမှာဖြစ်တယ်လို့ နည်းပြ ကလော့ပ်က ပြောသွားပါတယ်။

ရီးရဲလ်မက်ဒရစ်အသင်းရဲ့ လာလီဂါချန်ပီယံအောင်ပွဲခံ အခမ်းအနားမှာ တောင်ပံတိုက်စစ်မှူး ဂါရတ်ဘေးလ်တက်ရောက်ခြင်းမရှိခဲ့ဘူးလို့ သိရပါတယ်။ 

ရီးရဲလ်အသင်းဟာ မနေ့က ကစားခဲ့တဲ့ အက်စ်ပန်ညိုနဲ့ပွဲစဉ်မှာ ၄ ဂိုး ဂိုးမရှိနဲ့အနိုင်ရခဲ့ပြီးနောက် လက်ကျန် ၄ ပွဲအလိုမှာ ချန်ပီယံအဖြစ် အောင်ပွဲခံနိုင်ခဲ့တာပါ။ 

ပွဲအပြီးမှာ ရီးရဲလ်အသင်းသားတွေက ဘာနေဗျူးကွင်းထဲမှာ  အောင်ပွဲခံ စင်မြင့်ပြုလုပ်ပြီး ဆုဖလားနဲ့အတူ ပျော်ရွှင်စွာ အောင်ပွဲခံခဲ့ကြတာပါ။ 

အသင်းရဲ့လူစာရင်းရှိ ကစားသမားအားလုံးက တက်ရောက် အောင်ပွဲခံခဲ့ကြပေမယ့် ဂါရတ်ဘေးလ်ကတော့ နောက်ကြောဒဏ်ရာအကြောင်းပြပြီး အောင်ပွဲခံအခမ်းအနားကို တက်ရောက်ခြင်းမရှိခဲ့ဘဲ အိမ်မှာပဲ နေခဲ့တာပါ။ 

နောက်ကျောဒဏ်ရာကြောင့် အောင်ပွဲခံအခမ်းနားကို တက်ရောက်နိုင်းခြင်း မရှိခဲ့တဲ့အတွက် အလွန်စိတ်ပျက်မိပြီး လာလီဂါချန်ပီယံဖြစ်အောင်စွမ်းဆောင်နိုင်ခဲ့တဲ့ အသင်းသားတွေအတွက် ဂုဏ်ယူကြောင်း တွစ်တာကနေတဆင့် ဂါရတ်ဘေးလ်က ရေးတင်ခဲ့ပါတယ်။ 

ဝေးလ်လက်ရွေးစင် ဘေးလ်ဟာ အခုနှစ်ရာသီအကုန်မှာ ရီးရဲလ်မက်ဒရစ်နဲ့ စာချုပ်သက်တမ်းကုန်ဆုံးမှာဖြစ်ပြီး အသင်းကနေ ထွက်ခွာတော့မှာဖြစ်ပါတယ်။