ဘုန်းမောက်အသင်းကို အနိုင်ရတဲ့ပွဲမှာ အာဆင်နယ်အသင်းသားတွေရဲ့ အနိုင်မခံအရှုံးမပေး စိတ်ဓာတ်ကို နည်းပြအာတီတာက ချီးကျူးသွားပါတယ်။
အာဆင်နယ်အသင်းဟာ အိမ်ကွင်းမှာ ဦးဆောင်ဂိုး ၂ ဂိုးအရင်ပေးလိုက်ရပေမယ့် ချေပဂိုးတွေ လိုက်သွင်းပြီး ပွဲပြီးခါနီးနောက်ဆုံးမိနစ်မှာ အနိုင်ဂိုးသွင်းပြီး ၃ ဂိုး ၂ ဂိုးနဲ့အနိုင်ရခဲ့တာပါ။
ပွဲအပြီးမှာတော့ နည်းပြအာတီတာက အသင်းသားတွေရဲ့စိတ်ဓာတ်ကိုချီးကျူးခဲ့ပြီး မယုံကြည်နိုင်စရာ ကောင်းလောက်တဲ့ ကျေနပ်ပျော်ရွှင်မှုဖြစ်ကြောင်းပြောပါတယ်။
“အသင်းသားတွေဟာ ဘယ်တော့မှအရှုံးမပေး လက်မမြှောက်ခဲ့ကြဘူး။ ပရိသတ်တွေရှေ့မှာ ဒီလိုခမ်းနားကြီးကျယ်လှတဲ့ အခိုက်အတန့်ကို မျှဝေပေးနိုင်တာ လောက်ကောင်းမွန်တာ မရှိပါဘူး။ အသင်းသားတွေအတွက် ဂုဏ်ယူပါတယ်”လို့ နည်းပြအာတီတာက ပြောပါတယ်။
အမှတ်ပေးဇယားကို ၅ မှတ်ဖြတ်ပြီး ဦးဆောင်မှုကို ဆက်ထိန်းနိုင်ခဲ့တာက ကျေနပ်စရာဖြစ်ပေမဲ့ ပွဲစဉ်တွေ အများကြီးဆက်ကစားရဖို့ကျန်ရှိသေးကြောင်း နည်းပြအာတီတာက ပြောသွားပါတယ်။
မနေ့ညက ကစားခဲ့တဲ့ပရီးမီးယားလိဂ်ပွဲစဉ်မှာ အာဆင်နယ်က စပါးအသင်းကိုအနိုင်ယူပြီး အမှတ်ပေးဇယားကို ၈ မှတ်ဖြတ်ကာ ဦးဆောင်နိုင်ခဲ့ပါတယ်။
အာဆင်နယ်ဟာ စပါးအသင်းရဲ့ အိမ်ကွင်းမှာလာရောက်ကစားခဲ့ရပေမယ့် ပထမပိုင်းကတည်းက ၂ ဂိုးပြတ်နဲ့ ဦးဆောင်နိုင်ခဲ့တာပါ။
ဒုတိယပိုင်းမှာ အနိုင်ရလဒ်ကိုထိန်းကစားသွားခဲ့ပြီး ဂိုးသမားအာရွန်ရမ်စ်ဒေးကလည်း ကာကွယ်မှု တွေပြုလုပ်ခဲ့ပါတယ်။
ဒီနိုင်ပွဲရလဒ်ကြောင့် ဒုတိယနေရာက မန်စီးတီးကို ၈ မှတ်အထိဖြတ်နိုင်ခဲ့ပြီး အသင်းသမိုင်းတလျှောက် ၁၈ ပွဲ ကစားပြီးချိန်မှာ အမှတ်ဖြတ်မှုနိုင်မှုအများဆုံးဖြစ်ခဲ့တာပါ။
အာဆင်နယ်ဟာ လာမယ့်တတပတ်စူပါဆန်းဒေးမှာ မန်စီးတီးကို အနိုင်ယူခဲ့တဲ့ မန်ယူအသင်းကို အိမ်ကွင်းမှာလက်ခံ ကစားသွားရမှာဖြစ်ပါတယ်။
