မုံရွာမြို့၊ ကျောက္ကာလမ်း၊ ဇောတိကဘုန်းကြီးကျောင်းအနီးမှာ မေ ၂၁ ရက်နေ့ ည ၉နာရီက ဗုံးပေါကွဲခဲ့တာကြောင့် လူ ၂ ဦး သေဆုံးခဲ့တယ်လို့ သိရပါတယ်။

ဇောတိကကျောင်း အမှိုက်ကန်အနီးပေါက်ကွဲပြီး ဆိုင်ကယ်နဲ့ လူနှစ်ဦး ဒဏ်ရာတွေနဲ့ လဲကျ သေဆုံးနေတာလို့ မျက်မြင်တစ်ဦးက ပြောပါတယ်။ ဗုံးပေါက်ကွဲမှုကြောင့် အနီးရှိ နေအိမ်ခေါင်မိုးတွေ ထိမှန်ခဲ့တယ်လို့ ပြောဆိုပါတယ်။

အောင်ချမ်းသာရပ်ကွက် ပြည်ထောင်စုလမ်းမှာလည်း ကားတစ်စီး ရပ်တန့်မပေးတာကြောင့် အကြမ်းဖက်စစ်ကောင်စီတပ်က သေနတ်နဲ့ ၁၀ ချက်လောက် ပစ်ခတ်ခဲ့တယ်လို့ ဒေသခံတစ်ဦးက ပြောပါတယ်။