ဂျူဗင်တပ်နဲ့ ဘာစီလိုနာအသင်းတို့ဟာ ဥရောပဘောလုံးအဖွဲ့ချုပ်က စုံစမ်းစစ်ဆေးနေတာကြောင့် လာမယ့်ရာသီ ချန်ပီယံလိဂ်ဝင်ခွင့် ပိတ်ပင်ခံရနိုင်ခြေ ရှိနေပါတယ်။

ဂျူဗင်တပ်အသင်းဟာ အပြောင်းအရွှေ့တွေမှာ ကစားသမားတွေကို ငွေပေးချေရာမှာ မမှန်မကန် ပြုလုပ်ခဲ့တာကြောင့် စုံစမ်းစစ်ဆေးခံနေရတာပါ။

အီတလီဘောလုံးအဖွဲ့ချုပ်ကနေ ၁၅ မှတ်လျော့ပြစ်ဒဏ် ချမှတ်ခဲ့ပေမဲ့ ပြန်လည် ပြင်ဆင်ပြီးနောက် ပြစ်ဒဏ်ကို ပယ်ဖျက်ပေးခဲ့ပါတယ်။

ဒါပေမဲ့ ဥရောပဘောလုံးအဖွဲ့ချုပ်က ဆက်လက်စစ်ဆေးနေဆဲဖြစ်လို့ ပြစ်မှုထင်ရှားမယ်ဆိုရင် ဥရောပပွဲကစားခွင့် ပိတ်ပင်ခံရနိုင်တာပါ။

ဘာစီလိုနာအသင်းကတော့ လွန်ခဲ့တဲ့ ၁၇ နှစ်ကတည်းက စပိန်ဒိုင်လူကြီးကော်မတီ ဒုတိယဥက္ကဋ္ဌ နီဂရီယာရာကို ပေါင် ၆ ဒသမ ၄၆ သန်း ပေးချေခဲ့တာကို စစ်ဆေးတွေ့ရှိခဲ့ပြီး မသမာမှုလုပ်တယ်လို့ စွပ်စွဲခံနေရတာပါ။

ပြစ်မှုထင်ရှားမယ်ဆိုရင် လုပ်ပွဲကစားမှုနဲ့ အဲဒီအချိန်တုန်းက အသင်းတာဝန်ရှိသူတွေပါ ထောင်ဒဏ်ပြစ်ဒဏ် ချခံရနိုင်ပြီး ဘာစီလိုနာအသင်းဟာလည်း ဥရောပဝင်ခွင့် ပိတ်ပင်ခံရနိုင်တာ ဖြစ်ပါတယ်။

ဥရောပဘောလုံးအဖွဲ့ချုပ် (UEFA) ယူရို ၂၀၂၄ ဘောလုံးပြိုင်ပွဲ ဖွင့်ပွဲကို ဂျာမနီနိုင်ငံ မြူးနစ်မြို့က ဖက်စ်ဘောအရီနာ ဘောလုံးကွင်းကြီးမှာ ကျင်းပမှာဖြစ်ပြီး နောက်ဆုံးဗိုလ်လုပွဲကိုတော့ ဘာလင်မြို့က အိုလံပီယား စတာဒီအွန် ဘောလုံးကွင်းမှာ ကျင်းပဖို့ စီစဉ်နေပါတယ်။

မေ ၁၀ ရက်နေ့က UEFA ဘောလုံးအဖွဲ့ချုပ် အုပ်ချုပ်ရေးကော်မတီ အစည်းအဝေးကို အော်စတီးယားမြို့တော် ဗီယင်နာမြို့မှာ ပြုလုပ်ပြီး ဘောလုံးပွဲ အစီအစဉ်တွေကို အခုလို ကြေညာလိုက်တာပါ။

၂၀၂၄ ဇွန် ၁၄ ရက်ကနေ ဇူလိုင် ၁၄ ရက်အထိ တလတာကျင်းပမယ့် ယူရို ၂၀၂၄ ဘောလုံးပြိုင်ပွဲတွေကို ဂျာမနီနိုင်ငံ မြို့ကြီး ၁၀ မြို့မှာ ကျင်းပသွားမှာ ဖြစ်ပါတယ်။

အောင်မြင်မှုသမိုင်းကြောင်းကို ကြည့်ပြီး ချန်ပီယံလိဂ်ဝင်ခွင့် နှစ်နေရာပေးမယ့် ယူအီးအက်ဖ်အေရဲ့ အစီအစဉ်အပေါ် ဘောလုံးပရိသတ်တွေက ဝေဖန်နေကြပါတယ်။

ဥရောပဘောလုံးအဖွဲ့ချုပ် အမှုဆောင်ကော်မတီဝင်တွေဟာ ပြည်တွင်းလိဂ်ပြိုင်ပွဲမှာ ချန်ပီယံလိဂ်ဝင်ခွင့် မရခဲ့တဲ့ အသင်းတွေအတွက် သူတို့ရဲ့ အောင်မြင်မှု အစဉ်အလာကို ကြည့်ပြီး အဆင့်သတ်မှတ်ချက်အမြင့်ဆုံး ၂ သင်းကို အုပ်စုအဆင့် တိုက်ရိုက်ကစားခွင့်ပေးဖို့ အဆိုပြုထားပါတယ်။

အဲဒီအစီအစဉ်ကို လာမယ့် ၂၀၂၄ ခုနှစ်မှာ စတင်အကောင်အထည်ဖော်ဖို့ ရှိပေမယ့် ဥရောပတလွှားက ပရိသတ်တွေကတော့ ကန့်ကွက်မှုတွေ လုပ်ဆောင်နေကြပါတယ်။

ယူအီးအက်ဖ်အေရဲ့ အစီအစဉ်သစ်ဟာ ဥရောပလိဂ်တွေထဲမှာ အဆင့်သတ်မှတ်ချက် မြင့်မားတဲ့ အင်္ဂလန်အသင်းတွေအတွက် အကျိုးကျေးဇူးရှိနိုင်ပြီး စုစုပေါင်း ၅ သင်းအထိ ချန်ပီယံလိဂ်ဝင်ခွင့် ရရှိဖွယ် ရှိနေတာပါ။

ယူအီးအက်ဖ်အေဟာ ချန်ပီယံလိဂ်အုပ်စုအဆင့်ကို ၃၂ သင်းကနေ ၃၆ သင်းအထိ တိုးမြှင့်ချင်တာပါ။ အဲဒီထပ်တိုးလေးနေရာမှာ နှစ်နေရာက ယူအီးအက်ဖ်အေရဲ့ အဆင့်သတ်မှတ်ချက် ပဉ္စမနေရာက လိဂ်ပြိုင်ပွဲရဲ့ အဆင့် ၃ ရအသင်းနဲ့ ချန်ပီယံလမ်းကြောင်းကနေ ဝင်ခွင့်ရမယ့် ပြည်တွင်းလိဂ်ချန်ပီယံတသင်း တိုးမြှင့်ဖို့လည်း ပါဝင်ပါတယ်။