နယ်သာလန်မှာ နောက်ဆုံးရွေးကောက်ပွဲအပြီး ၁၀ လအကြာ ဇန်နဝါရီ ၁၀ ရက်နေ့က ဝန်ကြီးချုပ် မာခ့်ရုတီရဲ့ အစိုးရအဖွဲ့ဟာ ဒတ်ချ်ဘုရင်မင်းမြတ် ဝီလျံအလက်ဇန်းဒြားရဲ့ သည်ဟိတ်မြို့ တော်ဝင်နန်းတော်မှာ ကျမ်းကျိန်ခဲ့ပါတယ်။ 

မာ့ခ်ရုတီဟာ ဝန်ကြီးချုပ်တာဝန်ကို လေးကြိမ်ဆက်တိုက် ထမ်းဆောင်တာလည်း ဖြစ်ပါတယ်။

အခုအစိုးရအဖွဲ့ဟာ ၂၀၁၇ ခုနှစ်ကတည်းက ပါတီလေးခု ညွန့်ပေါင်းဖွဲ့ထားတဲ့ အစိုးရအဖွဲ့ဖြစ်ပါတယ်။

ပြီးခဲ့တဲ့နှစ် မတ်လ ၁၇ ရက် ရွေးကောက်ပွဲပြီးကတည်းက ပါတီတွေကြား အစိုးရဖွဲ့နိုင်ရေး သဘောတူညီမှုရရှိဖို့ ရက်ပေါင်း ၃၀၀ နီးပါး အချိန်ယူခဲ့ရပါတယ်။

အခုရက်ပိုင်း နယ်သာလန်မှာ အိုမီခရွန်ဗိုင်းရပ်စ်ကြောင့် ကိုဗစ်-၁၉ ကူးစက်မှုတွေ မြင့်မားနေချိန်မှာ အစိုးရသစ် ဖွဲ့နိုင်ခဲ့တာပါ။

ဒီဇင်ဘာလလယ်ကတည်းက လော့ခ်ဒေါင်းတွေ ကျယ်ကျယ်ပြန်ပြန့် ချထားတာကြောင့် ကန့်ကွတ်ဆန္ဒပြမှုတွေ နေ့တိုင်း ရှိနေပါတယ်။

တာလီဘန်တွေက အစိုးရသစ်ဖွဲ့ဖို့ စီစဉ်ဆောင်ရွက်နေပြီး တရုတ်အစိုးရနဲ့ အင်မတန် အားကောင်းတဲ့ ဆက်ဆံရေးကို တည်ဆောက်ဖို့ မျှော်လင့်ထားတယ်လို့ တာလီဘန် ပြောခွင့်ရ ဇာဘီဟူလာ မူဂျာဟစ်က တရုတ်အစိုးရရုပ်သံကို သြဂုတ် ၃၁ ရက်က ပြောလိုက်ပါတယ်။

အာဖဂန်နစ္စတန်နိုင်ငံကို ပုံမှန်ပြန်ဖြစ်အောင် လုပ်ပြီး တရုတ်ရဲ့ ထောက်ပံ့မှုအတွက် စိတ်အားထက်သန်နေတယ်လို့လည်း သူက ပြောပါတယ်။

တရုတ်အစိုးရဟာ တာလီဘန်တွေကို အာဖဂန်နစ္စတန်ရဲ့ အုပ်ချုပ်သူအသစ်တွေအဖြစ် တရားဝင် အသိအမှတ် မပြုရသေးဘူးလို့လည်း စီစီတီဗီက ပြောပါတယ်။

ဒါပေမဲ့ တရုတ်အရာရှိတွေဟာ တာလီဘန်တွေရဲ့နိုင်ငံရေးရုံးအကြီးအကဲ မူလာဘာရာဒါကို ဇူလိုင်လက လက်ခံ တွေ့ဆုံခဲ့ပါတယ်။

ဖိအားတွေ ပိုပေးမယ့်အစား အစိုးရသစ်အဖြစ် အသွင်ကူးပြောင်းရေးအတွက် အာဖဂန်နစ္စတန်ကို ကမ္ဘာကြီးက လမ်းညွှန် ထောက်ပံ့သင့်တယ်လို့ တရုတ်က ပြောခဲ့ဖူးပါတယ်။

အဲဒီနောက် တာလီဘန်တွေကို တရားဝင်အုပ်ချုပ်သူအဖြစ် တရုတ်အစိုးရက အသိအမှတ်ပြုကောင်း ပြုရမယ်ဆိုတဲ့ အလားအလာ ပိုတိုးလာနေတယ် ဆိုတာကို ပြည်သူတွေ လက်ခံလာအောင် တရုတ်ရဲ့ ဝါဒဖြန့်ချိရေးယန္တရားတွေက စတင် ပြင်ဆင်လာခဲ့တယ်လို့ တရုတ်အစိုးရ ရုပ်သံကွန်ယက် CGTN က ပြောပါတယ်။

တရုတ်တွေကို ကျနော်တို့နိုင်ငံဆီ ကုန်စည်တွေ တင်ပို့စေလိုပြီး တိုင်းပြည် ဖွံ့ဖြိုးတိုးတက်ရေးမှာ ကူညီစေချင်တဲ့အပြင် သူတို့နဲ့ ဆက်ဆံရေး ကောင်းဖို့ မျှော်လင့်နေတယ်လို့ မူဂျာဟစ်က CGTN နဲ့ လူတွေ့ မေးမြန်းခန်းမှာ ပြောပါတယ်။

တာလီဘန်တွေ ၁၉၉၆ ကနေ ၂၀၀၁ ခုနှစ်ကြား အာဖဂန်ကို အုပ်ချုပ်ချိန်က တရုတ်ဟာ အာဖဂန်နဲ့ ဆက်ဆံရေး ဆိုင်းငံ့ခဲ့တာပါ. ၁၉၉၃ မှာ ပြည်တွင်းစစ် စဖြစ်တည်းက တရုတ်သံတမန်တွေကို အာဖဂန်ကနေ ပြန်ခေါ်ထုတ်ခဲ့ပါတယ်။