ယူကရိန်းနိုင်ငံတောင်ပိုင်း ခါဆွန်မြို့က နိုဗာ ခါခေ့ါဗ်ကာ  ရေကာတာမှာ ပေါက်ကွဲခဲ့ပုံ ဗွီဒီယိုဖိုင်ကို နိုဝင်ဘာ ၁၂ ရက်မှာ ရုရှားမီဒီယာက ထုတ်လွှင့်ပြသခဲ့ပါတယ်။

အနားက ခါဆွန်မြို့ကနေ ရုရှားတပ်တွေ ပြန်ဆုတ်ပြီးတဲ့နောက် ဆည်အတွက် ထူးထူးခြားခြား အပျက်အစီးအသစ်တွေကို မြင်တွေ့နိုင်တယ်လို့ အမေရိကန် ဂြိုဟ်တုဓာတ်ပုံကုမ္ပဏီ မက်ဇာက နိုဝင်ဘာ ၁၁ ရက်မှာ ပြောခဲ့ပါတယ်။

ရုရှားနဲ့ ယူကရိန်းနှစ်နိုင်ငံစလုံးဟာ ဖောက်ခွဲရေးပစ္စည်းတွေသုံးပြီး ဆည်ကိုဖောက်ခွဲဖို့ စီစဉ်နေ တယ်လို့ အပြန်အလှန် စွပ်စွဲခဲ့တာပါ။

မြစ်အောက်ပိုင်းမှာ ဧရိယာအများစု ရေလျှံပြီး ခါဆွန်မြို့အနီးတဝိုက်မှာ ကြီးကြီးမားမား ပျက်စီးမယ့် အလားအလာတွေ ရှိနေပါတယ်။

ရုရှားအစိုးရက အိမ်နီးနားချင်း ယူကရိန်းကို ဖေဖော်ဝါရီနှောင်းပိုင်းမှာ အထူးစစ်ဆင်ရေးလို့ ခေါ်ရင်း ကျူးကျော် တိုက်ခိုက်ခဲ့တာပါ။

ခါဆွန်မြို့ဟာ ဖေဖော်ဝါရီနှောင်းပိုင်းမှာ ရုရှားတပ်တွေ သိမ်းပိုက်နိုင်ခဲ့တဲ့ တခုတည်းသော ဒေသတွင်းမြို့တော် ဖြစ်ခဲ့ပါတယ်။

ဒနစ်ပရို မြစ်ကို ဖြတ်ပြီး ရုရှားက ဆုတ်ခွာအပြီးမှာ တံတားတွေနဲ့ နိုဗာ ခါခေါ့ဗ်ကာ ရေကာတာ အတွက် သိသာထင်ရှားတဲ့ အပျက်အစီးအသစ်တွေကို ဂြိုဟ်တုဓာတ်ပုံတွေက ဖော်ပြနေပါတယ်လို့ မက်ဇာက သတင်းထုတ်ပြန် ထားပါတယ်။

ဆည်နဲ့ ရေထိန်းတံခါးတွေရဲ့ မြောက်ပိုင်း အစိတ်အပိုင်းတွေကို တမင်တကာ ဖျက်ဆီးထားတာ လို့လည်း ဆိုပါတယ်။ ခုသီတင်းပတ် အစောပိုင်းမှာ ယူကရိန်းဟာ ရေကာတာကို ပစ်ခတ်ခဲ့တယ် လို့  ရုရှားက စွပ်စွဲခဲ့ပါတယ်။ 

တရုတ်နိုင်ငံအလယ်ပိုင်း ဟီနန်ပြည်နယ်ထဲက ရေကြီးမှု ဒဏ်ခံလိုက်ရတဲ့ ရေကာတာကြီးဟာ အချိန်မရွေး ကျိုးပေါက်သွားနိုင်တယ်လို့ တရုတ်စစ်တပ်က သတိပေးထားပါတယ်။ 

လူဦးရေ ၇ သန်းလောက် နေထိုင်နေတဲ့ လူယန်းမြို့ အနီးမှာ ရှိတဲ့ ယီဟီတန် ရေကာတာမှာ ၂၀ မီတာလောက် အက်ကြောင်း ပေါ်နေတာကြောင့် ဒေသအခြေစိုက် တရုတ်စစ်တပ်က အရေးပေါ် အစီအမံတွေကို ဆောင်ရွက်နေရပါတယ်။ 

အစိုးရရဲ့ တရားဝင် ထုတ်ပြန်ချက်ကို ကိုးကားတဲ့ ဇူလိုင် ၂၂ ရက် ရိုက်တာသတင်းအရ ဟီနန် ပြည်နယ်ထဲမှာသေဆုံးသူ အနည်းဆုံး ၂၅ ယောက် ရှိနေပြီး လာမယ့်ရက်တွေအတွင်း နောက်ထပ် မိုးသည်းထန်နိုင်သေးတယ်လို့ ခန့်မှန်းထားပါတယ်။ 

စက်မှုလက်မှုနဲ့ ပို့ဆောင်ရေးဒေသမြို့တော်ဖြစ်တဲ့ ကျန်းကျိုးမြို့မှာ လူ တစ်သိန်းလောက် ဘေးလွတ်ရာ ကယ်ထုတ်ထားရပြီး ပို့ဆောင်သွားလာရေးမှာလည်း ဆိုးဆိုးရွားရွား ထိခိုက်နေပါတယ်။ 

ရေကာတာတွေ၊ ဆည်တွေမှာ ရေပမာဏဟာ စိုးရိမ်ရေမှတ်ကို ရောက်နေပါတယ်။ နောက်ထပ် သုံးရက်အတွင်း မိုးသည်းထန်နိုင်သေးတာကြောင့် တရုတ်စစ်တပ်က ကယ်ဆယ်ရေး တပ်သား ၅၇၀၀ ကို ဒေသအတွင်း စေလွှတ်ပြီး ရှာဖွေကယ်ဆယ်ရေးလုပ်ငန်းတွေကို ဆောင်ရွက်နေရပါတယ်။ 

ဒီနှစ်မှာ ကြုံရတဲ့ မိုးကြီးမှုဟာ နှစ်ပေါင်းတစ်ထောင်မှ တစ်ကြိမ်သာ ကြုံရတဲ့ မိုးသည်းထန်မှုမျိုး ဖြစ်တယ်လို့ အစိုးရမိုးလေဝသဌာနက ကြေညာပါတယ်။ 

ရေကြီးမှုဟာ တရုတ်နိုင်ငံမှာ မိုးတွင်းကာလ ကြုံရလေ့ရှိတဲ့ သဘာဝဘေးဆိုပေမဲ့ ရေကြီးမှုတွေဟာ ဒီနှစ်ပိုင်းတွေအတွင်း ပိုမိုဆိုးရွားလာနေပါတယ်။ 

အဓိကဖြစ်ရတဲ့ အကြောင်းတစ်ခုက ရေကာတွေ နေရာအနှံမှာ ဆောက်လုပ်တာကြောင့် မြစ်ကြောင်းတွေနဲ့ ရေစီးရေလာ ဂေဟစနစ်တွေ ပျက်ဆီးသွားတာကြောင့် ဖြစ်ပါတယ်။