ပြီးခဲ့တဲ့နှစ်တွေအတွင်းက အောင်မြင်မှုတွေကြောင့် နည်းပြရာထူးကနေ ထုတ်ပယ်ခံရခြင်းမရှိ တာဖြစ်ကြောင်း လီဗာပူးနည်းပြ ယာဂန်ကလော့ပ်က ပြောပါတယ်။

လီဗာပူးအသင်းဟာ နောက်ဆုံးသုံးပွဲဆက်တိုက် ရှုံးနိမ့်ခဲ့ပြီး ပရီးမီးယားလိဂ်မှာ အဆင့် ၈ နေရာအထိ ရောက်ရှိနေတာပါ။

အသင်းရဲ့ရလဒ်တွေ ယိမ်းယိုင်းနေပေမဲ့ တခြားအသင်းတွေရဲ့နည်းပြတွေလို ထုတ်ပယ်ခံရခြင်း မရှိတာဟာ အရင်ကအောင်မြင်မှုတွေကြောင့်ဆိုတာ သိမြင်ကြောင်း ကလော့ပ်က ဝန်ခံစကာ ဆိုခဲ့တာပါ။

ဒါပေမဲ့ အခုနှစ်ရာသီလို အခြေအနေမျိုးကို အသင်းနဲ့ ပထမဆုံးရာသီမှာ ဖြစ်ခဲ့မယ်ဆိုရင် ထုတ်ပယ်ခံရနိုင်ကြောင်း နည်းပြကလော့ပ်က ပြောပါတယ်။

ဂျာမန်နည်းပြကလော့ပ်ဟာ ပြီးခဲ့တဲ့နှစ်တွေအတွင်းမှာ ပရီးမီးယားလိဂ်နဲ့ ချန်ပီယံလိဂ် ဆုဖလားတွေအပါအဝင်  အဓိက ဆုဖလား ၆ လုံးအထိ လီဗာပူးအတွက် ရယူပေးနိုင်ခဲ့တာ ဖြစ်ပါတယ်။