ရခိုင်ပြည်နယ်ရှိ မြို့နယ်တွေမှာ  လျှပ်စစ်မီး ၁ ရက်ကို ၁၀ နာရီကြာ ပြတ်နေတာကြောင့် စက်မှုလုပ်ငန်းရှင်တွေနဲ့ ပြည်သူတွေ အခက်အခဲတွေ့ နေရတယ်လို့ ရခိုင်ဒေသခံတွေက ပြောပါတယ်။

အခုလို ၁၀နာရီလောက် ပြတ်နေတာကြောင့် လျှပ်စစ်မီးကို မှီခို လုပ်ကိုင်နေတဲ့ စီးပွားရေးလုပ်ငန်း တွေ ထိခိုက်တာတွေ ရှိနေတယ်လို့ သိရပါတယ်။

စစ်တွေမြို့မှ စက်မူလုပ်ငန်းရှင် တဦးက "လျှပ်စစ်မီး ပြတ်တာက အချိန်အတိအကျ မရှိဘူး။ ပြတ်ချင်တဲ့အချိန် ပြတ်တယ်။ တရက်နဲ့ တရက် အချိန်မတူဘူး။ လျှပ်စစ်မီး ပြတ်မယ့် အချိန်ကို မြို့နယ်အလိုက် တိတိကျကျ ထုတ်ပြန်ထားရမှာ။ ပြည်သူတွေလည်း ထမင်း၊ ဟင်းချက်ပြုတ်ရ တာ အတော်လေး ဒုက္ခဖြစ်နေ ကြတယ်။"လို့ ပြောပါတယ်။

မြို့နယ်အလိုက် လျှပ်စစ်ဌာနတွေက  မီးပြတ်မယ့် အချိန်တွေကို ထုတ်ပြန်ထားပေမဲ့ ထုတ်ပြန်ချက် အတိုင်း မီးပြတ်တာမဟုတ်ပါဘူး။

အခုလို မီးပြတ်ချိန် များလာတာကြောင့် ထင်းနဲ့ မီးသွေး အသုံးများလာတာနဲ့အညီ ဈေးတက်နေလို့ လက်လုပ်လက်စားတွေ အခက်ကြုံကြရတယ်လို့လည်း ဒေသခံတွေက ဆိုပါတယ်။

ဒေသခံ တဦးက "မီးက အချိန်မမှန်တော့ ထင်းနဲ့ မီးသွေးကို အားကိုးပြီး ချက်ပြုတ်နေရတယ်။ စစ်တွေမှာ မီးသွေး တအိတ် ကျပ်  တသောင်းအထိ စျေး တက်သွားတယ်။ လက်လုပ်လက်စားတွေ အတော်ဒုက္ခရောက်နေတယ်။"လို့ ဆိုပါတယ်။

လတ်တလော စစ်တွေ၊ မြောက်ဦး၊ မင်းပြား၊ ပုဏ္ဏားကျွန်း၊ ကျောက်တော်၊ မြေပုံ၊ ပေါက်တော၊ ရသေ့တောင်၊ ဘူးသီးတောင်၊ မောင်တောမြို့နယ်တွေကို  ပုဏ္ဏားကျွန်းမြို့ ပင်မဓာတ်အားပေး စက်ရုံက လျှပ်စစ်မီး ဖြန့်ဖြူးပေးနေပြီး ကျန်မြို့နယ်တွေကိုတော့ အမ်းမြို့နယ် ဓာတ်အားလိုင်းက ဖြန့်ဖြူးပေးတာ ဖြစ်ပါတယ်။

မနေ့ညက ကစားသွားခဲ့တဲ့ ဘရာဇီးနဲ့ ဆွစ်ဇာလန်ပွဲစဉ်မှာ လျှပ်စစ်မီးပြတ်တောက်မှုကြောင့် စက္ကန့် ပိုင်းလောက်ရပ်နားခဲ့ရပါတယ်။

ဒိုဟာမြို့ရှိ  Ras Abu Aboud ကွင်းမှာကစားခဲ့တဲ့အဲဒီပွဲစဉ်မှာ ပွဲချိန် ၄၄ မိနစ် အရောက်မှာ လျှပ်စီးမီးပြတ်တောက်မှုကြောင့်  ရုတ်တရတ် အမှောင်ကျသွားခဲ့တာပါ။

ဘရာဇီးအသင်းက တောင့်ကန်ဘောကန်ဖို့ပြင်ဆင်နေချိန်မှာဖြစ်ပြီး ပွဲစဉ်ကို ၅ စက္ကန့်လောက် ရပ်နားခဲ့ရပါ သေးတယ်။

စက္ကန့်ပိုင်းအတွင်းပဲ မီးပြတ်သွားခဲ့တာဖြစ်ပေမယ့် ကွင်းလယ်ဒိုင်လူကြီး အိုဗင်ဘာတန်က အခြေအနေကို စောင့်ကြည့်ခဲ့ပါသေးတယ်။

ဒီဖြစ်စဉ်ဟာ လက်ရှိကမ္ဘာ့ဖလားပြိုင်ပွဲမှာ ပထမဆုံးအကြိမ်ဖြစ်ပွားခဲ့တာပါ။ ပွဲစဉ်မတိုင်ခင်ကတည်း ဆွစ်ဇာလန်အသင်းစီးလာတဲ့ ဘက်စ်ကားဟာလည်း ရဲကားကို ဝင်တိုက်မှုဖြစ်ပွားခဲ့သေးပေမယ့် ထိခိုက်မှုတစ်စုံတစ်ရာမရှိခဲ့ပါဘူး။ 

အဲဒီပွဲစဉ်မှာ ဘရာဇီးက ဆွစ်ဇာလန်ကို ၁ဂိုး ဂိုးမရှိနဲ့အနိုင်ရခဲ့ပြီး လက်ကျန်တစ်ပွဲရှိသေးပေမယ့် နောက်တစ်ဆင့်တက်ဖို့ သေချာသွားခဲ့ပါတယ်။