မန်ယူနဲ့ နယူးကာဆယ်အသင်းတွေ ရှုံးပွဲတွေ့မှပဲ ချန်ပီယံလိဂ်ဝင်ခွင့်ရဖို့ နီးစပ်နိုင်ကြောင်း လီဗာပူး နည်းပြ ကလော့ပ်က ပြောပါတယ်။
လီဗာပူးအသင်းဟာ မနေ့ညက စပါးအသင်းနဲ့ပွဲစဉ်မှာ ၄ ဂိုး ၃ ဂိုးနဲ့ အနိုင်ရခဲ့ပြီး နောက်ဆုံး ၄ ပွဲ ဆက်တိုက် နိုင်ပွဲရယူနိုင်ခဲ့တာပါ။
ဒါကြောင့် အမှတ်ပေးဇယား အဆင့် ၅ နေရာကို တက်လှမ်းလာခဲ့ပြီး အဆင့် ၄ နေရာက မန်ယူနဲ့ တစ်ပွဲပို ၇ မှတ်အကွာနဲ့ ရပ်တည် နေတာပါ။
နယူးကာဆယ်အသင်းနဲ့လည်း ၉ မှတ်ကွာဟနေတာဖြစ်လို့ အဲဒီနှစ်သင်း စလုံးနိုင်ပွဲရနေသမျှ ချန်ပီယံလိဂ်ဝင်ခွင့်ရယူနိုင်ဖို့ မဖြစ်နိုင်ကြောင်း နည်းပြကလော့ပ်က သုံးသပ်ခဲ့တာပါ။
“ယူနိုက်တက်နဲ့ နယူးကာဆယ်အသင်းတို့ နိုင်ပွဲတွေရနေသမျှ ကျနော်တို့ ဘယ်လိုလုပ်ပြီး အဆင့် ၄ အတွင်း ဝင်မလဲ။ သူတို့ ရှုံးပွဲတွေ့မှပဲ နီးစပ်လာနိုင်တယ်။ ကိုယ်ကစားရမယ့် ပွဲတွေကို အနိုင်ကစားပြီး ယူရိုပါလိဂ် ဖြစ်ဖြစ်ဝင်ခွင့်ရအောင်ပဲ လုပ်ဆောင်သွားရုံပဲပေါ့”လို့ နည်းပြ ကလော့ပ်က ပြောပါတယ်။
ကလော့ပ်ဟာ စပါးနဲ့ပွဲမှာစဉ်မှာ အနိုင်ဂိုးအတွက် အောင်ပွဲခံစဉ် တံကောက်ကြောဒဏ်ရာ ရရှိခဲ့ပေမဲ့ ဒဏ်ရာအခြေအနေ အဆင်ပြေကြောင်းလည်း မှတ်ချက်ပေးသွားပါတယ်။
ပြီးခဲ့တဲ့နှစ်တွေအတွင်းက အောင်မြင်မှုတွေကြောင့် နည်းပြရာထူးကနေ ထုတ်ပယ်ခံရခြင်းမရှိ တာဖြစ်ကြောင်း လီဗာပူးနည်းပြ ယာဂန်ကလော့ပ်က ပြောပါတယ်။
လီဗာပူးအသင်းဟာ နောက်ဆုံးသုံးပွဲဆက်တိုက် ရှုံးနိမ့်ခဲ့ပြီး ပရီးမီးယားလိဂ်မှာ အဆင့် ၈ နေရာအထိ ရောက်ရှိနေတာပါ။
အသင်းရဲ့ရလဒ်တွေ ယိမ်းယိုင်းနေပေမဲ့ တခြားအသင်းတွေရဲ့နည်းပြတွေလို ထုတ်ပယ်ခံရခြင်း မရှိတာဟာ အရင်ကအောင်မြင်မှုတွေကြောင့်ဆိုတာ သိမြင်ကြောင်း ကလော့ပ်က ဝန်ခံစကာ ဆိုခဲ့တာပါ။
ဒါပေမဲ့ အခုနှစ်ရာသီလို အခြေအနေမျိုးကို အသင်းနဲ့ ပထမဆုံးရာသီမှာ ဖြစ်ခဲ့မယ်ဆိုရင် ထုတ်ပယ်ခံရနိုင်ကြောင်း နည်းပြကလော့ပ်က ပြောပါတယ်။
ဂျာမန်နည်းပြကလော့ပ်ဟာ ပြီးခဲ့တဲ့နှစ်တွေအတွင်းမှာ ပရီးမီးယားလိဂ်နဲ့ ချန်ပီယံလိဂ် ဆုဖလားတွေအပါအဝင် အဓိက ဆုဖလား ၆ လုံးအထိ လီဗာပူးအတွက် ရယူပေးနိုင်ခဲ့တာ ဖြစ်ပါတယ်။
