စပိန်ရဲတပ်ဖွဲ့ဟာ ခုသီတင်းပတ်အစောပိုင်းက ကာနာရီ ကျွန်းစုတွေက ကျွဲနွားတွေတင်တဲ့ သင်္ဘော တစ်စင်းကို စီးနင်းပြီးတဲ့နောက် ခန့်မှန်းစျေးကွက်တန်ဖိုး ယူရို ၁၀၅ သန်း (ဒေါ်လာ ၁၁၄ သန်း) တန်တဲ့ ကိုကင်း ၄ တန်ခွဲကို သိမ်းဆည်းရမိခဲ့တယ်လို့ ဇန်နဝါရီ ၂၈ ရက်က သတင်းထုတ်ပြန်ခဲ့ ပါတယ်။
ဒီသင်္ဘောဟာ ဇန်နဝါရီ ၂၄ ရက်က အစီးနင်းမခံရမီ နိုင်ငံတစ်ဒါဇင်လောက်က ဆိပ်ကမ်းတွေမှာ ရပ်တန့်ခဲ့တာပါ။
မူးယစ်မှောင်ခိုသမားတွေက သူတို့ရဲ့ တရားမဝင်ကုန်တင်ကုန်ချ လုပ်ရပ်တွေကို ရဲတပ်ဖွဲ့က ခြေရာခံဖို့ ပိုခက်အောင် မှောင်ခို မူးယစ်ဆေးဝါး တွေကို သယ်ဖို့ ကျွဲနွားတင်တဲ့ သင်္ဘောတွေကို စသုံးခဲ့တယ်လို့ ရဲတပ်ဖွဲ့ကပြောပါတယ်။
နိုင်ငံတကာအဖွဲ့အစည်းတွေက လက်တင် အမေရိက ကနေ ဥရောပကို မူးယစ်ဆေးဝါးတွေ သယ်ပို့ဖို့ သူတို့ကိုယ်သူတို့ ပြန်ဆန်းသစ် တီထွင်နေပြီး ထိန်းချုပ်မှုနဲ့ နေရာချထားမှု ပိုခက်ခဲအောင် တိရစ္ဆာန်တွေကိုသုံးပြီး ထိန်းချုပ်လုပ်ဆောင်နေပါတယ်လို့ စပိန်ရဲတပ်ဖွဲ့ ပြောရေး ဆိုခွင့်ရှိသူ မာရီယာ ဘူယိုက ပြောပါတယ်။
စပိန်အာဏာပိုင်တွေ၊ အမေရိကန် မူးယစ်ဆေးနှိမ်နင်းရေး အုပ်ချုပ်ရေးနဲ့ တိုဂိုရဲတို့ရဲ့ စစ်ဆင်ရေးမှာ ကိုလံဘီယာက နောက်ယောင် ခံလိုက်လာတဲ့ တိုဂိုအလံတပ်ထားတဲ့ အိုရီအွန်ဖိုက် သင်္ဘော အမှုထမ်း ၂၈ ဦးကို ရဲတပ်ဖွဲ့က ဖမ်းဆီးခဲ့ပါတယ်။
အရာရှိတွေက ဂရန်း ကာနာရီယာ ကျွန်းပေါ် လက်စ်ပဲလ်မတ်စ်မြို့မှာရှိတဲ့ ဆိပ်ကမ်းဘက်ခြမ်းက ကိုကင်းတွေပါတဲ့ သေတ္တာ ဒါဇင်ပေါင်းများစွာကို ဇန်နဝါရီ ၂၆ ရက်က ဖယ်ရှားခဲ့ပါတယ်။
အိန္ဒိယ-မြန်မာနယ်စပ်၊ စစ်ကိုင်းတိုင်း၊ တမူးမြို့နယ်အတွင်း လိုင်းကားတစီးပေါ်မှာ စစ်ကောင်စီတပ်ကမှာယူထား အရက်ပူလင်း၊ ဘီယာဘူးတွေနဲ့ လူငယ်ခရီးသည်တွေထံက မူးယစ်ဆေးဝါးတွေကို စက်တင်ဘာ ၁၂ ရက်မှာ တမူး PDF သိမ်းဆည်းရမိလို့ မီးရှို့ဖျက်ဆီးလိုက်ပါတယ်။
တမူးမြို့ဘက်ကနေ အောင်ဇေယျရွာဘက်သို့ ဦးတည်မောင်းနှင်လာတဲ့ လိုင်းကားတစီးပေါ်မှာ မသင်္ကာဖွယ်ရာ ရေခဲပုံးအသစ် ပါကင်တပုံးကို တွေ့ရှိလို့ စစ်ဆေးကြည့်ရာ အပေါ်ယံမှာ ရေခဲဖြူတုံးတွေဖုံးအုပ်ထားပြီး အောက်မှာ အရက်ပုလင်းနဲ့ ဘီယာဘူးတွေ သိုဝှက်သယ်ဆောင်လာတာကို PDF တပ်ဖွဲ့က စစ်ဆေးတွေ့ရှိခဲ့တာပါ။
ဒီပစ္စည်းတွေဟာ စစ်ကောင်စီတပ်စခန်းတခုမှာ ချပေးရမယ့် အော်ဒါမှာထားတဲ့ ရေခဲပုံးဖြစ်ကြောင်း စစ်ဆေးတွေ့ရှိလို့ သိမ်းဆည်းခဲ့တယ်လို့ တမူး PDF တပ်ရင်း(၁)ရဲ့တာဝန်ခံက ပြောပါတယ်။
ဒါ့အပြင် ကားပေါ်လိုက်ပါလာတဲ့ ခရီးသည်တွေကို စစ်ဆေးခဲ့ရာ ခရီးသည်လူငယ်သုံးယောက်ထံကနေ သူတို့သုံးစွဲဖို့ ယူဆောင်လာတဲ့ မူးယစ်စိတ်ကြွဆေးပြားတွေကို စစ်ဆေးတွေ့ရှိရလို့ ခရီးသည်တွေ ရှေ့မှောက်မှာ မီးရှို့ဖျက်ဆီးပြီး မူးယစ်ဆေးအန္တရာယ် ပညာပေးဟောပြောကာ ပြန်လွှတ်ပေးခဲ့တယ်လို့ဆိုပါတယ်။
တမူးမြို့နယ်မှာ ဒေသခံကာကွယ်ရေးတပ်ဖွဲ့ဝင်တွေက စစ်ကောင်စီထုတ် ကုန်ပစ္စည်းတွေ တရားမဝင်သစ်၊ ကျွဲနွား၊ မူးယစ်ဆေးနဲ့ မှောင်ခိုလုပ်ငန်းကရတဲ့ တရားမဝင် ငွေမည်းတွေ စစ်ဆေးတွေ့ရှိပါက လုပ်ထုံးလုပ်နည်းနဲ့အညီ ဥပဒေအတိုင်း အရေးယူဆောင်ရွက်သွားမယ်လို့လည်း တမူး PDF က သတိပေးထုတ်ပြန်ထားပါတယ်။
