လာမယ့်နှစ် အပြောင်းအရွှေ့ကာလအတွက် ပြင်ဆင်ထားပြီးပြီလို့ အာဆင်နယ်အသင်းရဲ့ အားကစားဒါရိုက်တာ အီဒူးက ပြောပါတယ်။
အပြောင်းအရွှေ့ဈေးကွက်ဖွင့်ချိန်မှာ အဆင်သင့်ဖြစ်နေဖို့ လိုအပ်တာကြောင့် လက်ရှိအချိန်ကတည်းက အကောင်းဆုံးပြင်ဆင်မှုတွေ ပြုလုပ်ထားတာဖြစ်တယ်လို့ အီဒူးက ပြောပါတယ်။
အာဆင်နယ်အသင်းဟာ ပြီးခဲ့တဲ့ ဇန်နဝါရီ အပြောင်းအရွှေ့မှာ ပစ်မှတ်ထားခဲ့တဲ့ ကစားသမားတွေကို မခေါ်ယူနိုင်ခဲ့ပေမယ့် ဂျော်ဂျင်ညို၊ ထရော့ဆတ် တို့လို ကစားသမားတွေနဲ့ အစားထိုးနိုင်ခဲ့ပြီး အောင်မြင်တဲ့ ခေါ်ယူမှုတွေလည်း ချီးကျူးခံနေရတာပါ။
ပရီးမီးယားလိဂ်မှာ အသင်းတွေအများကြီးရှိပြီး နည်းပြကောင်းတွေလည်းရှိလို့ ပြိုင်ဆိုင်မှု မြင့်မားတာကြောင့် ပြင်ဆင်မှု ကောင်းကောင်းလုပ်ထားလေလေ ပိုပြီး အဆင်ပြေနိုင်လေလေ ဖြစ်တယ်လို့ အီဒူးက ပြောသွားပါတယ်။
အီဒူးအနေနဲ့ လာမယ့်နှစ်အပြောင်းအရွှေ့မှာ ဘယ်ကစားသမားတွေကို ပစ်မှတ်ထားသလဲဆိုတာကတော့ ထုတ်ဖော်ပြောဆိုခြင်းမရှိခဲ့ပါဘူး။
အပြောင်းအရွှေ့စျေးကွက်မှာ လုပ်ဆောင်စရာတွေ ကျန်ရှိနေသေးကြောင်း အာဆင်နယ်နည်းစနစ် ဒါရိုက်တာ အီဒူးက ပြောပါတယ်။
အာဆင်နယ်အသင်းဟာ အခုနှစ်နွေရာသီအပြောင်းအရွှေ့ကာလမှာ ကစားသမားသစ် ၅ ဦးအထိ ခေါ်ယူထားတာပါ။
ကွင်းလယ်လူတွေဖြစ်တဲ့ ဗီအဲယာ၊ မာကွင်ဟို့စ်၊ ဂိုးသမား မက်တာနာ၊ နောက်ခံလူ ဇန်ချင်ကိုနဲ့ တိုက်စစ်မှူး ဂါဘရီယယ်ဂျေဆုတို့ကိုခေါ်ယူထားပြီး ဖြစ်ပါတယ်။
ဒါပေမဲ့ အပြောင်းအရွှေ့မှာ ဆက်ပြီးလုပ်ဆောင်စရာတွေအများကြီးကျန်သေးပြီး တစ်ခုချင်းစီတိုင်းအတွက် အာရုံစိုက်လုပ်ဆောင်သွားရမှာဖြစ်ကြောင်း အီဒူးကပြောပါတယ်။
“အသင်းက ကစားသမားတစ်ဦးချင်းစီအတွက် အစီအစဉ်တွေကိုယ်စီရှိပါတယ်။ ဒါကြောင့်လည်း အပြောင်းအရွှေ့စျေးကွက်မှာ လုပ်ဆောင်စရာတွေအများကြီးကျန်သေးတယ်လို့ ကျနော်ပြော တာပါ။ အသင်းကို အကောင်းဆုံးနည်းလမ်းနဲ့ ဟန်ချက်ညီအောင်လုပ်ဆောင်ဖို့လိုပါတယ်” လို့ အီဒူးက ပြောပါတယ်။
အာဆင်နယ်ဟာ ရာသီကြိုခြေစမ်းပွဲ ၄ ပွဲကစားပြီးရာမှာ ၄ ပွဲစလုံးအနိုင်ရလဒ်နဲ့ ခြေစွမ်းပြသနိုင်ခဲ့ပါတယ်။
