စစ်အာဏာရှင်ကို​ နေ့စဉ်တော်လှန်လာခဲ့တာ ရက်​ပေါင်း ၇၀ ရှိလာပြီဖြစ်တဲ့ စစ်ကိုင်းတိုင်း ယင်းမာပင်မြို့နယ်နဲ့  ဆားလင်းကြီးမြို့နယ်တို့က ​ကျေးလက်​နေပြည်သူ စု​ပေါင်းသပိတ်ဟာ ​မေလ ၁၉ ရက်​နေ့မှာလည်း အင်အား​ကောင်း​​ကောင်းနဲ့ ဆန္ဒပြပွဲ ပြုလုပ်ခဲ့ကြပါတယ်။

ဆန္ဒပြရာမှာပါဝင်တဲ့ ​ကျောင်းသားမိဘတစ်ဦးက “တချို့​သောပြည်သူ​တွေက ပတ်ဝန်းကျင်အ​ခြေ​​နေကိုကြည့်တာ​တွေ ခိုင်မာတဲ့ဆုံးဖြတ်ချက် အားနည်းတာ​တွေရှိ​နေတယ်။ စာသင်​ကျောင်း​တွေဖွင့်ဖို့ကြိုးစား​နေတဲ့ စစ်​ကောင်စီဟာ သူ့အလုပ်သူလုပ်​နေတာဖြစ်သလို ပြည်သူ​​တွေကလည်း ကျောင်းမထားဖို့က ကိုယ့်အလုပ်ဖြစ်တာ​ကြောင့် ကိုယ့်အလုပ်ကို ပြတ်ပြတ်သားသားလုပ်ရဲရမယ်” လို့ ​ပြောပါတယ်။

ဆန္ဒပြပွဲမှာပါဝင်တဲ့ ​ကျောင်းသူတစ်ဦးကလည်း “ ကျောင်းအပ်​နှံ​ကြေး​ပေးရတဲ့ငွေဟာ အကြမ်းဖက်စစ်​ကောင်စီအတွက် လက်နက်ဝယ်​ဖို့ထုတ်​ပေးတာနဲ့တူသလို ​ကျောင်းတက်​ရောက်တဲ့ သူ​တွေကလည်း အကြမ်းဖက်စစ်​ကောင်စီနဲ့အတူ လူသတ်တဲ့သူ​တွေဖြစ်တယ်” လို့  ​ဆိုပါတယ်။

ဒီက​နေ့ဆန္ဒပြပွဲမှာ လမ်း​လျှောက်သပိတ်၊ ထိုင်သပိတ်တို့အပြင် ရှစ်မျက်နှာဘုရား သွား​ရောက်ကာ ဖမ်းဆီးခံအားလုံး အမြန်ဆုံးလွတ်​မြောက်ရေးနဲ့  ဒီမိုက​ရေစီ​တောင်းဆိုရင်း ကျဆုံးခဲ့ရတဲ့ အာဇာနည်သူရဲ​ကောင်းတွေအတွက်  နှင်းဆီပန်းတွေနဲ့ ဆု​တောင်း​ပေးခခဲ့ကြပါတယ်။