ဧရာဝတီတိုင်း၊  ရေကြည်မြို့နယ်၊ ငါးသိုင်းချောင်းမြို့ အထက်တန်း ကျောင်းအနီးမှာ  ဇွန်လ ၁ ရက် ဒီနေ့ မနက်ပိုင်းက ဗုံးပေါက်ကွဲခဲ့ပြီး ထိခိုက်ဒဏ်ရာရသူ မရှိဘူးလို့ ဒေသခံတဦးက ပြောပါတယ်။

ဒါ့ပြင် မြို့သစ်ရပ်ကွက်က သတင်းပေးဒလန်လို့ နာမည်ကြီးသူတစ်ဦးရဲ့ နေအိမ်ကိုလည်း မွန်းလွဲ ၃ နာရီလောက်မှာ လက်လုပ်ဗုံး ၂ လုံး ပစ်သွားခဲ့တာရှိတယ်လို့ ဒေသခံတွေက ပြောပါတယ်။

"ဒလန်အိမ်ကို ပစ်တဲ့ဗုံးက မပေါက်ဘူး။ အခုတော့ တပ်က လာပြီးစစ်ဆေးတာတွေ လုပ်တယ်လို့ သိရတယ်။ ဒီညနေပိုင်း ၃ နာရီကျော်မှာ ပေါက်ကွဲသံ ထပ်ကြားရတယ်။ အဲ့ဗုံးပဲ ပေါက်တာလား၊ တပ်ကပဲ ဗုံးကိုဖောက်ခွဲပြီး ရှင်းလိုက်တာလားတော့ အတိအကျမသိဘူး"လို့ ပြောပါတယ်။

ဇွန်လ ၁ ရက်နေ့ တရက်တည်း ဧရာဝတီတိုင်းက ပုသိမ်၊ အသုတ်၊ လေးမျက်နှာနဲ့ ငါးသိုင်းချောင်းမြို့တွေမှာ ဗုံးပေါက်ကွဲမှုတွေ တပြိုင်နက်တည်း ဖြစ်ပွားခဲ့တာလို့ သိရပါတယ်။